Analar sevincdən köçər dünyadan

Analar sevincdən köçər dünyadan
25 avqust 2014
# 10:22

Atəşkəs pozuldu yenə bu axşam,

Ana övladıyla köçdü dünyadan.

Göz yaşı qan ilə doldu bu axşam,

Ah-nalə səsləri qalxdı obadan...

Ana qışqıraraq ah-nalə etdi,

Dözməyib bu hala özündən getdi.

Gələcək bir ömrü bu gündən bitdi,

Ana övladıyla köçdü dünyadan.

Ağılar səslənir, göz yaşı axır,

Tabutun dalına doğmalar baxır...

Bu gediş qəlbləri yandırıb yaxır,

Ana övladıyla köçdü dünyadan...


Toyunu görmədim, ay şəhid oğlum,

Belimi bükübdür sənin yoxluğun.

Burnumdan getməyir sənin gül qoxu,

Ana övladıyla köçdü dünyadan...

Ana ağladıqca söyləyir yenə,

Qoy vətən sağ olsun, qəm gəlsin mənə

Övladım layiqdir bu cür zirvəyə,

Ana övladıyla köçdü dünyadan...


Təki bayrağımız enilməz olsun,

Vətən torpağımız basılmaz olsun.

Elimiz, obamız ayrılmaz olsun,

Analar övladıyla qalsın dünyada...

Ey Cəlil, bu dərddə bitəcək bir gün,

Analar sevinib, güləcək bir gün.

Azəri torpağı olanda bütün,

Analar sevincdən köçər dünyadan...

# 1429 dəfə oxunub

Oxşar xəbərlər

Beş - Rasim Əlizadənin hekayəsi

Beş - Rasim Əlizadənin hekayəsi

17:40 18 iyul 2024
Neytral haldan yaranan insanlığın xülyası - Məhəmməd Kərimov

Neytral haldan yaranan insanlığın xülyası - Məhəmməd Kərimov

14:30 14 iyun 2024
Səkilərdə toqquşur baş-ayaq küt baxışlar - Xosrov Natil

Səkilərdə toqquşur baş-ayaq küt baxışlar - Xosrov Natil

11:30 23 may 2024
Məlikməmmədin nağılı - Aliyə Qədirovanın hekayəsi

Məlikməmmədin nağılı - Aliyə Qədirovanın hekayəsi

16:32 22 may 2024
Aş qonaqlığı - Xaliq Rəhimlinin hekayəsi

Aş qonaqlığı - Xaliq Rəhimlinin hekayəsi

12:00 21 may 2024
Azərbaycanda ilk qadın jurnalı - "İşıq"

Azərbaycanda ilk qadın jurnalı - "İşıq"

16:30 17 may 2024
# # #