Günay Əliyeva

İnsanlar duyğu və məntiq insanları olaraq bölünərlər. Yəni horoskopda belə xərçəngə və balığa duyğu insanı deyərkən, tərəzi və oğlağı radikal məntiq insanı deyə kvalifikasiya edirlər. Bütün insanlarda, əlbəttə ki, həm məntiq - rasional düşüncə, həm də duyğu - hiss etmə bacarığı var. Bunların bir-birinə nisbəti fərqli olar sadəcə. Belə bir kooffisient təsəvvür edək:

Sentiment/Logic=X

Yəni bəziləri yuxarıda qeyd etdiyim kimi duyğu insanı olar, hər şeyi sevər, hər şeyə üzülər, bir sözlə həyatı ürəkdən <3 yaşayar. Bu insanlar nəyisə və ya kimisə sevdimi gözləri (və ya beyni) kor olar. Burda kooffisientimiz 1-dən böyük olur. Digərləri məntiq insanı olar, onlar hər şeyi düşünərlər, ölçüb-biçərlər, hesaba alarlar. Ürəkləri nə isə istəsə belə, məntiqə uyğun deyilsə və mənfəət vermirsə etməzlər. Bu insanlar 1-dən kiçik kooffisient göstərərlər.

Amma...

Hər şey bu qədər asan deyil əlbəttə ki..

Bir də bu kooffisientimizin 1-in özünə bərabər olanları var. Yəni həm düşünüb, həm də hiss edən insanlar. Oy-oy... “Nə yaxşı bunlarda hər ikisindən də var, həm həyatı - olanları dərk edirlər, həm də duya-duya, hiss edə-edə yaşayırlar” -deyirsən elə??

Ehh...belə asan olsa nə vardı ki. Belə izah edim onda sənə: az düşünüb, az başa düşürsənsə, bildiyin 1-2 şey olur, onu da duyub, hiss edib 2-3 ya 4-5 xoşbəxtlik-dərd fazaları ilə yaşayıb gedirsən. Həm çox düşünüb, həm də çox duyan insanlar üçün həyat zəhrimara dönər: Həm bilirsən... Həm sevinirsən... Həm də üzülürsən... Bir də üstəlik hər öyrəndiyinlə böyüyürsən, çünki hər öyrəndiyini yaşayırsan... Dərin olur bu insanlar... Çox bildikləri və ya çox düşündükləri üçün yox, düşündükləri hər şeyi dərindən hiss edib, duyub, yaşadıqları üçün... Onlardan çox olmaz amma... Ətrafda görsəniz əgər, başa düşməyə çalışmayın... Bir də siz üzməyin, yetər.

• Şuşada İƏT ölkələrindən olan gənclərin yaradıcılıq marafonu keçirilir
• Aqşin Yenisey: "İslam imanı firəng qiyafəti qarşısında duruş gətirə bilmir"
• Timati bu əsərə 1 milyondan çox ödədi