Kulis.az Bayram Mustafazadənin şeirlərini təqdim edir.
Dünyanın ən gözəl
musiqisini hələ eşitməmişəm.
Çünki o sənin səsində
gizlənib.
Əgər eşitsəydim,
Kar olardı qulaqlarım
səndən özgə
bütün qadın səslərinə...
***
Bethovenin "Ay ışığında"
dünyanın ən gözəl
mənzərəsidir sənin şəklin...
***
Sevmək - hər qadında
səndən nəsə tapmaqdır...
***
Bəzən insanları
məst edər,
xoşbəxt edər
içmək...
Məni isə hər gecə
sərxoş edər
səni düşünmək,
məst edər səni
sevmək xoşbəxtliyim...
***
Pişik sığaldan qaçırsa,
ya heç vaxt sığal görməyib,
ya da sığallayan
onu çox incidib...
Qadın da pişik kimidir...
***
Toxunma...
İnsanların inancına
toxunma...
Qəlbinə toxunsan,
səndən küsərlər...
İnancına toxunsan,
hər şeydən...
***
Gecə...
Ən qatı cinayətə
çevrilir bəzən
itin hürməsi
sükutu pozduğuna
görə...
***
Qadın...
Sevdin sevgilindir,
evləndin həyat yoldaşın...
Sonra?
Sonra uşaqların anası,
nəvələrin nənəsi...
Sonda ...
Soyuq bir başdaşı...
İki damcı göz yaşı ...
***
Kişi batmanla sevər,
Qadın misqal-misqal...
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
