7-8 noyabr tarixlərində Bakıda “Multikulturalizm və teatr” mövzusunda IV Bakı Beynəlxalq Teatr Konfransı keçirilib. Teatrın mətbuat xidmətindən Kulis.aza verilən məlumata görə konfransda “Medeya. Sekvensiya 01” tamaşası Gürcüstanda keçirilən Tbilisi Beynəlxalq Teatr Festivalına dəvət edilib.

Konfrans çərçivəsində xarici və yerli mütəxəssislər Yuğ Dövlət Teatrının M.Mikayılovun “Medeya. Sekvensiya 01” və baş rejissor G.Ömərin “Naməlum Axundzadə” tamaşalarına baxıb. Hər iki tamaşa qonaqlar tərəfindən maraqla qarşılanıb.

M.Mikayılovun “Medeya. Sekvensiya 01” tamaşası hər il Gürcüstanda keçirilən və teatr aləminin ən mötəbər festivallarından sayılan Tbilisi Beynəlxalq Teatr Festivalının təşkilatçılarından teatrşünas, doktor, professor İrina Qoqoberidzenin və festivalın koordinatoru teatrşünas Lela Oçuairinin xüsusi marağına səbəb olub və tamaşa festivala dəvət edilib.

Konfransın ikinci günü Yuğ Dövlət Teatrının ədəbi hissə müdiri, teatrşünas Elçin Cəfərov “Yuğ teatrı: Şərqdə Qərb paradoksu” adlı məruzə ilə çıxış edib. E.Cəfərovun çıxışı həm yerli, həm də xarici mütəxəssislər tərəfindən maraqla qarşılanıb.

• Könlümə tək Kəbə yapdım səni mən - Günün şeiri
• Stalinlə məzələnən, divar saatından başqa heç nəyi olmayan dahi - O niyə özünə qəsd etmişdi?
• Serdar Ortaç: "Nə olar, həyat yoldaşınızı öpün..."