Kulis.az-ın festivalın rəsmi saytına istinadən verdiyi xəbərə görə, baş mükafat olan “Qızıl şir”i Roy Andersonun “Göyərçin budağa qonub həyat haqda düşünürdü” filmi qazanıb. Əhəmiyyətinə görə ikinci dərəcəli mükafat olan “Gümüş ayı”nı ən yaxşı rejissor işinə görə, Andrey Konçalovski “Poçtalyon Aleksey Tryapitsinin bəyaz gecələri” filmi ilə alıb.
Əsas müsabiqənin jürinin xüsusi mükafatını isə( Grand Jury Prize) Coşua Oppenxaymerin “Sükutun baxışı” filmi qazanıb.
Ən yaxşı kişi roluna görə Volpi kuboku Salverio Kastazonun “Ac ürəklər” filmindəki roluna görə Alam Drayverə təqdim olunub.
Ən yaxşı ssenariyə görə, Raxşan Bani Etemad və Fərid Mostafavi “Nağıl” filminə görə mükafatlandırılıb.
“Horrizontlar” müsabiqəsinin qısametrajlı film bölməsinin qalibi isə “Məryəm” filmi olub.
“Horrizontlar”ın ən yaxşı rejissor işinə görə xüsusi mükafatını Naji Abu Navar “Teb” vesterninə görə qazanıb.
Luici De Laurentis adına mükafatla ən yaxşı debütə görə, Çaitan Tamxanın “Court” filmi təltif olunub.
“Venesiya klassikası” bölməsində Ettopre Skolanın 1977-ci ildə çəkilmiş “Qeyri-adi gün” qalib olub.
Dünya kino sənətinə verdiyi töhfələrə görə isə “Qızıl şir”lə montajçı Telma Şunmeyker və rejissor Frederik Uayzmen mükafatlandırılıb.
Bu il Azərbaycan filmi ilk dəfə sözügedən festivalda iştirak edib. Elçin Musaoğlunun "Nabat" filmi festivalın Horrizontlar bölməsində müsabiqəyə qatılsa da, mükafatsız qalıb.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
