"Tesla" və "SpaceX" şirkətlərinin rəhbəri İlon Mask epik "Odisseya" filminin son treylerinin yayımlanmasından sonra məşhur rejissor Kristofer Nolanı sərt tənqid atəşinə tutub.
Kulis.az xəbər verir ki, o bu barədə "X" sosial şəbəkəsində yazıb.
İlon Mask bu sərt fikirləri "Odisseya"nın yeni treylerini "Nolanın karyerasındakı ən utancverici an" adlandıran "Homer Pavlos" adlı bloqerin paylaşımına cavab olaraq qeyd edib.
"Homerin irsini ləkələyir"
Mask məşhur rejissoru "Oskar" mükafatı almaq xatirinə prinsiplərindən imtina etməkdə günahlandırıb:
"O, "Oskar" almaq üçün sürünən bir soxulcandır".
Mask iddia edib ki, Nolan öz filmlərinə "woke" siyasətinə (müasir sosial ədalət və dözümlülük ideyalarına) uyğun elementlər əlavə etməklə qədim yunan şairi Homerin əzəmətli irsini təhqir edir və ləkələyir.
Qaradərili "Troyalı Yelena" qalmaqalı
Qeyd edək ki, bu mübahisələrin əsas səbəbi filmin aktyor seçimi ilə bağlıdır. Bir müddət əvvəl Nolan "Odisseya" filmində ən mühüm rollardan birini qaradərili aktrisanın ifa edəcəyini təsdiqləmişdi.
Rejissorun sözlərinə görə, "12 illik əsarət" (12 Years a Slave) filminin ulduzu əfsanələrə görə dünyanın ən gözəl qadını sayılan yunan gözəli Troyalı Yelenanı canlandıracaq. Məhz bu qərar tarixi və mifoloji dəqiqliyə əhəmiyyət verən tamaşaçıların, eləcə də İlon Maskın ciddi narazılığına səbəb olub.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər