Məşhur “Goodfellas” (“Möhkəm dostlar”) filminin yaradıcı heyəti iranlı rejissor Əli Əsgərinin senzura və bürokratiyaya qarşı çəkdiyi “İlahi Komediya” adlı satirik filmin beynəlxalq satış hüquqlarını əldə edib.
Kulis.az xəbər verir ki, film ilk dəfə bu il keçiriləcək 81-ci Venesiya Film Festivalının “Orizzonti” (Üfüqlər) bölməsində dünya premyerasında təqdim olunacaq.
“İlahi Komediya” İranda hökm sürən sərt senzura rejimini və bürokratik sistemin absurdluğunu tənqid edən cəsarətli ekran əsəridir. Film eyni zamanda Kann Film Festivalının “Un Certain Regard” (“Fərqli baxış”) proqramında da nümayiş etdiriləcək.
Əsərin əsasını rejissorun şəxsən üzləşdiyi təzyiqlər – səyahət qadağası, şəxsi əşyalarının müsadirəsi və ölkədən çıxışına qoyulan məhdudiyyətlər təşkil edir.
Filmdə Əli Əsgərinin əvvəlki layihələrində də əməkdaşlıq etdiyi aktyorlar – Bəhram Ərk, Sədəf Əsgəri, Hüseyn Süleymani, Məhəmməd Surə və Əmirrza Rəncbəran çəkiliblər.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər