Kulis.az bütün zamanların ən yaddaqalan 10 yay filmini təqdim edir.

1. Çənələr (Jaws) - (1975)

Nəhəng və ağ adamyeyən köpəkbalığı kiçik bir ada qəsəbəsinin çimərliklərinə hücum edir.

Yerli polis rəisi, dəniz bioloqu və peşəkar köpəkbalığı ovçusu onu dayandırmaq üçün birləşir.

2. "Gün doğmadan əvvəl" ("Before Sunrise) - (1995)

Qatarda tanış olan gənc bir amerikalı oğlan və fransız qız Vyanada düşərək səhərə qədər şəhəri gəzir, bir-birlərini tanıyır və qısa müddət ərzində dərin bir bağ qururlar.

3. "Məni Adınla Çağır" (Call Me by Your Name) - (2017)

Bu filmdə 1980-ci illərdə İtaliyanın şimalında yay tətili zamanı 17 yaşlı Elio və atasının amerikalı köməkçisi Oliver arasında gözlənilmədən yaranan ehtiraslı və unudulmaz romantik münasibətdən bəhs edilir.

4. "Doğru işi gör" (Do the Right Thing) - (1989)

Bruklində ilin ən isti yay günündə məhəllə sakinləri arasında yaranan xırda bir mübahisə tədricən böyüyərək şiddətli irqi gərginliyə və faciəyə çevrilir.

5. "İstedadlı cənab Ripli" ("The Talented Mr. Ripley") - (1999)

1950-ci illərdə gənc və kasıb Tom Ripli İtaliyaya göndərilir ki, zəngin bir ailənin ərköyün oğlunu evə qayıtmağa inandırsın.

Lakin Tom onun lüks həyat tərzinə aludə olur və onun yerini almaq üçün hər şeyə əl atır.

6. "Roma tətili" ("Roman Holiday") - (1953)

Bezdirici rəsmi öhdəliklərindən bezən gənc bir şahzadə Romada gizlicə saraydan qaçır və əsl kimliyini bilməyən amerikalı bir jurnalistlə şəhəri gəzərək azadlığın dadını çıxarır.

7. Mamma Mia! (2008)

Yunanıstanın mənzərəli bir adasında evlənməyə hazırlaşan gənc qız əsl atasının kimliyini tapmaq üçün anasının keçmişindən üç fərqli kişini toya dəvət edir.

8. "Kişik gün işığım" ("Little Miss Sunshine") - (2006)

Bir-biri ilə yola getməyən, problemli bir ailə ən kiçik qızlarını uşaq gözəllik müsabiqəsinə çatdırmaq üçün köhnə sarı mikroavtobusla ölkəni başdan-başa keçərək macəralı bir yolçuluğa çıxır.

9. "Mənimlə qal" ("Stand by Me") - (1986)

1950-ci illərin sonunda dörd yeniyetmə dost itkin düşmüş bir uşağın cəsədini tapmaq üçün meşəliklərlə dolu uzun və təhlükəli bir yay səyahətinə çıxırlar ki, bu da onların həyatını əbədi dəyişir.

10. "Sənin ananı..." ("Y Tu Mamá Tambien") - (2001)

İki gənc meksikalı dost həyat yoldaşı tərəfindən tərk edilmiş daha yaşlı və cəlbedici bir qadınla birlikdə xəyali bir çimərliyi tapmaq üçün kəndlərdən keçən, ehtiras və kəşflərlə dolu bir avtomobil səyahətinə çıxır.

• Dostoyevskinin fədakar həyat yoldaşı - Onun hansı taktikası işə yaramışdı?
• Diplomu olmayan dahilər: Universitet üzü görməyən 5 yazıçı
• Mirələm Mirələmova ağır itki