Gürcüstanda “Müasir Azərbaycan nəsri antologiyası”nın təqdimatı keçirilib

Gürcüstanda “Müasir Azərbaycan nəsri antologiyası”nın təqdimatı keçirilib
11 oktyabr 2017
# 16:05

Gürcüstan Yazıçılar Evində Azərbaycan Respublikasının Nazirlər Kabineti yanında Tərcümə Mərkəzinin gürcü dilində nəşr etdirdiyi “Müasir Azərbaycan nəsri antologiyası” kitabı təqdim olunub.

APA-nın yerli bürosunun xəbərinə görə, təqdimat mərasimində çıxış edən Gürcüstan Yazıçılar Evinin həmsədri Baqatur Arabuli kitabın nəşr olunmasını ölkənin ədəbi həyatında vacib hadisə adlandırıb: "Gürcüstan və Azərbaycanın ədəbiyyat nümayəndələri arasında sıx dostluq əlaqələri var. Bu kitab gürcü oxucuları üçün dəyərli kitab olacaq".

M. Arabuli Gürcüstan Yazıçılar Evində Azərbaycan bölməsinin bərpa olunması təşəbbüsü ilə çıxış edib. O, Azərbaycan Respublikasının Nazirlər Kabineti yanında Tərcümə Mərkəzinin direktoru, yazıçı Afaq Məsudu xüsusi diplomla təltif edib.

Azərbaycanın Gürcüstandakı səfirliyinin nümayəndəsi Fəxri Hacıyev kitabın nəşr olunmasını böyük ədəbiyyat bayramı adlandırıb. O, bu cür kitabların gələcəkdə də nəşrinin davam etdirilməsinin vacib olduğunu deyib.

A. Məsud öz növbəsində kitabın işıq üzü görməsini həm Azərbaycan, həm də Gürcüstan üçün əlamətdar hadisə adlandırıb: “Ədəbiyyatların yaratdığı körpü rahat və əbədi olur. Azərbaycan ədəbiyyatını bir sıra ölkələrdə təbliğ etmişik, lakin gürcü qələm əhli kimi bizi belə böyük sevgi ilə qarşılayan olmamışdı”.

A. Məsudun sözlərinə görə, GUAM ölkələri ilə yanaşı, Türkiyə, Macarıstan, Bolqarıstan, Rumıniya və digər ölkələrin yazıçılarının Azərbaycanda forumunun keçirilməsi nəzərdə tutulur.

Qeyd edək ki, təqdim olunan kitabda XX əsr Azərbaycan nəsrinin müxtəlif nəsillərini təmsil edən yazıçıların hekayələri toplanıb. Kitabı gürcü dilinə tanınmış yazıçı-tərcüməçi, Gürcüstan Dövlət mükafatı laureatı İmir Məmmədli çevirib. Gürcüstanın “İntellekti” nəşriyyatında nəşr edilmiş kitabın redaktoru tanınmış tərcüməçi Manana Bostoğanaşvili, ön sözün müəllifi isə görkəmli gürcü yazıçısı Quram Odişariyadır.

Təqdimat mərasimində Azərbaycanın Gürcüstandakı səfiri Dursun Həsənov, Gürcüstanın Mədəniyyət və Abidələrin Mühafizəsi Nazirliyinin nümayəndələri, tanınmış gürcü ədiblər və ziyalılar iştirak edib.

# 1187 dəfə oxunub

Oxşar xəbərlər

Milli düşüncə tariximizdə Mir Cəlal - Elnarə Akimova

Milli düşüncə tariximizdə Mir Cəlal - Elnarə Akimova

14:00 26 aprel 2025
İndiki yazıların çoxunu o qəzet-jurnalların qapısından buraxmazdılar - Fəxri Uğurlu

İndiki yazıların çoxunu o qəzet-jurnalların qapısından buraxmazdılar - Fəxri Uğurlu

10:00 26 aprel 2025
Məmməd Orucla bir gün... - VİDEO

Məmməd Orucla bir gün... - VİDEO

09:40 23 aprel 2025
"Kəramətin üzünə gülən dostları əl altından qarşı tərəfə işləyir" - Rasim Qaraca

"Kəramətin üzünə gülən dostları əl altından qarşı tərəfə işləyir" - Rasim Qaraca

14:20 21 aprel 2025
“Beyrək” pyesində postmodernlə antik mətnlərin dialoqu - Elnarə Qaragözova

“Beyrək” pyesində postmodernlə antik mətnlərin dialoqu - Elnarə Qaragözova

16:40 16 aprel 2025
"Milli kitab 10-luğu" - "Bir gəncin manifesti"

"Milli kitab 10-luğu" - "Bir gəncin manifesti"

09:00 16 aprel 2025
#
#
# # #