Çingiz Aytmatovun senzuraya məruz qalan povesti nəşr olunub

Çingiz Aytmatovun senzuraya məruz qalan povesti nəşr olunub
7 aprel 2016
# 15:00

Dünya şöhrətli qırğız yazıçısı Çingiz Aytmatovun daha bir əsəri Azərbaycanda işıq üzü görüb.

Yazıçının 1957-ci ildə Moskvada təhsil aldığı illərdə qələmə aldığı və İkinci Dünya Müharibəsi zamanı arxa cəbhənin reallıqlarının əks olunduğu “Üz-üzə” povesti AMEA Nizami adına Ədəbiyyat İnstitutu tərəfindən nəşr olunub.

Kitaba AMEA-nın vitse-prezidenti, Nizami adına Ədəbiyyat İnstitutunun direktoru, akademik İsa Həbibbəyli “İnsan mənəviyyatının böyük ədəbiyyatı” adlı ön söz yazıb. Ön sözdə Ç.Aytmatovun yaradıclığından, “Üz-üzə” povestinin ideya-məzmun xüsusiyyətlərindən və əsərin tərcüməçisi, AMEA Nizami adına Ədəbiyyat İnstitutunun doktorantı Mehman Həsənovun fəaliyyətindən bəhs olunub.

Xatırladaq ki, “Üz-üzə” povestinə görə yazıçı senzura tərəfindən təzyiqlərə məruz qalıb. Çingiz Aytmatov əsərdə, müharibə və qələbə ilə bağlı imperiya təbliğatından fərqli olaraq, müharibədən qaçan insanın obrazını ədəbiyyata gətirmiş, arxa cəbhədə aclıq, yoxsulluq və ən əsası vicdanı ilə sınağa çəkilən kəndin gerçəkliyindən yazmışdır. İlkin nəşri zamanı əsərin tam variantda çapına imkan verilməmiş, 1990-cı ildə yazıçı yenidən əsərə qayıdaraq yarım qalan hissələri tamamlamışdır.

Kitabda yazıçının Ön sözü ilə birlikdə “Üz-üzə povestinin təkmil variantı oxuculara təqdim olunmuşdur.

# 1279 dəfə oxunub

Oxşar xəbərlər

Tənqidçi sadə söz adamıdır, başqa heç nə... - Cavanşir Yusifli

Tənqidçi sadə söz adamıdır, başqa heç nə... - Cavanşir Yusifli

11:00 27 aprel 2025
Milli düşüncə tariximizdə Mir Cəlal - Elnarə Akimova

Milli düşüncə tariximizdə Mir Cəlal - Elnarə Akimova

14:00 26 aprel 2025
İndiki yazıların çoxunu o qəzet-jurnalların qapısından buraxmazdılar - Fəxri Uğurlu

İndiki yazıların çoxunu o qəzet-jurnalların qapısından buraxmazdılar - Fəxri Uğurlu

10:00 26 aprel 2025
Məmməd Orucla bir gün... - VİDEO

Məmməd Orucla bir gün... - VİDEO

09:40 23 aprel 2025
"Kəramətin üzünə gülən dostları əl altından qarşı tərəfə işləyir" - Rasim Qaraca

"Kəramətin üzünə gülən dostları əl altından qarşı tərəfə işləyir" - Rasim Qaraca

14:20 21 aprel 2025
“Beyrək” pyesində postmodernlə antik mətnlərin dialoqu - Elnarə Qaragözova

“Beyrək” pyesində postmodernlə antik mətnlərin dialoqu - Elnarə Qaragözova

16:40 16 aprel 2025
# # #