Hədəf Nəşrlərinin və Kitabevim.az Kitab Mağazaları Şəbəkəsinin birgə layihəsi olan “Anamın kitabı” Ədəbi Mükafatının (dram əsərləri və ssenari) Ekspertlər Şurası işini tamamlayıb və müsabiqənin uzun siyahısı “onluq” açıqlanıb.

“Anamın kitabı” müsabiqəsinin uzun siyahısını təqdim edirik:

1. Şəbnəm Xeyrulla – ““Qırmızıpapaq”a yalan danışmaq olmaz”

2. Ülviyyə Tahir – “Anamın tabutu”

3. Günel Kərimli- “İşıq pulu”

4. Natəvan Mikayılova – “İnam”

5. Zöhrə İamayılova – “Tükənməz sərvət”

6. Sevinc El Sevər – “Ürəyində arzu tut”

7. Şəhriyar del Gerani – “Ayişə necə gülür?”

8. Qanun Ümman Qahablı – “Adaxlı”

9. Murad Nuriyev – “Sahibsiz yerlərin qurdunun iniltisi”

10. Elşən Feyzulla – “Söz oynadanlar”

Kulis.azın məlumata görə Ekspertlər Şurası işini 17 iyun tarixində tamamlayıb. Müsabiqənin ilkin mərhələsində qiymətləndirməni 4 ekspert həyata keçirib. Yazıçılar Cəlil Cavanşir və Müşfiq Xan, filoloqlar Elxan Nəcəfov və Məhəmməd Xankişiyev 17 gün ərzində müsabiqəyə göndərilən dram əsərlərini oxuyub və qiymətləndirib.

Ekspertlər Şurasının sədri C. Cavanşir müsabiqənin gedişi haqqında bunları deyib: “Kifayət qədər maraqlı proses oldu. Çox təəssüf ki, müsabiqəmizə qatılan tanınmış imzaların böyük əksəriyyəti müsabiqənin şərtlərinə əməl etməyiblər. Müsabiqədə yaş və əsərlərin həcmi ilə bağlı qoyduğumuz qaydaları pozan imzalar “onluğa” düşə bilmədi. Ümumilikdə müsabiqənin gedişindən razıyıq və “onluq”dakı yazarların hər birinin layiqli olduğunu düşünür və onlara uğurlar arzulayırıq”.

Müsabiqənin uzun siyahısı yaxın günlərdə oxucuklubu.az saytında “online səsvermə”yə çıxarılacaq. Eyni zamanda əsərlər səsvermə üçün münsiflər heyətinə veriləcək. “Online səsvermə”nin nəticələri müsabiqənin nəticələrinə təsir etməyəcək.

Qeyd edək ki, layihənin ideya müəllifi, AMEA N. Gəncəvi adına Ədəbiyyat İnstitutunun direktor müavini Şəmil Sadiq, Layihənin rəhbəri Hədəf Nəşrlərinin direktoru Müşfiq Xan, Münsiflər Heyətinin sədri AMEA-nın vitse-prezidenti akademik İsa Həbibbəylidir.

• "Sənin adın qışda qarı öpməkdi" - Günün şeiri
• Türk Dünyası Yazıçıları Simpoziumu Kamal Abdullaya həsr olunacaq
• "O, çək­­məçi deyil və sifariş qəbul etmir" - Cavidin əleyhinə ifadə verənlər kimlər idi?