Kulis.Az Nicat Məmmədovun “ Sevgi və sairə ” hekayəsini təsdiq edir.

"Ruslan Azəri" silsiləsindən...

Emin və Lalə təzə tanış olmuşdular. Amma buna baxmayaraq bir-birlərini möhkəm sevirdilər. Hər axşam görüşub parkda əl-ələ tutaraq gəzişirdilər. Bu gün də həmin adətə sadiq qalaraq parka çıxmışdılar. Hava artıq qaranlıq idi. Sevgililər dondurma yeyərək demək olar ki, yüzüncü dövrəni vururdular. Birdən onların arxasında iki cüssəli cavan oğlan peyda oldu. Oğlanlar cütlüyün arxasınca düşdü. Aralarındakı məsafə bir-iki metrdən çox olmazdı.

- Bomba şeydiyeee, – oğlanlardan biri Laləni nəzərdə tutaraq dedi.

- Həəə, özum ölüm bomba şeydi, – digəri dostunun sözünü təsdiqlədi.

Bu sözlər cütlüyün qulağına çatdı. Eminin qanı qaraldı, amma arxadakı səslərin yoğunluğundan hiss etdi ki, əclafların cavabını təkbaşına verə bilməyəcək. Bunu duyan Lalə özünü itirmədi:

- Emin, əzizim, sən get evə, heç narahat olma, bunlarla mən özüm söhbət edəcəyəm.

- Lalə, axı...

- Dedim də, get, narahat olma.

Emin heç vaxt Lalənin sözündən çıxmırdı. Bu dəfə də çıxmadı. İti addımlarla dayanacağa tərəf yüyürdü. Lalə geri dönüb oğlanlara yaxınlaşdı:

- Uşaqlar, deyəsən xoşunuza gəlmişəm, – cazibədarcasına gülümsəyərək dedi.

- Elədi, elədi, – deyə sağdakı oğlan acgöz baxışlarla qızı süzdü.

- Gəlin, onda keçək kolluğa, mən sizin qulluğunuzda hazıram.

Oğlanlar irişə-irişə qızin arxasınca sıx kolluğa girdilər. Lalə onların qarşısında sakitcə durub əynindəki koftanı, sonra da məmədanını çixardı:

- Hə, necədi?

- Bombadıyeee, bomba!!! – ikisi də birnəfəsə dedi.

- Xoşunuza gəlir?

- Hə!

- Qalan şeyləri də görmək istəyirsiz?

- Əlbəttə!

- Onda bir şərtim var. Üçəcən sayacam, “üç” deyən kimi sən sağ, sənsə sol döşümün giləsinə toxunmalısan. Oldu?

- Niyə?!

- Mən belə ehtirasa gəlirəm...

Oğlanlar gülümsəyib başlarını razılıq əlaməti ilə yellədilər. Lalə saymağa başladı:

- Bir, iki,....

“Üç” deyilən kimi iki şəhadət barmağı iki məməyə toxundu. Bu an Lalə içinə hava üfürülmüş şar kimi dərhal partladı. Qəlpələri əclafların ikisini də cırıq-cırıq etdi.

Parkda füsunkar atəşfəşanlıq başladı.

• Rasim Balayev: "Kabinetdə oturanda belə yırtıq yaranır”
• Aşpazı Vudi Alleni məhkəməyə verdi
• 37 yaşlı aktyor vəfat etdi