Böyük Britaniyanın “Ladbrokes” bukmeker kontoru ədəbiyyat üzrə Nobel mükafatına namizədlərin 28 sentyabra olan əmsalları açıqlayıb.
Kulis.az-ın “Ladbrokes” bukmeker kontorunun rəsmi saytına istinadən yaydığı məlumata görə Nobel almağa ən şanslı namizəd yapon yazıçı Haruki Murakamidir. Murakami 6 əmsalla siyahıya başçılıq edir. (Yapon yazıçıya qoyuluş edən şəxslər yazıçı qalib gəldiyi təqdirdə hər dollara görə 6 dollar qazanacaqlar) Amerikalı Bob Dilan 11 əmsalla 2-ci, çinli yazıçı Mo Yan və niderlandlı Seys Notebom 13 əmsalla 3-cü və 4-cü yeri bölüşürlər. 5, 6 və 7-ci yerlərdə 15 əmsalla müvafiq olaraq albaniyalı yazıçı İsmail Kadar, suriyalı Adonis (Əli Əhməd Səid Əsbar) və cənubi koreyalı Ko Undur yer alıblar.
İsrailli yazıçı Amos Oz (17), italyan Umberto Eko (26), çex Milan Kundera (67), rusiyalı şair Yevgeni Yevtuşenko (67), britaniyalı Salman Rüşdi (67) rusiyalı Viktor Pelevin (101) və amerikalı Pol Oster (101) onluqdan kənarda qalıblar.
“Ladbrokes” kontoru 108 nəfərlik siyahısında Azərbaycandan Nobelə namizədliyi təqdim olunan yazıçı Kamal Abdullanın adına yer verməyib.
İsveç Kral Akademiyasının 1901-ci ildən təqdim etdiyi ədəbiyyat üzrə Nobel mükafatı keçən il isveçli şair Tumas Transtremerə verilib.
Mükafatın builki qalibinin adı oktyabrın əvvəlində açıqlanacaq.
Nobelə ən şanslı namizəd kimdir? - BUKMEKER
28 sentyabr 2012
12:09
2673 dəfə oxunub
Oxşar xəbərlər
Dahi olmağın yolu - Peyğəmbər özündən niyə çıxmışdı?
09:02
10 may 2024
Həmid Herisçinin xəyanəti, Anarın qələbəsi və AYBO – Ömər Xəyyam
09:00
8 may 2024
"Ondan Allahın özü də qorxurdu" - Mir Cəfər Bağırova yalvaran məşhur yazıçı
15:00
6 may 2024
Məşhur yazıçının faciəvi həyatı və itkin məzarı
09:01
6 may 2024
Ərinə itaət edən qadının böyüklüyü
09:00
3 may 2024
"Cəlil Məmmədquluzadə Həmidə xanımla onun puluna görə evlənib..." - Ədəbiyyatımızın kədərli dəqiqələri
12:00
1 may 2024