Kulis.Az Günay Novruzun ifasında Mirmehdi Ağaoğlunun "Nərgiz satanlar" şeirini təqdim edir.
bu nərgiz satanlar da yaman qəribədirlər...
ya səhər çıxarlar qarşıma
işə gedərkən
ya da axşam
işdən çıxıb bir yerə tələsərkən
amma heç vaxt çıxmazlar qarşıma
uyğun bir vaxtda
evə dönərkən
yorğun
və evdəkinin
könlünü almaq istəyi ilə
dayanmaz metro çıxışında
yıpranmış paltosu ilə
qoca qarı
ya da ucuz siqareti damağında
saqqallı bir kişi
nərgiz çiçəyi tutduğu gömgöy əlləri
işləməkdən
cadar
cadar
olmuş
bir uşaq
bu nərgiz satanlar...
nə bazardan anladıqları var
nə bazarlamadan
qəribədirlər nərgiz satanlar...
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
