Sezen Aksunun yazdığı “Efe ilə Bulud” musiqili uşaq pyesi Caretta nəşriyyatı tərəfinfən kitab kimi çap olunub.

Bu barədə Kulis.az türk mətbuatına istinadən xəbər verir.

Müğənninin bir uşaqlıq xatirəsindən təsirlənərək qələmə aldığı hekayə heyvan sevgisini, xoşgörüyü, cəsarəti və ümidi tərənnüm edir.

Nəşəli uşaqları, oyunbaz pişiyi, yaşıl ağacları olan qaynar bir məhəllə Sardunya məhəlləsidir. Efe isə məhəllənin ən kiçik sakinidir.

Efe uşaq olsa da dünyadakı hər canlının yeri olduğuna inanır. Amma onun bu inamı məhəllədənin böyüklərindən biri Osman bəylə toqquşur - Osman bəy heyvanlara qarşıdır.

Sezen Aksu Osman bəyin uşaqlığını təsvir edərək, onun bu düşüncələrə, sevgisizliyə gəlib çıxmasının səbəblərini açmağa çalışır.

Əsərin ideyalarından biri əsl cəsurluğu anlatmaqdır. Sezen bu xatirələrlə uşaqlara cəsurluğun heç nədən qorxmamaq yox, qorxuların insanın doğru bildiyini etməkdən saxlamasına imkan verməmək olmasını öyrədir. İnsanın nə vaxtsa itirdiyi sevgiyə, güvənə yenidən qayıtması üçün həmişə yolu olduğunu göstərir.

Rəssam Serap Deliormanın rəsmləri ilə təqdim olunan kitabın sonunda Sezen uşaqlara məktubla səslənir:

“Qosqoca dünyanın qapılarını bizə kitablar açar. Kitabla biz başqa insanları, başqa ölkələri, başqa heyvanları, başqa dünyaları tanıya bilirik. Bu kitablardakılar və ətrafdakılar haqda nə qədər çox xəyal qursaq bizimlə bərabər həyatımız da böyüyər.. İnsanın həyatının böyük olması nə deməkdir, bilirsizmi?... Lütfən həyatınızı fərqli insan və fikirlərlə böyüdün. Böyük həyata çox şey sığdırır insan, unutmayın həyatın böyük olanı gözəldir...”

• "Bülbülün qonaqları" rubrikasında Fikrət Əmirov yad edildi
• Dünya Gənc Türk Yazarlar Birliyinin "Manas" Qırğızıstan-Türkiyə Universitetində tədbiri keçirilib
• Xalq artisti uzun müddətdən sonra üzə çıxıb