Nizami Kino Mərkəzində “ Dünya Autizm Maarifləndirmə” ayı çərçivəsində tədbir keçirilib. Mərkəzdən Kulisə verilən xəbərə görə, aprelin 14 –də “Autist Uşaqların Reabilitasiyasına Kömək” İctimayi Birliyi Nizami Kino Mərkəzinin dəstəyi ilə “Dünya Autizm Maarifləndirmə” ayı çərçivəsində tədbir və film nümayişi keçirib.

Mövzuyla bağlı çıxış edən, Azərbaycan Respublikasının insan hüquqları üzrə Ombudsman aparatının nümayəndəsi Müqalib Mahmudov, Sağlam və Birgə İctimai Birliyin sədri Aytən Qasımova-Eynalova, Hacı Nuran Hüseynov və digər tədbir iştirakçıları Azərbaycanda autizm sindromlu uşaqlara Dövlət qayğısı göstərilməsindən, əlaqədar layihələrin hazırlanmasından, və autizm sindromlu uşaqların sosiallaşması üçün görülən işlərdən danışıblar.

Çıxışlardan sonra, Oskar, "Qızıl qlobus" və Berlin kinofestivalının "Qızıl ayı" mükafatlarına layiq görülmüş rejissor Barri Levinsonun "Yağış adamı" filmi nümayiş edilib.

Tədbirin sonunda, “Autist Uşaqların Reabilitasiyasına Kömək” İctimayi Birliyinin sədri Elnur Məmmədli göstərdikləri dəstəyə görə Kinomərkəzin əməkdaşlarına təşəkkür etdi.

Bu sırada kinomərkəzin əməkdaşları da belə tədbirlərin keçirilməsinə hər zaman dəstək olacaqlarını bildiriblər.

• Laslo Totun həyatı: Holokostdan Amerikaya | "Brutalist" filmi
• Bir yerdə qəbrim var, on yerdə sağam - Qorxmaz Şıxalıoğlu
• Vildan Ataseven yeni seriala çəkiləcək