“Gecəyarı şeirləri”

Deməli...

Qoca şəhər yatıbsa, saat üçü keçibsə,

Darıxanlar ordusu səni başçı seçibsə,

Baş götürüb qaçıbsa gözlərinin yuxusu,

İçini yandırırsa kimsəsizlik duyğusu,

Yenə küləklər kimi sərsərisənsə əgər,

Kədər satan gecəyə müştərisənsə əgər,

Bir fotonun önündə yüz fikrə getmisənsə,

Dözməyin köynəyini min tikə etmisənsə,

Asta yağış yağırsa, it hürürsə küçədə,

Küləklər daha əsmir, sənə köks ötürürsə -

Sən yığan nömrələri bu qəribə gecədə,

Eləcə təkrar-təkrar Səssizlik götürürsə -

Gözlərin sulanırsa təkliyin zülmətində,

Ürəyin sıxılırsa, dözürsənsə birtəhər –

Bu çarəsiz gecədə külqabı dövlətində,

Siqaret soyqırımı törədirsənsə əgər –

Buludların eşqinə, küləklərin xətrinə,

İşığı tükənməyən ürəklərin xətrinə,

Yaxın otur, qulas as:

Bir it hürür küçədə, səsi düşür gecəyə,

Elə bil ki, darıxır, kömək istəyir, kömək.

İstəyirəm boylanım pəncərədən küçəyə,

Bir ağız da mən hürüm, darıxmasın o köpək...

Darıxdırıcılıq

...Bir də var səssiz ağlamaq
durduğun yerdəcə.
Qapıları bağlamaq,
adamsız bir gecə.

... Bir də var eləcə susmaq,
susmaq eləcə.
Sükuta qulaq asmaq,
ev-ev, küçə-küçə.

... Bir də var it kimi darıxmaq,
Bir də var it kimi darıxmaq,
Bir də var it kimi darıxmaq,
Bir də var it kimi darıxmaq...

İnterpress.az

• Azərbaycanlı iştirakçı ilk üçlükdə
• Məşhur aktrisa vəfat edib
• Məşhur aktyorun yeni görünüşü gündəm oldu - Foto