Həsən bəy Zərdabinin 170 illik yubileyi Zərdabda qeyd olundu

Ədəbi tənqid

Ana səhifə
Ədəbi tənqid

Həsən bəy Zərdabinin 170 illik yubileyi Zərdabda qeyd olundu

17 iyul 2012

15:08

Mətbuat Şurasından Trend-ə bildirilib ki, tədbirdə çıxış edən Zərdab rayon İcra Hakimiyyətinin başçısı Lütvəli Babayev Həsən bəy Zərdabi ruhuna ehtiramın hər zaman mətbuata göstərilən dövlət qayğısı nümunələri ilə müşayiət edildiyini vurğulayaraq Prezident İlham Əliyev tərəfindən imzalanmış "Həsən bəy Zərdabinin 170 illik yubileyinin keçirilməsi haqqında" sərəncamı bu mənada əhəmiyyətli sənəd kimi dəyərləndirib.

Babayev Həsən bəy Zərdabi irsinin təbliğinə müstəqil Azərbaycan mətbuatının simasının formalaşdırılması prosesində mühüm istiqamətverici amillərdən biri olaraq hər zaman böyük önəm verildiyini diqqətə çatdırıb. O, rəhbərlik etdiyi rayonda dahi mütəfəkkirin yaradıcılığının, xidmətlərinin daim insanlara çatdırılması istiqamətində iş aparıldığını, görkəmli şəxsiyyətin ev muzeyinin fəaliyyət göstərdiyini deyib. Ən əsası isə rayonda Zərdabi təfəkkürünün məhsulu kimi meydana çıxan ilk mətbu orqanının müasir sələfi "Əkinçi" qəzetinin fəaliyyətinə böyük diqqət yetirilir.

KİV təmsilçiləri Həsən bəy Zərdabinin ev muzeyinə baş çəkiblər. Onlara böyük ziyalının həyat və fəaliyyətinin müxtəlif dövrlərini əks etdirən albom və fotoşəkillər barədə ətraflı məlumat verilib.