writer1

Aliyə

Məqalə sayı

997
clock14:09 calendar-gray 29 Avqust 2017 view-gray4935 dəfə oxunub
view-gray4935 dəfə oxunub

Fahişəyə görə adam kəsən müəllim

İncəsənət (universiteti) və biz

(2000-ci illər)

1-ci əhvalat

“Təsviri sənət” (Təsviri sənət tarixi və nəzəriyyəsi fənnini tədris edən müəlliməyə uşaqların qoyduğu ad) əlindəki şəffaf üzlüyə keçirdiyi A4 formatlı kağız boyda şəkli yuxarı tutdu:

- Rubentsin əsəridir “Persey və Andromeda”. Əsər yunan mifi əsasında çəkilib. Gözəl Andromeda qayaya zəncirlənib. Bu isə ona heyranlıq və təəccüblə baxan Perseydi... Ay bala, bura baxın, hamıya bir-bir göstərməyəcəm, kağız cırılır...

Auditoriyadan uğultu keçdi... 5 fakültə - təsviri incəsənət tarixi və nəzəriyyəsi, muzey işi və abidələrin mühafizəsi, kinoşünaslıq, teatrşünaslıq, ədəbi yaradıcılıq və ekran dramaturgiyası – bu çılpaq qadın təsviri olan şəkilə aşırı səs-küylü reaksiya göstərirdi.

Müəllimə vərəqi çevirib baxdı. Məsələ aydın idi:

- Sakit! Ay bala, sakit ol! Nə xəbərdi? Nə əl qatmısuz e özüvüzə? Nədi, tanış gəlir?

Qızlardan biri arxaya çevrilib müəllimənin fikrini davam etdirdi:

- Nədi, adə, anova oxşadırsan? Ya bacuva?

2 əhvalat

Qərb ədəbiyyatı dərsi.

Hibabə xanım güclə yeriyə-yeriyə mərkəzdə dayandı:

- “Şaqren dərisi” romanı üç hissədən ibarətdir. Onun qəhrəmanı Rafael –de Valenten adında gənc və yoxsul oğlandır. Rafael...

Tapppppp!!!!

- Qalx ayağa! Nə idi o atdığın?

- Mən deyiləm, zəlzələdir e, Ibabə xanım!

Məsələ aydındı. Uşaqlar bir şəkildə dünənki zəlzələ ilə bağlı gündəmin hansısa şaqren dərisi ilə dəyişdirilməsinə etiraz edirlər. “Niyə bu özündən əvvəlkilər kimi dünənki zəlzələnin təfərrüatlarını müzakirə etmir? Nə şaqrenbazlıqdır?”

Bayaqdan adəti üzrə əllərini bir-birinə sürtüb həvəs və təmkinlə süjeti danışan yaşlı qadın asta addımlarla səs gələn tərəfə yaxınlaşdı. Və birdən allah bilir nə zamandan bəri toplayıb təmkinlə gizlədiyi hirsin qarşısından çəkildi və

düppədüz oğlanlara sarı istiqamətləndi:

- Sənsən elə! Zəlzələni də siz elədiniz! Sizin kimi avaraların üzündən oldu zəlzələ!

- Biz neynədik ki?- oğlanlar sevincqarışıq təəccüblə (gündəm nəhayət ki bərpa olundu!) soruşdular.

İbabə xanım bəlkə də bütün bu illər ərzində universitetdə rastlaşdığı bütün küt sifətlərin, Balzakı tanımayanların, tanıdığı ilə öyünənlərin və həm də tanımadığı ilə fəxr edənlərin acığını tökürdü:

- Əsgərliyə getməyin qorxusundan gəlib dürtülmüsünüz auditoriyalara. Qorxaqlar! Avaralar! Sizə ya “Şaqren dərisi”, ya da uzunqulaq palanı. Eyni şeydi....

Otağa sakitlik çökmüşdü. Axır ki zəlzələ yenə də baş verdi...

3-cü əhvalat

Uşaqlardan biri “Mənim adım Aslandır” mahnısını mızıldayır. Mülki müdafiə müəllimi (adı Aslandır) əlindəkini stolun üstünə düzür.

- Bir-bir gəlin. Əleyhqazın geyinib soyunma qaydasını öyrənəcəyik.

4 əleyhqazdı, növbə ilə geyəcəyik. Baxın, əvvəlcə çənəni keçirirsən, bax bu şəkildə. Diqqətli olun, bir də göstərməyəcəm. Bax belə. Sən gəl .Aha, əvvəlcə çənəni keçirirsən, vsyo. Əla. Qızlar... Sizdən geyinmək istəyən?

Kinoşünaslıqda oxuyan, saçları dağınıq şairə Sevinc ayağa qalxdı:

- Olar?

- Gəl.

Qızlar yerdən Sevincə mızıldanır: “Min adamın başına keçirdiyi iyli rezini başına keçirəcəksən?” Arxa cərgənin yeni qlamurkaları isə “səviyyə”lərindən enib sözlə münasibət bildirmədilər, eləcə “Fu! Çuşka!” deyən baxış atdılar.

Qızların biri çoxbilmişcə “bir-iki şirvançun o iyli rezini geyməyə dəyməz...” deyir.

Əleyhqaz geymiş tələbə şairə-onları eşitmir; arxa cərgədəki qlamurka qızların, qabaq cərgədəki diplom almaq istəyən “ev qızları”nın çoxluğunda o başına keçirdiyi əleyhqazla UNO-dan düşmüşlərə oxşayır.

4-cü əhvalat

- 3 yazıram, süjeti dağınıq danışdın, üstəlik Klitemnestranın adını düz demədin. –İmtahan götürən müəllimə assistentinə tərəf döndü - Həm Evripidi də danışa bilmədi də...

...10 dəqiqə sonra koridorda tələbələr öz qiymətlərini qiymətləndirirlər. Bir səs xüsusən üsyankardır:

- 3 almaq yandırmır e adamı, yunanların bir fahişəsinin adını düz demədiyinə görə, öz azərbaycanlısını kəsir...

5-ci əhvalat

“Kinozal” deyilən otaq... Tələbələr film izləyirlər. Müəllim ən qabaqda əyləşib. Hamı pərt və narahatdır. Ekranda iri planda kişi cinsi orqanını göstərirlər. Bu yerdə müəllimin göstərişi ilə tələbələrdən biri qalxıb lenti qabağa fırladır. Tərs kimi başqa bir yataq səhnəsinin üstünə düşür. Biz Lars fon Trierin “Dalğaları yararaq” filmini izləməyə cəhd edirik. Olmur. Nümayiş pozulur. Filmi yarımçıq buraxıb auditoriyaya qalxdırıq. Pərt, utancaq və nədənsə azca kədərliyik.

Yəqin gördüyümüz səhnələrdən dolayı filmin adını hamımız yadımızda saxlamışıq. Və təxminən bir il sonra, iki rəfiqə bu filmi “Bakı Soveti” metrosunun yanındakı prokat dükanından aldığımız diskdən izləyirik. Ekrandan düz bizə baxan Bessin gözləri sevgi və tanrı doludur. Bizimki isəgöz yaşı ilə...

Paylaş

REKLAM

Yazarın digər yazıları

Xəbər lenti

Mübariz Örənin Fransada romanı çıxır
14:32 17 Noyabr 2019
Fikrət Sadıqın oğlu: “Atama görə davalara düşürdüm” – Müsahibə
17:30 16 Noyabr 2019
Rusiyada rəssamımızın sərgisi açılıb
16:12 16 Noyabr 2019
Mikayıl Müşfiqin xatirəsinə həsr olunan tamaşa
15:11 16 Noyabr 2019
Oğluna bacısı qızını alan ananın faciəsi - Hekayə
14:00 16 Noyabr 2019
TEAS Press Nəşriyyat Evinin 5 yaşı tamam olur
13:29 16 Noyabr 2019
Bizdə seks inqilabı olarsa...
12:25 16 Noyabr 2019
Azərbaycanlı ilahiyyatçı: "Quranda baş örtüyü yoxdur"
11:32 16 Noyabr 2019
Elçin Əlibəyli TV-dən getdi
10:47 16 Noyabr 2019
Noyabr ayı üçün ən çox gözlənilən filmlər
10:12 16 Noyabr 2019
Siyasətə görə atası ilə düşmən olan jurnalist - Sevda Sultanova yazır...
09:00 16 Noyabr 2019
Salam Qədirzadənin oğlu: “Atamın adından istifadə eləməyi xoşlamıram” – Müsahibə
21:00 15 Noyabr 2019
Pantomima teatrı dekabrda - Afişa
18:40 15 Noyabr 2019
Məşhur ifaçı Bakıda konsert verəcək
18:01 15 Noyabr 2019
Dünya şöhrətli musiqiçi: “Vikinqlərin vətəni Azərbaycandır”
17:30 15 Noyabr 2019
Bakıda Milli Qəhrəmanın heykəlinin açılışı olub
16:51 15 Noyabr 2019
Müğənnilər deputata cavab verdi: “Getsin, kasıb-kusuba əl tutsun”
16:20 15 Noyabr 2019
Mir Cəlal adına hekayə müsabiqəsinə start verildi
15:38 15 Noyabr 2019
Üzü günə qalan evlər - Tanımadığımız şairdən seçmə şeirlər
15:01 15 Noyabr 2019
Rəfael və Coşqun "Şabaş"a görə qadın paltarı geyindi
14:20 15 Noyabr 2019