Kulis.az yay tətilini Avropada keçirmək istəyən incəsənətsevərlər üçün 5 ən yaxşı art-oteli təqdim edir:

“Le Negresco”, Nis

Fransanın Nis şəhərində yerləşən, dəbdəbəli eksteryeri və dekadent rokoko interyeri ilə seçilən “Le Negresco” oteli Monako şahzadəsi Qreys Kelli, “Beatles” qrupu, Salvador Dali kimi məşhurları qonaq edib. Otelin çəhrayı qübbəsi Qustav Eyfelin, divarlarındakı bənzərsiz əsərlər isə Fransua Buşe, Jan Kokto və Sonya Delonenin əməyidir.

Andaz Hotel, Amsterdam

“Alisa möcüzələr ölkəsində” əsərindən təsirlənərək hazırlanmış otel əvvəllər şəhərin əsas kitabxanası olub. Marsel Uondersın dizayn etdiyi otelin divarlarından asılmış iri qaşıqlar və qızıl balıqlar sürrealist təsir bağışlayır.

Le Meridien, Vyana

Ənənəvi və müasir incəsənətin mükəmməl qarışığı olan otelin dizaynı Hişam Baroça, Sem Semor və Yan Leiyə məxsusdur. “Le Meridien Vienna”nı fərqləndirən cəhətlərdən biri yataqların arxasındakı divarlarda müxtəlif rəsmlərin canlanmasıdır.

The Beaumont, London

İngilis heykəltəraş Entoni Qormlinin əsərlərinə muzeylərdə əl vurmağa bəlkə də icazə verilmir, “The Beaumont”da isə qonaqlara bu dəyərli əsərlərlə birlikdə qalmaq imkanı yaradılır. Otel bu ilin avqust ayında yenidən istifadə veriləcək.

Hotel Arts, Barselona

1992-ci ildə İspaniyada keçirilmiş Yay Olimpiya Oyunları ərəfəsində tikilmiş “Hotel Arts” 483 otaqdan ibarətdir. Otelin qonaqları məşhur arxitektor Frenk Gerinin “Qızıl balıq” abidəsinə baxaraq günəşlənə bilərlər. Burada Joan Miro, Pikasso və Qaudinin əsərlərindən də zövq almaq olar.

• "Kənan MM-in ağız boşluğunda yuva salmış bu üfunət bir az da..." - Babək Məmmədli
• Filosof Ömər Aygün: "Mükəmməliyyətçilik uğursuzluğa dözümsüzlüyün və tənbəlliyin ən hiyləgər maskasıdır" - Müsahibə
• “Dünyanı ağıllı adamlardan qorumaq lazımdır” - Seyran Səxavət