writer1

Səhər Əhməd

Məqalə sayı

197
clock12:01 calendar-gray 11 İyul 2014 view-gray1722 dəfə oxunub
view-gray1722 dəfə oxunub

Bankomat qarşısındakı Xurşidbanu Natəvan

Səhər Əhməd yazır

Otuz-otuz beş yaşlarında, balacaboy, sısqa kişiydi. Bankomatın yanında dayanmışdı. Məni görəndə çəkilib yol verdi. “Yox, siz alın, sonra”,-dedim. Əliylə qeyri-müəyyən bir hərəkət elədi, qərarsız şəkildə anlaşılmaz nəsə dedi.

Başa düşdüm ki, pulu çıxarmağı bacarmır, bayaqdan kiminsə yaxınlaşmasını gözləyi, amma deməyə utanır. “Verin, kömək eləyim”,-dedim. Çəkinə-cəkinə kartı uzatdı.

Şifrəni soruşub balansı yoxladım. Pensiya kartıydı, balans da sıfır. Kartı qaytarıb qara xəbər verirmiş kimi “Balansınızda pul yoxdur”,-dedim. Başını qaldırmadan kartı aldı və heç nə demədən dönüb getdi. Amma bu, onun üzündə görmək istəmədiyim kədəri sezməyimə mane olmadı.

Bütün gün həmin adam haqqında düşündüm. Bu yaşda niyə pensiya alsın ki? Bəlkə də xəstədi, ya da hansısa təqaüdçü qocanın oğlu, ya qohumu, ya qonşusudu. Onun üzündəki ifadə yadıma başqa bir hadisəni saldı.

Bir dəfə “Nizami” metrosunun çıxışında arıq, dümağ saçlı bir qarı görmüşdüm. Bankomatın yanında dayanmışdı, sümüyü çıxmış əllərini bir-birinin üstünə qoyub ümidsiz baxışlarını uzaqlara dikərək gözləyirdi. “Ay nənə, pul olmayacaq bu gün, evinə get”, -deyirdilər ona. Amma qarı sanki reaksiya vermək qabiliyyətini itirmişdi.

Ətrafdakıların dediyinə görə hər ay günlərlə burda gözləyirmiş.

Qarının ümidsizlik ifadə edən baxışlarını hələ də unutmamışam. Onun duruşu əslində ən yaxşı cavab idi, hiss olunurdu ki, qarının bu dəmir qutudan başqa gedəcək yeri, ümid edəcək heç nəyi yoxdu. Bu, novruzəlilik deyildi, çarəsizlikdi. İnsan oğlunun kişili -qadınlı, uşaqlı-böyüklü kabusuna çevrilmiş çarəsizlik. Evinə çörək apara bilməyən atanın, dərman ala bilməyən xəstənin çarəsizliyi. Füzuliyə “Şikayətnamə”ni yazdıran çarəsizlik.

O çarəsizlik ki, mən hər dəfə bankomatdan pulsuz qayıdan adamların üzündə görürəm.

İlyas Əfəndiyevin “Xurşudbanu Natəvan” əsərində təsirləndiyim bir səhnə var. Yəqin ki, tarixi fakt deyil, müəllif təxəyyülünün məhsuludur. Xeyli də pafosludu. Amma nə deyirsiz, deyin, Qafqaz canişiniylə Xurşudbanu arasındakı həmin o çox güman ki, uydurma söhbət mənə qəribə təsir edir:

- Siz tək qızsınız, bu qədər mülk nəyinizə lazımdı?

- Mən tək deyiləm, knyaz həzrətləri. Mənim yaşadığım Şuşa şəhərinin əhalisi hələ də şor su içir. Kəndlərimizin əhalisi məktəbsiz, elmsiz, kitabsız böyüyürlər. Mən onlara heç bir kömək edə bilmirəm.

Bu dialoqu İlyas Əfəndiyevdən, obrazlılıqdan, bədiilikdən, nədən istəyirsiz, soyundurun, yerdə quruca, çılpaq həqiqət qalacaq. “Mən tək deyiləm” həqiqəti. Bu ölkədə heç kimin tək olması mümkün deyil.

Hər dəfə kiməsə bankomatdan pul çıxarmağa kömək edəndə istəyirəm, balansında küllü miqdarda pul görüm. O tanımadığım adamı sevindirim, üzünü güldürüm. Bu xüsusda mən ancaq möcüzə arzulaya bilərəm. Əlimdən başqa heç nə gəlmir. Qüsura baxmayın, Kefli İsgəndərin dediyi kimi: “Sizin kimi xalqın mənim kimi də qəhrəmanı olar”.

REKLAM

Yazarın digər yazıları

Xəbər lenti

Sabir Əhmədli işğaldakı rayonuna necə qayıtdı?
16:32 17 Aprel 2021
Sirk ustaları bir araya gəldi
14:19 17 Aprel 2021
Şəhid polkovnikin təsirli piano ifası yayıldı - Video
13:28 17 Aprel 2021
Əsəbi gün - Humay Quliyevanın yazısı
12:30 17 Aprel 2021
Gözləri görməyən laçınlı şairin yurd gəzintisi
11:01 17 Aprel 2021
UNESCO Azərbaycan teatrının layihəsini qəbul etdi
10:29 17 Aprel 2021
Ağadadaşın kişi sözü – Elçindən yeni hekayə
09:00 17 Aprel 2021
“Nadir şah. Avşar dövləti” adlı kitab çap olunub
18:53 16 Aprel 2021
Prezident Eldar Quliyevin vəfatı ilə bağlı nekroloq imzalayıb
18:41 16 Aprel 2021
Qəmbər Hüseynlinin 105 illiyi qeyd olunub - Foto
18:17 16 Aprel 2021
Filmimiz Rotterdam Beynəlxalq Film Festivalında
17:29 16 Aprel 2021
Klinton ilk romanını nəşrə hazırlayır: "Terror dövləti" - Foto
16:37 16 Aprel 2021
Azərbaycanlı qadının fotosu Türkiyədə “İlin media fotosu” seçildi - Video
15:49 16 Aprel 2021
Təzəpirdə sinə vurdu, qızlarına görə Moskvada yaşamaqdan imtina etdi, atası onunla işləmək istəmədi – Tanımadığımız Eldar Quliyev
15:01 16 Aprel 2021
Yazıçıya vəzifə verildi
14:47 16 Aprel 2021
Qarabağda qırılan tut ağaclarına elegiya
14:31 16 Aprel 2021
Əməliyyatdan çıxan Zümrüd: “Xərçəng deyiləm” - Açıqlama
13:49 16 Aprel 2021
Həmid Herisçi Seymur Baycandan danışdı: “Təəssüf ki...”
13:02 16 Aprel 2021
Şimşəkdən sonra - İlham Əzizin yeni hekayəsi
12:16 16 Aprel 2021
Eldar Quliyev Fəxri Xiyabanda dəfn olunmayacaq
11:34 16 Aprel 2021