“XI TEZİS” jurnalının ikinci sayı artıq satışdadı. Kulis.Az-ın məlumaıtna görə Sovetlərin çökməsindən sonra Azərbaycanda ilk marksist jurnal olan “XI TEZİS” jurnalının ikinci sayının mövzusu “Sinfi Mübarizə”dir. Jurnalda, siniflərin və sinfi mübarizənin ontologiyası ve keçmişi ilə yanaşı bugünkü vəziyyəti haqqında da analitik məqalələr mövcuddur.

Oxucular, “XI TEZİS” jurnalının bu sayında, “Sinfi mübarizə dünən və bu gün…”, “Sinfi mübarizənin ontologiyası”, “Mədəniyyət – sinfi mübarizə ərazisi kimi” kimi tarix, sosiologiya, iqtisadiyyat və mədəniyyət yazılarını oxuya bilərlər.

Jurnalda 8 müəllif yazısı ilə bərabər 2 geniş müsahibə də yer alıb. İlk müsahibə, “Qloballaşma və ictimai hərəkatlar İnstitutunun” direktoru, marksist sosioloq Boris Kaqarlitski ilə Ukrayna böhranı başda olmaqla dünyadakı mövcud ictimai-siyasi vəziyyət və solun buradakı perspektivlərinə dairdir. İkinci müsahibədə isə “Neftçilərin Hüquqlarının Müdafiə Təşkilatı” (NHMT) İctimai Birliyinin rəhbəri, hüquq müdafiəçisi Mirvari Qəhramanlı ilə SSRİ sonrası Azərbaycandakı neft sektorunun və işçilərinin vəziyyəti və işçi hüquqlarına dair söhbət edilib.

“XI TEZİS” jurnalının rəsmi veb səhifəsi onbirincitezis.org və Facebook sosial şəbəkəsində facebook.com/onbirinicitezis səhifəsində jurnal haqqında əlavə məlumatlar yerləşdirilib.

Oxucular, jurnalı aşağıdakı kitabevi və ya kafelərdən əldə edə bilərlər.

1. Zero Kitab Evi, Ünvan: Bakı, İstiqlaliyyət küçəsi 71 (İçərişəhər metrosunun yanında, Sabir bağı ilə üzbəüz) Tel. 055 656 12 95

2. Bakıtab, Əlövsət Quliyev küçəsi 72 Tel. 070 8010630

3. kitabevim.az Kitab marketi, Ünvan: 1. Nəsimi r., Puşkin k., 26 a, AK center II mərtəbə (28 may M) 2. Nizami M, Zivərbəy Əhmədbəyov 2 Telefon: 070 497 24 44

4. İçərişəhər - Bookhouse & Cafe, A.Zeynallı küç. 16, Baku, Azerbaijan. Tel. (012) 492 44 27

5. Kibrit book cafe, Nizami street, Baku, Azerbaijan

• “Xocalı soyqırımı təsviri sənətdə” adlı mühazirə dinlənildi
• Xoşbəxt olmaq üçün Ömər Xəyyamın əsas tövsiyəsi
• Caz: Nyu Orleandan Bakıya uzanan yol