news-inner
clock08:45 calendar-gray 07 İyun 2014 view-gray1654 dəfə oxunub
view-gray1654 dəfə oxunub

Kapitanın darıxan arvadı Parisdə nə edir?

Kulis.az“Baxılası 50 film” layihəsində bir çox kinematoqrafçının yaradıcılığına, fransız “Yenidalğa”sına təsir edən, fransız rejissoru Jan Viqonun (1905-1934) “Atalanta” filmini təqdim edir.

Jan Viqo həyatla erkən vidalaşsa da, kinoda poetik realizmin inkişafında mühüm rol oynayıb. O, Parisdə anarxist Ejen Bonaventuranın ailəsində doğulub. Onun atası “Qırmızı papaq” başlıqlı satirik qəzet buraxırdı.

Sonralar isə həbs olunaraq həbsxanada naməlum şəraitdə öldürülüb.

Uşaqlıqdan səhhəti zəif olan Viqo uzun müddət xəstəxanalarda müalicə olunub. Valideynləri siyasətlə məşğul olduğundan ona diqqət ayırmayıb.

İnternatda oxuyan Viqonu qohumları tərbiyə edib.

Sorbonna Universitetində təhsil alan rejissor məşhur kinooperator Leon Anri Byurelin köməkçisi işləyib. Qohumlarından ona miras qalan 100 min franka Viqo kinokamera alaraq, 1930-cu ildə ilk filmini çəkib.

Onun “Nitsa haqda” adlı ilk filmi səssiz, qısametrajlı sənədli lentdir.

Bu filmdə o, adi, banal səhnələrə üslublaşdırılmış poetiklik verir.

Üzgüçü Jan Tarisə həsr elədiyi “Taris və ya üzgüçülük” sürrealist sənədli lenti isə onun ikinci işidir.

1933-cü ildə o, uşaqlıq xatirələrinə əsaslanan

“Davranış-sıfır” adlı ilk tammetrajlı bədii filmini ekranlaşdırır.

Bu filmdə şagirdlərin internatdakı həyatı, davranışı, məktəbin sərt qaydalarına qarşı üsyanı təsvir olunur. Rejissor müəllimlərin karikaturasını yaradır və onların hər biri mənfi xüsusiyyəti simvolizə edir.

Bu üsyanda amansızlıq yox, anarxizm və ironiya var: məsələn, balışlarla dava səhnəsi, müəllimlərdən birinin çarpayıda çarmıxa çəkilməsi və s.

Amma fransız tənqidçiləri filmi amansızlıq kimi qiymətləndirdi. Katoliklər də onun əleyhinə getdi və nəticədə film yasaq edildi.

Yalnız 1945-ci ildə “Davranış-sıfır”ın nümayişinə icazə verildi.

Bir il sonra rejissor sonuncu - tammetrajlı “Atalanta” ekran əsərini çəkir.

Bu gün “Baxılası 50 film” layihəsində rejissorun dünya kinosunun ən yaxşı filmlərindən sayılan “Atalanta”nı (1934) təqdim edirik.

Filmin süjeti sadədir: Gənc kəndli qız Cülyetta və gəmi kapitanı Jan evlənir. Sonra onlar Janın “Atalanta” adlanan gəmisinə daşınırlar.

Cülyetta tezliklə gəmi həyatından bezir, onu Parisin parıltısı cəzb edir və ərinin icazəsi olmadan şəhəri gəzməyə gedir. Qadın şəhərdə qarət olunur və kişilərdən ədəbsiz təkliflər alır.

Əri isə arvadını gözləmədən üzür. Amma bu ayrılıq hər ikisinə əzab gətirir. Janın ekssentrik qoca dostu Cülyettanı taparaq onları barışdırır.

Poetik film sayılan “Atalanta”da poeziya və qrotesk birləşir.

“Atalanta” gəmisi romantik dünyanın modelidir.

Əyalətdən şəhərə can atan Cülyetta anlayır ki, romantika gerçək dünyada yox, “Atalanta”da mövcuddur.

Reallığın yalnız gözəl poetik görüntüsü var. Gənc qadının arzuları reallıqla toqquşur.

Sonda cütlüyün yenidən bir araya gəlməsi ilə rejissor arzunu gerçəkləşdirməyin mümkün olduğunu göstərib.

Filmin maraqlı səhnələrindən biri Janın dənizdə suyun altında sevdiyi qadının xəyalını görməsidir.

Su altındakı səhnəni “Andegraund” filmində sitat gətirən Emir Kusturitsa deyir: “Bu filmlə Viqo mənim ümumən kinoya baxışımı dəyişib. Kinonu poeziya yaradır. Siz kino çəkmək üçün şair olmalısız, əgər siz şair deyilsizsə onda çəkdiyiniz film sadəcə adi

əksetmə olacaq. Şair üçün müasir kinonun cəngəlliyində sağ qalmaq çətindir. Mən əminəm ki, “Atalanta”da siz dialoq və hərəkət arasında ideal balans taparsız”.

“Atalanta”nın premyerasından sonra rejissor vərəmdən ölüb.

1951-ci ildə Fransada Jan Viqo mükafatı təsis edilib. Onun laureatları arasında Klod Şabrol, Jan Lyuk Qodar, Kris Marker və başqaları var.

Maraqlı faktlar


***

Viqonun bütün filmlərinin operatoru böyük rus rejissoru Dziqa Vertovun qardaşı Boris Kaufman olub.


***

Viqo xəstəlikdən əziyyət çəkdiyinə görə filmin son kadrlarını Kafuman təklikdə çəkib.

***

“Atalanta” filmini kinoteatr sahibləri, prokatçılar soyuq qarşılayıb. Viqo deyirdi ki, bu film onu əldən salıb. O, isə yaşamaq və çəkmək istəyir.

***

Rejissor öləndə arvadı Elizabet özünü pəncərədən atmağa cəhd edib.

***

Viqonun heç bir filminin normal prokatı olmayıb, sağlığında tamaşaçıya göstərilməyib.

***

“Atalanta” Cim Carmuşun ən sevdiyi filmdir.

http://www.tfilm.tv/16721-atalanta.html

Oxşar xəbərlər

Xəbər lenti

Oğlunun ölümünü ondan 40 gün gizlədilər – Xalq artisti haqqında maraqlı faktlar
21:13 21 Yanvar 2021
Xalq şairinin oğlu: “Atamın xəstəliyini hamıdan gizlətdim” - Müsahibə
20:00 21 Yanvar 2021
Tarix Muzeyinə direktor təyin edildi
18:59 21 Yanvar 2021
"Netflix"in abunəçilərinin sayı rekord həddə çatdı
18:15 21 Yanvar 2021
Filipp Kirkorov bu ölkəni məhkəməyə verir
17:39 21 Yanvar 2021
Bizdən istifadə edən qəddar sənətkarlar – Mehman Qaraxanoğlu yazır...
17:19 21 Yanvar 2021
"Bu nə deməkdir?" - Qismət nazirliyin keçirdiyi müsabiqəni tənqid etdi
16:38 21 Yanvar 2021
Makgregor Porye qarşıdurmasına 1xBet-dən "Risk etmədən mərc"
16:23 21 Yanvar 2021
Tanınmış müğənni şəhid baş leytenanta mahnı həsr etdi - Video
15:40 21 Yanvar 2021
Sən istə, sənin üçün batım hər günaha mən – Orxan Bahadırsoydan yeni şeirlər
15:01 21 Yanvar 2021
"Min bir gecə" Mariinski Teatrında anşlaqla nümayiş olundu - Foto
14:20 21 Yanvar 2021
Ədəbiyyat müsabiqəsinin qalibləri bəlli oldu
13:41 21 Yanvar 2021
Əsgər payına göz dikənlər
13:17 21 Yanvar 2021
Moskvada teatr və kinoteatrlar açılır
12:43 21 Yanvar 2021
O doğulmamış atası Sibirə sürgün edildi, ömrünü mənfi rollara həsr etdi, “baş yaramaz” adını qazandı – Kinomuzun “Göygöz kosa”sı
12:07 21 Yanvar 2021
Qar yağır - Günün şeiri
11:34 21 Yanvar 2021
21-ci əsrin 21-ci ilinin 21-ci günü – Bu gün nə baş verəcək?
11:03 21 Yanvar 2021
Tünzalə Ağayeva Şuşa haqqında klip çəkdirdi - Foto
10:34 21 Yanvar 2021
Azərbaycanlı rəssamın ABŞ-dakı sərgisi beynəlxalq mətbuatda
10:14 21 Yanvar 2021
Vətəni söyməyə nə var? - Aqşin Yenisey qürbətdə aşağılanmaqdan yazır...
08:58 21 Yanvar 2021