writer1

Şəhriyar del Gerani

Məqalə sayı

67
clock16:38 calendar-gray 23 May 2014 view-gray1713 dəfə oxunub
view-gray1713 dəfə oxunub

Qalmışıq bayağı əlində...

Şəhriyar del Gerani

Dediyim bu kİ, hadisəni detallarıyla danışanda oxucu inanır. Daha dəqiq desək – oxucu inanmaya bilmir. Əlbəttə, yazıçı oxucuya inanmaması üçün şans verməli deyil. Elə rejissor da izləyiciyə qarşı eynən belə davranmalı.

Yerli seriallardan danışacam, diqqətli olun!


Bir gün bir dost dedi, “Qız yükü” serialına bax, gör bir necə çəkilib? Dedim, dayan görüm, bu nə addı belə: “Qız yükü”? Adam lap istəyir belinə şal bağlayıb qıçının arasında şor satsın. Yəni, serialın adını eşidəndə içinə milçək düşmüş küftə qazanından başqa heç nə təsəvvür eləyə bilmirsən. Gəldim evə, vaxtını-vədəsini öyrənib baxdım.


Deməli, bir qız evdən çıxır, baş götürüb gedir. Gedir, gedir, gedir... dönür, körpünün altından keçir, təpəni aşır, arxın kənarıyla davam eləyir, gedir, gedir... yulğunluğun dalına keçib fırlanıb-fırlanıb birtəhər dayanır. Bir az keçir başqa biri (bu dəfə köntöy bir oğlan) görünür. Bu da gedir, gedir, gedir... dönür, körpünün üstündən atdanır (kadrlardakı fərqə baxın), təpəni keçir, arxın kənarıyla yoluna davam edir. Gedir-gedir qız olan yulğunluğu keçir. Keçir, gedir, gedir... Qəfil dönüb qayıdır yulğunluğun arasına. (Sən demə güdüyə-filan duran olar deyə iz itirir əmioğlu) Aha, mən də marığa durmuşam. Bütün vücudumla durub baxıram. Ki, görən indi nolacaq? Yox e, ağlınıza başqa şey gəlməsin. Uşaq ha deyilsiz. Porno lazım olsa google-də axtarış verərəm, 256-sı çıxar. Guya lap çəksələr, nə çəkəsidilər e? O biri vardı, bir ara hoydu-hoyduya götürmüşdülər, oğlanla-qız yataqda-filan... Qardaş “bombalıq” eləyib 200 manat çıxardır, verir qıza. Qız nə qız! 30 manatı əlin əsə-əsə verərsən ən yaxşı halda.

Hələ yataq səhnəsi... Fuu!


Dediyim bu ki, heç bir gözləntim-filan yoxdur.

Gör bir qız qayıdıb gədəyə nə deyir:


- Oyy, gəldin?


Oğlan da qayıdıb cavab verir:


- Bıy, burdasan?

Səydərəvənd, görmürsən ordadı? Hansı axmaq o boyda yolu basa-basa gələrdi sənə görə?

Qız təzədən qayıdır:

- Əlquşad, eşidirəm səni, məni bura niyə çağırmısan?


Oğlan qayıdıb nə desə yaxşıdır?


- De görüm, Arifin tövləsini kim yandırıb?


Zibil olsun sən görən işin içinə! Başqa heç nə! Ə, a gijdənpo, tövlə yeridi heç?


Gəlinbacımız da qayıdıb deyir:


- Mirgüləziz!


Oğlan da reaksiya verir:


- Axx, belə də bilirdim!

Sonra da qız çıxıb o tərəfə gedir, oğlan da çıxıb bu tərəfə.

Vəssalam!

İnanın, gülmək tutub məni, qarnımı qucaqlayıb uzanmışam yerə, ayaqlarımı da qaldırmışam göyə, uğunub getmişəm.


İlahi, necə də qalmışıq bayağı əlində, özün bizə kömək ol. Ay yoldaşlar, belə “işverənlik” kimi də çıxmasın, dövlət büdcəsindən o boyda vəsait ayrılıb, niyə urvatsız eləyirsiz o pulları? Niyə bildiyiniz işlə məşğul olmursuz? Axı niyə bizdə işi işbilənə tapşırmırlar? Niyə bizdə peşəkarlardan tüfeyli, həvəskarlardan dahi düzəltməyə bunca həvəs var?






REKLAM

Yazarın digər yazıları

Xəbər lenti

Məcnunun “aşiqi-sadiqliyi” şübhə altındadır? - Elçin yazır
16:30 26 Sentyabr 2020
Karantin – kütlənin tənhalığı – Aqşin Yeniseydən yeni şeirlər
15:18 26 Sentyabr 2020
Bəyin atası, nisyə kitab istəyən oxucu, həbsxanadan çıxmış gənc yazar – İmza günündən reportaj
14:57 26 Sentyabr 2020
Məşhur rejissor festivaldan qovuldu
13:21 26 Sentyabr 2020
Ağlını itirib, dəlidi payız - Qazaxda bir ömür...
11:14 26 Sentyabr 2020
Vaşinqtonda Üzeyir Hacıbəyovun anadan olması münasibətilə tədbir keçirildi
10:02 26 Sentyabr 2020
Həmidə Ömərova gürcü aktyorun nəyinə gülürdü? – Məşhur filmin gizlinləri
09:00 26 Sentyabr 2020
Aygün Fətullayeva: "İstənilən rola çəkilərəm" - Video
21:02 25 Sentyabr 2020
Bakı caz festivalı yubileyini qeyd edəcək
18:50 25 Sentyabr 2020
Natali Portman kitab yazdı
18:15 25 Sentyabr 2020
AzTV “Diriliş Ərtoğrul” serialını yayımlayacaq
17:30 25 Sentyabr 2020
Məşhur rəssamın tablosu 80 milyon dollara satılır
17:02 25 Sentyabr 2020
Nobel mükafatının məbləği artırılacaq
16:25 25 Sentyabr 2020
Arvadını döyən tənha ata, öz qaynını sevən Həqiqət – Səriyyə xalaya çətin suallar gəldi
15:47 25 Sentyabr 2020
Qardaşlarından küsüb evdən getdi, ərli qadına aşiq oldu, dünyadan subay köçdü…– Maraqlı faktlar
15:08 25 Sentyabr 2020
"Salnaməfilm" Milli Qəhrəmanlar haqqında film çəkir
14:30 25 Sentyabr 2020
"YARAT”da sərgi
13:53 25 Sentyabr 2020
Paşinyanın arvadını neyləyəcəyik? – Sərdarın yazısı
13:10 25 Sentyabr 2020
Senatdan uyğurlarla bağlı şok təklif
12:31 25 Sentyabr 2020
Çingiz Abdullayevin gözə kül üfürməyi – Mirmehdi Ağaoğlu yazır...
11:51 25 Sentyabr 2020