news-inner
clock16:08 calendar-gray 06 May 2014 view-gray4576 dəfə oxunub
view-gray4576 dəfə oxunub

Hacı Şahin cinsi azlıqlarla bağlı ittihamlara cavab verdi

“Mənim dediklərimi səhv təqdim ediblər. Mənim fətva vermək səlahiyyətim yoxdur”.

Bu sözləri Kulis.az -a açıqlamasında “Məşədi Dadaş” məscidinin axundu Hacı Şahin Həsənli deyib.

Hacı Şahin bildirib ki, o, bəzi müctehidlərin fikrinə əsaslanaraq cinsi dəyişməyin mümkün olduğunu söyləyib: “Bəzi insanlarda fiziki qüsurlar olur. Belə qüsurla dünyaya gəlirlər və müəyyən yaş dövründən sonra bu qüsur özünü göstərir; kişilərdə qadınlaşma, qadınlar isə kişiləşmə gedir. Təbii ki, burda mövqe birmənalı deyil. Bəzi şəriət alimləri var, onların hökmünə görə mütəxəssis rəy bildirsə ki, bu insanda hormonal pozğunluq var, tibbi müdaxilə lazımdır, o zaman əməliyyat edib cinsi dəyişmək mümkündür. Yenə deyirəm, bu şəriət məsələsidir. Və şəriətin birmənalı hökmü deyil. Şəriət alimlərinin bir qisminin fikridir. Təəssüf ki, indi bu fikri bildirən alimlərin adlarını xatırlamıram. Mən bunu desəm də, deməsəm də şəriət kitablarında yazılıb, var. Təkrar edirəm, bu kütləvi hal ala bilməz. Kim kefi istəsə, cinsini dəyişə bilməz. Biz yazılanları deyirik. Müasir məsələlər meydana çıxır, bizə bu cür suallar verirlər. Biz də şəriət alimlərinin fikirlərini çatdırırıq”.

Daha sonra Hacı Şahin bildirib ki, bu o demək deyil din insanları cinsini dəyişməyə təşviq edir. Bunu islamın fikri kimi də qəbul eləmək olmaz: “Bəzi alimlərin fikri bu cürdür. Bəzi alimlər var, cinsi dəyişməyi qadağan edir, bəzi alimlər isə qadağan etmir. İstənilən elmdə bu cür mübahisəli məsələlərdə fikir ayrılıqları olduğu kimi fiqh elmində də fikir ayrılığı mövcuddur.

Hacı Şahin cinsini dəyişən müsəlmanın məscidə gedib-gedə bilməməsi barədə də fikirlərini bildirib: “Cinsi dəyişmək hökmünü yazan alimlərin fikrincə kişi və yaxud qadın cinsini dəyişdikdən sonra artıq onun haqqında əvvəlki hökmlər qüvvədən düşür. Kişi qadın olubsa qadın kimi, qadın kişi olubsa kişi kimi məscidə gedir, ibadətini edir”.

Sosial şəbəkələrdə haqqında yayılan fikirlərə münasibət bildirən axund bundan sensasiya yaratmağa ehtiyac olmadığını deyib: “Çünki bu təzə məsələ deyil. Özü də bunu elə təqdim edirlər ki, guya mən fətva vermişəm. Kimlərsə öz maraqları üçün sosial şəbəkələrdə bunu yayırlar. Bizi tanıyan tanıyır, mövqeyimizi də bilir”.

news-inner-user

15731 məqalə

Oxşar xəbərlər

Xəbər lenti

Mahatma Qandinin aforizmləri
21:02 03 İyul 2020
Haqverdiyevlə bağlı film hazırlanır
18:30 03 İyul 2020
Ondan qorxurduq – Bacısı qızı Kafkadan yazır...
17:47 03 İyul 2020
Mehriban Vəzirdən yeni kitab
16:58 03 İyul 2020
Koronavirusa həsr olunan film çəkilir
16:13 03 İyul 2020
"Sehrbaz qadın" onlayn nümayiş olunacaq
15:21 03 İyul 2020
Xarici İşlər Nazirliyi nota göndərməlidir - Kino adamları od püskürdü
14:30 03 İyul 2020
Uşaqlar üçün tamaşa
13:57 03 İyul 2020
Anar yeni ssenarisini çəkməyə vəsait tapmır
13:15 03 İyul 2020
Hoşcakal, İrfan bey! – Ayxan Ayvaz yazır...
12:33 03 İyul 2020
Dünya ilə oynayan iki qadın - Mehman Qaraxanoğlu yazır...
12:07 03 İyul 2020
Qəmli-qəmli sevişmək – Oğuz Ayvaz yazır...
11:41 03 İyul 2020
Türkiyənin Azərbaycandakı keçmiş müşaviri vəfat edib
11:16 03 İyul 2020
Günün şeiri Küçük İsgəndərdən - Mətn
10:58 03 İyul 2020
Orxan Pamuk qızına çap qadağası qoydu
10:26 03 İyul 2020
İstəyirdim kimsə məni itələyib küçənin ortasına yıxsın - Bircənin romanı
09:00 03 İyul 2020
Azərbaycanlı fotoqraflar beynəlxalq fotomüsabiqədə 4 qızıl medal qazandılar
18:41 02 İyul 2020
Eşşək obrazına görə ərini tərk edən qadın – Əyyub Qiyasdan yeni hekayə
18:04 02 İyul 2020
Kosmosun qoxusu necədir? - NASA-dan 2 il əvvəl bunu düşünən azərbaycanlı
17:23 02 İyul 2020
Səməd Vurğunun şeirlər kitabı Türkiyədə nəşr olundu
16:41 02 İyul 2020