writer1

Ramilə Qurbanlı

Məqalə sayı

171
clock13:59 calendar-gray 22 Aprel 2014 view-gray2316 dəfə oxunub
view-gray2316 dəfə oxunub

Mənə bir yazını dəfələrlə yazdıran adam

1995-in yayı idi. Nəşriyyatı deyib gedirdim. Sabir Əhmədli çağırmışdı. Yazımı oxuyub bəyənmişdi. “Ədəbiyyat qəzeti”nə gəncləri, yeni nəfəs-yeni kollektiv yığmaq istəyirmiş. Əlimdə bir yazı da vardı, elə “Ədəbiyyat qəzeti”nə bükmüşdüm. İstəyirdim ilk görüşdə bir yazı da verim ona.

Bakı Dövlət Universitetinin qarşısından keçib Mətbuat prospektinə çıxdım. Elə tuşutmuşdular mənə “Azərbaycan” nəşriyyatını. Qarşıma hündürboylu, ağsaç, simasından nur yağan bir kişi çıxdı. Tanıdım onu, şair Şahmar Əkbərzadə idi. Yaxınlaşıb nəşriyyatın yerini soruşdum. Uzun barmaqlarını uzadıb nəşriyyatı nişan verdi, sonra da əlini aşağı salıb təbəssümlə mülayimcə soruşdu məndən: “Kim lazımdır sənə nəşriyyatda?” Sabir Əhmədli-deyə cavab verdim. Neyniyirsən onu? Dedim yazım xoşuna gəlib, özü çağırıb məni. “Sabir Əhmədlinin baş redaktoru olduğu “Ədəbiyyat qəzeti” 9-cu mərtəbədə yerləşir, amma bu gün orda heç kim yoxdur, çünki şənbə günüdür, işləmirlər. Birinci gün gələrsən”.

Sözünü deyib dönüb getmək istədi, nə düşündüsə təzədən mənə tərəf qayıtdı: Qızım, əlindəki yazıdır? Bəli-dedim. “Olar, baxım?” Tələsik dörd bükülmüş qəzeti açıb arasından qrankanı götürüb ona tərəf uzatdım. BDU-nun Mətbuat prospekti tərəfindən küncündə dayanmışdıq, həmin yerdə Qobustan Qaval daşına bənzər bir daş vardı-kişi daşın üstündə oturub yazımı birnəfəsə oxudu. Sonra əlimdən qəzeti alıb kağızı səliqə ilə qəzetin arasına qoyub özümə qaytardı: “Bir az düzəlişlər eləmək lazımdır, amma ümumilikdə yaxşı yazıdır, müxalifət qəzetlərində vermək olar”-dedi.

Birinci gün getdim nəşriyyata, Sabir Əhmədli ilə görüşdük, çox uzun söhbətdən, sorğu-sualdan sonra elə həmin gün məni “Ədəbiyyat qəzeti”nə işə götürdü, təsəvvür edirsiniz, heç bir sınaq müddəti vermədən, əməkdaşlıq elə-demədi, birbaşa ştata götürdü, əvvəlcə korrektor kimi, cəmi bir, ya iki ay sonra baş müxbir ştatına keçirdi. Həmin bir-neçə ay vallah, anamdan əmdiyim süd burnumdan damla-damla töküldü. Bir yazını mənə təkrar-təkrar yazdırdı. Yazıda işlətdirim “baxmayaraq” kəlməsinə görə elə danladı ki, dəymişim dura-dura kalım töküldü. Gözlərimin yaşı yanağım boyu sel kimi axırdı, amma sirr orasındadır ki, mən dönüb getmirdim, dözürdüm, dediklərinə bircə-bircə əməl edirdim. Yenidən əlli dəfə yazdırsaydı da yazırdım. Belə-belə bir də gördüm ki, Sabir Əhmədli yazımı oxuyur, gülümsəyir və nöqtə-vergülünə toxunmadan çapa verir. İndi anlayıram ki, mənim qaçmamağımın səbəbi nə imiş-adam danlağı, tənbehi, tənqidi elə edirdi ki, sən onunla hesablaşırdın, çünki sevgi ilə etdiyini, sənə görə etdiyini təhtəlşüur duyurdun, ağzından tökülən tənqid qismində dürr birbaşa qəlbinə axırdı.

Şahmar Əkbərzadə ilə isə sonralar çox rastlaşdıq, müsahib olduq. Bir dəfə də “7 Gün” qəzetində işlədiyim vaxtlar idi. Mədəniyyət Nazirliyini əlimdəki faktlarla, əsaslarla tənqid eləmişdim və yazım manşetə getmişdi. Başlıq da yadımdadır-“Polad Bülbüloğlu dövrünün....” Əşi, qalanını yazmayım, adam daha nazir deyil, arxasınca danışmaq olar.

Qəzet çıxan gün səhər tezdən Şahmar Əkbərzadə redaksiyaya gəldi. Deyəsən, o vaxtlar Mədəniyyət nazirliyində çalışırdı rəhmətlik. Məni çağırıb dedi ki, bəs, nazir səni öz kabinetində gözləyir, gedək. Gedək - deyib çantamı saldım çiynimə. Bayıra çıxmaq üçün baş redaktoru Emin Eminbəylinin otağının qapısından keçməli idik. Çıxdı bayıra, qarşılaşdıq. “Hara gedirsən, Ramilə?” Dedim nazir məni çağırıb, gedirəm onun yanına. “Qayıt, çantanı qoy, işinlə məşğul ol, nazir səni görmək istəyirsə gəlsin redaksiyaya”. Yavaşca keçib oturdum yerimdə. Sabir Əhmədlidən yazmağı, sözü sevməyi, işinə məsuliyyətlə yanaşmağı öyrənmişdimsə, Emin Eminbəylidən böyük, güclü olmağı öyrəndim. O, bizə aşıladı ki, jurnalist olmaq şərəfli bir peşənin sahibi olmaq deməkdir. İstənilən kəsi ayağına gətirmək gücün var, yetər ki, özünə və peşənə sevgin-hörmətin olsun.

Bu gün həmin illərin və həmin şəxsiyyətlərin yetişdirdiyi bizlərə çox çətindir...

REKLAM

Yazarın digər yazıları

Xəbər lenti

Azərbaycanlı alimin kitabı Avropa dillərində nəşr olunacaq
18:37 09 İyul 2020
Uşaqlar üçün tamaşa
17:56 09 İyul 2020
Təranə Vahidin Türkiyədə çap olunan hekayəsi: "Durna adam"
17:15 09 İyul 2020
Qızını ərə verən atanın ölümü
16:26 09 İyul 2020
İspaniyada Haqverdiyevə həsr olunmuş poçt markaları buraxıldı
15:47 09 İyul 2020
Mikayıl Müşfiq qadına görə öldürülüb - İddia
15:08 09 İyul 2020
Məşhur sənətçi prezidentliyə namizəd olacaq
14:19 09 İyul 2020
Yaltaqlıq ən perspektivli valyutadır - Qorxmaz Quliyev yazır...
13:30 09 İyul 2020
Uşaq təbəssümü
12:53 09 İyul 2020
Qorxu və təşviş insanı necə formalaşdırır? – Nazlı Əmirova ekzistensializmdən yazır...
12:30 09 İyul 2020
Bəhram Bağırzadənin həyat yoldaşı: "Hələ danışa bilmir"
11:48 09 İyul 2020
Cinsi yanğısını Facebookda söyüşlə soyudanlar
11:19 09 İyul 2020
Son 200 ilin ən yaxşı qəzəli – Mətn
10:46 09 İyul 2020
Elton Conun şərəfinə sikkə hazırlandı
10:09 09 İyul 2020
Sovet ordusunda üsyan edib almanlar tərəfə keçən azərbaycanlı - Amerikadan yazırlar...
09:01 09 İyul 2020
Moskvada teatrlar avqustun 1-dən açılır
18:54 08 İyul 2020
Uşaq tabutunda basdırılan kişi - Günel Natiqdən yeni hekayə
18:22 08 İyul 2020
Son 10 ilin ən yaxşı qorxu filmləri - Siyahı
17:49 08 İyul 2020
Venesiya Film Festivalı əvvəlki qaydada keçiriləcək
17:10 08 İyul 2020
Qarabağda “iki” alıb, sinifdə qaldığım Vətən - Ramiz Qusarçaylıdan şeirlər...
16:23 08 İyul 2020