writer1

Şərif Ağayar

Məqalə sayı

541
clock11:52 calendar-gray 21 Aprel 2014 view-gray2519 dəfə oxunub
view-gray2519 dəfə oxunub

Homoseksual üçün dua

Qədim Spartada əlil uşaqları öldürürdülər! Çünki bu dövlət tamamilə hərbi sistem üzərində qurulmuşdu və düşüncəyə görə vuruşmaq qabiliyyəti olmayan oğlan uşaqları cəmiyyət üçün yararsız, hətta yük idilər. Eyni zamanda, döyüşlər zamanı qolunu, qılçasını itirib “havayı yeyənlər” sırasına daxil olanlar qətlə yetirilirdi.

İslamdan əvvəl isə, bədəvi ərəblər arasında qız uşaqlarını basdırmaq ənənə idi.

Sonra insanların qafası inkişaf etdi. Anladılar ki, əlil doğulmaq, fiziki cəhətdən qüsurlu olmaq insanların öz seçimi deyil. Onlara qarşı bu amansız münasibətə son qoyulmalıdır.

İslam peyğəmbəri qız uşaqlarının basdırılmasını birmənalı şəkildə qadağan etdi!

İnsanın özündən fərqli yaranmışlara alçaldıcı münasibətinin çox qədim yaşı var. Bu həqarət bəlkə də ulu əcdadlarımız hələ insana tam çevrilib qurtarmamış da var idi. Təəssüf ki, insan dediyimiz varlıq milyon illərlə inkişaf yolu keçsə də bu axmaq keyfiyyətini qoruyub saxlayıb. Hətta bu günümüzdə belə fərqli insanlara üstdən aşağı baxan avaralar vardır.

Bəzən o qüsurlu insanlar ifrat diqqətdən də narahat olurlar.

Bu çox həssas məsələdir!

Fərqlilikləri səmimi qəlbdən qəbul etmək! İlk baxışdan adama çox asan görünən bu məsələ öz praktiki həyatında ciddi problemlər yaradır. Bu fərqlilik fiziki qüsur kimi də, cinsi, dini, siyasi, milli, irqi mənsubiyyət kimi də, alternativ fikir kimi də ortaya çıxa bilər. Fərqliliklərə düşmən münasibətin bircə adı var: FAŞİZM!

Kulis.Az-ın “Kino Seans” layihəsi çərçivəsində baxdığım Rejissor Rassel Malkexinin “Dualar Bobbi üçün” filmi məndə bu düşüncələri yaratdı əvvəl-əvvəl...

Açığı, filmə baxmışdım. Amma seansda ikinci dəfə izləməyə ərinmədim. Film elə də xoşuma gəlməmişdi. Amma ideyası olduqca mütərəqqidir: bəhs etdiyim fərqlilik məsələsi homoseksual bir gənc kontekstində qoyulur! Və məncə ən uğurlu tərəfi keşişlə həmin gənc Bobbinin anasının dialoqudur. Eyni paraleli İslamın homoseksuallara münasibəti ilə aparmaq olar. Guya biz səmavi kitabların buyurduğu bütün qaydalara riayət edirik də, qalır homoseksuallar! Məsələn, oğurluq edənin həmən əlini kəsirik, bakirə olmayan qızları daşlayırıq, sələmçiləri günahkar elan edirik, məzlum malı yeyənin cəzasını yubatmırıq, haqqın üzünə tüpürənlərə qarşı cihada qalxırıq və s.

Homoseksuallara münasibət cəmiyyətdə demokratiyaya münasibətin çox ciddi ölçülərindən biridir. Çünki bu, fərqliliklərin ən sensasionudur. Heç kim maskasını saxlaya bilmir. Hətta yadımdadır bir nəfər “azad fikirli gənc” məlum İsa Şahmarlı söhbətində kadrlara düşməkdən ehtiyat edirdi ki, mənə də “gay” deyəcəklər.

Cəmiyyətdə heç bir tale yüklü haqsızlığa etiraz edə bilməyənlər fağır bir homoseksuala qarşı “vətənpərvərlik silahlarını” məmnuniyyətlə sınaqdan keçirir, dini təəssübkeş kimi gözə soxulmağa çalışır.

ABŞ kimi bir ölkədə belə Bobbi yaşaya bilmir… ABŞ kimi cəmiyyət belə “onun rənglərini daşımaq gücündə deyil”. O da ki Azərbaycan ola, Şərq ola…

Amma İsa Şahmarlı sübut etdi ki, Azərbaycanda bu mənada vəziyyət çox da ağır deyil. Yəni o dərəcədə ki, M.Kırmızıgülün “Günəşi gördüm” filmindəki kimi fərqli bir yaradılışı qardaşının əli ilə qətlə yetirmir, onu “mədəni şəkildə” intihara vadar edir.

Fərqliliklərə dözümlə yanaşmaq…

Bu, həqiqətən də, göründüyü qədər asan məsələ deyil!

REKLAM

Yazarın digər yazıları

Xəbər lenti

"Netflix"in abunəçilərinin sayı rekord həddə çatdı
18:15 21 Yanvar 2021
Filipp Kirkorov bu ölkəni məhkəməyə verir
17:39 21 Yanvar 2021
Bizdən istifadə edən qəddar sənətkarlar – Mehman Qaraxanoğlu yazır...
17:19 21 Yanvar 2021
"Bu nə deməkdir?" - Qismət nazirliyin keçirdiyi müsabiqəni tənqid etdi
16:38 21 Yanvar 2021
Makgregor Porye qarşıdurmasına 1xBet-dən "Risk etmədən mərc"
16:23 21 Yanvar 2021
Tanınmış müğənni şəhid baş leytenanta mahnı həsr etdi - Video
15:40 21 Yanvar 2021
Sən istə, sənin üçün batım hər günaha mən – Orxan Bahadırsoydan yeni şeirlər
15:01 21 Yanvar 2021
"Min bir gecə" Mariinski Teatrında anşlaqla nümayiş olundu - Foto
14:20 21 Yanvar 2021
Ədəbiyyat müsabiqəsinin qalibləri bəlli oldu
13:41 21 Yanvar 2021
Əsgər payına göz dikənlər
13:17 21 Yanvar 2021
Moskvada teatr və kinoteatrlar açılır
12:43 21 Yanvar 2021
O doğulmamış atası Sibirə sürgün edildi, ömrünü mənfi rollara həsr etdi, “baş yaramaz” adını qazandı – Kinomuzun “Göygöz kosa”sı
12:07 21 Yanvar 2021
Qar yağır - Günün şeiri
11:34 21 Yanvar 2021
21-ci əsrin 21-ci ilinin 21-ci günü – Bu gün nə baş verəcək?
11:03 21 Yanvar 2021
Tünzalə Ağayeva Şuşa haqqında klip çəkdirdi - Foto
10:34 21 Yanvar 2021
Azərbaycanlı rəssamın ABŞ-dakı sərgisi beynəlxalq mətbuatda
10:14 21 Yanvar 2021
Vətəni söyməyə nə var? - Aqşin Yenisey qürbətdə aşağılanmaqdan yazır...
08:58 21 Yanvar 2021
Filarmoniyada 20 Yanvar faciəsi qurbanlarının xatirəsi yad olunub
17:10 20 Yanvar 2021
Eynşteyn əsrin ixtirasına görə bu romanlara borcludur - Ən sevdiyi 5 kitab
16:20 20 Yanvar 2021
146 nəfərin bir hekayəti...
15:10 20 Yanvar 2021