Nərmin Kamalın yeni şeiri

Nərmin Kamalın yeni şeiri
30 yanvar 2014
# 15:24

Çilov adasında

Arvadlar deyinərdi,

“Ay baş beynimiz getdi

televizoru söndür

onsuz da eşitmirik”

Kişilərsə deyərdi:

“Kimsə türmədən qaçıb

bu da onu axtarır

yuxarıdan gəlibdi”

Düz uçub gedənlərlə

heç işləri olmazdı

elə ki dövrə vurdu

ağızlar açılardı

Rəna deyərdi: “Pır pırrr

get o biri həyətə

orda karlar yaşayır

ər də kar, arvad da kar”

Rafiq deyərdi: “Rəna,

get çiyninə bir şey sal

memarlardı bəlkə də

şəklimizi çəkirlər”

Nənə altdan yuxarı

Dərdin söylərdi ona

“Çadrovıda evim vardı

Səməd əmi satdırdı”

Müəllimlər deyərdi,

vertolyot səs-küyünə

göyə baxan uşaqlar

gələcəkdə kasıb olacaqlar

Uşaqlar yağlı-yağlı

Söyüşə qərq edirdi

ən utancaq olanı

dalını göstərərdi

çox yaxından uçur bu

pəncərələr sınacaq

“Yenə getdi qayıtdı

ala e, kül başına”

Ölülər deyinərdi,

nə əbədi sükutmuş

Daşlarımız çatlayır

dişlərimiz çatlayır

Vertolyot uğultusu

bizə qulaq asardı

o gözdən itən kimi

cırcırama başlardı.

# 4720 dəfə oxunub

Oxşar xəbərlər

Pioner şeypuru və Dədə Qorqud sazı - Salam Sarvanın "tarix dərsi"

Pioner şeypuru və Dədə Qorqud sazı - Salam Sarvanın "tarix dərsi"

17:50 2 aprel 2025
Qəşəm Nəcəfzadə insanları belə aldadır - Nadir Yalçın

Qəşəm Nəcəfzadə insanları belə aldadır - Nadir Yalçın

15:15 1 aprel 2025
"Milli Kitab 10-luğu" - "İblis"

"Milli Kitab 10-luğu" - "İblis"

21:40 25 mart 2025
Türk poeziyasında sufizmin inkişaf paradiqmaları - Nizami Cəfərov

Türk poeziyasında sufizmin inkişaf paradiqmaları - Nizami Cəfərov

17:10 24 mart 2025
Mühəndisin tamadaya çevrilməsi - Qızının qisasını alan ana kim idi?

Mühəndisin tamadaya çevrilməsi - Qızının qisasını alan ana kim idi?

12:00 24 mart 2025
Folklor və postmodern təhkiyə - Elnarə Qaragözova

Folklor və postmodern təhkiyə - Elnarə Qaragözova

15:00 23 mart 2025
# # #