writer1

Şərif Ağayar

Məqalə sayı

495
clock11:40 calendar-gray 13 Yanvar 2014 view-gray1766 dəfə oxunub
view-gray1766 dəfə oxunub

Adam necə siçovul olur

Şərif Ağayar yazır

Atasının ölümünü həyatında ən böyük xoşbəxtlik sayan amansız Sartr gözünü burjuy babasının evində dövrü üçün ən unikal kitabların arasında açır. Lap uşaq yaşlarından əlifbanı da dərsliklərdən deyil, bu qalın kitablardan öyrənir. Onun 10 yaşında oxuduğu əsərlərin adına baxanda adamı dəhşət bürüyür.

Açıq deyirəm, uzun zaman nə Motsartın, nə Sartrın, nə Puşkinin, nə Lermantovun, nə də Cəfər Cabbarlının yaşına inanmışam. Mənə elə gəlib ki, onları sənəddə balaca yazıblar. Çünki, bu adamların gördüyü işləri o yaşa sığışdırmaq imkansızdır. Ancaq, sən demə dahilik elə mümkünsüzü mümkün edəndə meydana çıxır.

İnsan fitrətən istedadlı varlıqdır. Dünyada hər hansı bir sahədə istedadı olmayan, hətta bəlkə dahiliyi olmayan adam tapmaq çətindir. Sadəcə o adamlar uğur qazanır ki, özünü vaxtında kəşf edə bilir, hansı sahədə bacarıqlı olduğunu dəqiq müəyyən edir. Amma bu hələ azdır! Müəyyən edəndən sonra məhz həmin sənətdə fəaliyyət göstərmək imkanı çox vacibdir. Söhbət istedadlı olduğun sahənin səni yaşada bilməsindən gedir. Əgər yaşatmırsa, məsələ xeyli qəlizləşir.

Bir müddət öncə Kulis.az saytı yazarların mətbəxi barədə maraqlı bir sorğu keçirmişdi. Sorğuda Əkrəm Əylislinin dediyi sözlər mənə çox ilginc göründü. Çünki bu fikirlər mənim söylədiklərimlə çox ciddi şəkildə səsləşirdi.

Gəlin keçmiş xalq yazıçısının günün hansı hissəsində daha aktiv yaradıcılıqla məşğul olması barədə verilən suala cavabına baxaq:

“Mən harada işləmişəmsə, orda darıxmışam. Çalışmışam iş yerimə günün birinci yarısı getməyim. Və əksər vaxtlarda da bu mənə qismət olub. Mən günün birinci yarısını, ta saat ikiyəcən nə bir qəzet oxumuşam, nə bir informasiya. Bu heç vaxt olmayıb. Hətta gəzməyə çıxanda çalışmışam ki, heç kəsə rast gəlməyim. Çünki içəridə yazını yaşaya-yaşaya gəzirəm. Saat ikiyə kimi nə yazdım yazmışam...”

İndi bəndənizin cavabına oxuyun lütfən:

“Mən adətən səhərlər aktiv oluram. Məhsuldarlığım beş qat çox olur. Təxminən saat yeddidən on ikiyədək. Təəssüf ki, iş və dolanışıq dərdi bu məhsuldar vaxtlarımı ədəbiyyata həsr etməyə imkan vermir.”

Bilmirəm anlada bildimmi?!

Sevdiyi və bacardığı işlə məşğul olanlara, bu işlə normal dolanışığını (halallıq vacibdir) təmin edənlərə həmişə həsəd aparmışam.

Ömrümün işıq saça biləcək anlarını bir loxma çörək üçün “qara fəhləliyə” sərf eləməyim həmişə üzüb məni. Təəssüfləndirib, kövrəldib, qəzəbləndirib.

Hətta buna görə özümü siçovula da bənzətmişəm. Bəli düz oxudunuz – siçovula! Onlar da yemək və yaşamaq üçün mübarizə aparırlar, nəsil artırırlar, yuva qururlar. İnsan ruhani varlığını unudanda siçovula çevrilir. Ruhun qidası mədəni həyatdandır. Mədəni həyat isə kitabla başlayır!

Məgərsə yaradıcılığın ən çətin yanı bu imiş - yazmaq və oxumaq imkanı qazanmaq! Həyatını elə qurmaq ki, yaşayışın, həmin o “siçovul arzuların” bu sahəylə təmin olunsun.

Gerisi asandır, inanın!

Şəxsən mənim üçün, çox asandır!

Paylaş

REKLAM

Yazarın digər yazıları

Xəbər lenti

Salam Qədirzadənin oğlu: “Atamın adından istifadə eləməyi xoşlamıram” – Müsahibə
21:00 15 Noyabr 2019
Pantomima teatrı dekabrda - Afişa
18:40 15 Noyabr 2019
Məşhur ifaçı Bakıda konsert verəcək
18:01 15 Noyabr 2019
Dünya şöhrətli musiqiçi: “Vikinqlərin vətəni Azərbaycandır”
17:30 15 Noyabr 2019
Bakıda Milli Qəhrəmanın heykəlinin açılışı olub
16:51 15 Noyabr 2019
Müğənnilər deputata cavab verdi: “Getsin, kasıb-kusuba əl tutsun”
16:20 15 Noyabr 2019
Mir Cəlal adına hekayə müsabiqəsinə start verildi
15:38 15 Noyabr 2019
Üzü günə qalan evlər - Tanımadığımız şairdən seçmə şeirlər
15:01 15 Noyabr 2019
Rəfael və Coşqun "Şabaş"a görə qadın paltarı geyindi
14:20 15 Noyabr 2019
Bakı Slavyan Universitetində Şərif Ağayarla görüş keçirilib - Fotolar
13:45 15 Noyabr 2019
"APA-Group"a daxil olan saytların vahid mobil tətbiqi istifadəyə verilib
13:08 15 Noyabr 2019
Facebookda rekord qıran ata və qızı ilə söhbət – Video
12:15 15 Noyabr 2019
Ziya Bünyadov: “İsa Hüseynov yolunu azmışdı” – Bilmədiyimiz gerçək
11:30 15 Noyabr 2019
Qarabağı qaytaran türk futbolçu
10:43 15 Noyabr 2019
"Nu, poqodi"nin yeni seriyaları gəlir
10:20 15 Noyabr 2019
“Paris Notr-Dam kilsəsi” tamaşası təqdim olundu
09:50 15 Noyabr 2019
Topu başında aparan kapitan, alnından zəka fışqıran redaktor, müğənnini həbsdən buraxdıran müxbir... – Şərif Ağayar APA-dan yazır...
08:59 15 Noyabr 2019
Bu gün vəfat edən şairin son müsahibəsi: “Şeirimi Süleyman Rüstəmin adına çıxardılar”
21:01 14 Noyabr 2019
"Tanınmış ailənin övladlarından uzaq gəzirəm" - İlqar Xəyal
18:40 14 Noyabr 2019
Bu mahnılarımızdan hansı plagiatdır? - Video
18:00 14 Noyabr 2019