writer1

Qan Turalı

Məqalə sayı

228
clock23:20 calendar-gray 04 Dekabr 2013 view-gray2756 dəfə oxunub
view-gray2756 dəfə oxunub

Bu yazı çox romantik oldu

Sən ağlıma girəndən yuxularım qarışdı.

Səhər yuxudan qalxan kimi ağlıma gəlirdin.

Gecə sənin fikrinlə uyuyurdum, sənin xəyalını qucaqlayıb yatırdım.

Gördüyüm hər adamda, oxuduğum hər səhifədə səndən bir iz axtarırdım.

Beynimin hər dəlmə deşiyində, uşaqlıq xatirələrimdə səndən bir nişan tapmaq ümidi ilə özümü həlak edirdim.

Mənə əzab verirdin, bəzən kofe və siqaretlə sabahlayırdım.

Sabaha qədər sənin haqqında düşünürdüm.

Amma səninlə olmaq xoş idi.

Səni uzaq şəhərlərə aparmaq, misal üçün İstanbulda Boğaza baxa-baxa səni düşünmək bilirsənmi necə həyəcanlı idi?

Səni düşünərək çəkdiyim siqaretləri üst-üstə yığsaydım dağ olardı, əzizim.

Səni anlamaq üçün hər şeyi anlamağa çalışırdım, bu dünyanı dərk etmək kimi üzücü bir işə belə girişmişdim.

Şəklin beynimdə get-gedə daha parlaq boyalarla üzə çıxırdı, daha yaxşı tanıdıqca səni, məhəbbətim birə min artırdı.

Hər gün mənə daha yaxın olurdun, səni daha yaxşı duyurdum, səni daha gözəl anlayırdım və səni daha çox sevirdim.

Bilirdim ki, bir gün sən mənim köksümdən çıxıb hamının olacaqdın və o hamının arasında səni sevənlər də tapılacaqdı.

Mən səni heç qısqanmayacaqdım, söz verirəm!

Çünki sən mənim sevgilmlə yaranmısan, sən elə mənim özümsən, sevgilim.

Ayrılığı gözləyirdim, hətta iplə çəkirdim, çünki səni şüurumdan azadlığa buraxmaq istəyirdim.

İçimdəki sən böyüdükcə daha çox diqqət, daha çox qayğı, daha çox diqqət, daha çox sevgi istəyirdin.

Bir zərrəydin, yavaş-yavaş böyüdün...

Mənim kimi sən də istəmirdin ayrılmağı, amma ayrılıq mütləq olacaqdı.

Bunu ikimiz də bilirdik.

Nə qədər uzatdıq ayrılıq vaxtını...

Zamanı ləngitmək mümkündü, ona qalib gəlmək isə yox.

Bir yerdə anladıq bunu.

Sənə asta-asta toxunurdum, siqareti aramla çəkirdim, kofeni kiçik qurtumlarla toxunurdum, amma saatın əqrəblərinin səsi qulağımdan getmirdi.

Vaxt axırdı ayrılığa tərəf.

Və bu gün ayrılıq gəldi.

Ayrılığa tərəf qorxusuz və kədərsiz gedirdik şairin dediyi kimi.

Bu sevgi, bu münasibət bizi böyütmüşdü.

Ən gözəl şərabımı açdım.

Heç işlətmədiyim qədəhləri götürdüm.

İki adamlıq süfrə hazırladım, kasıb amma dopdolu bir süfrə.

Ahmet Kayadan mahnı qoydum: “Kafama sıkar, giderim”.

Saçlarına düşən ulduzlara baxa-baxa içdim şərabı.

Bir yerdə son səyahətimiz belə başlandı.

Butulkanın dibinə doğru asta-asta gedirdik.

Onunla da bu cür ayrılmışdıq.

Şərabla, Ahmet Kaya ilə, kədərlə, göz yaşıyla...

“Mustafa”nı bir kəndin kəsafətində buraxıb gəlmişdim.

İndi də sən, “Fələk qırmancı”...

REKLAM

Yazarın digər yazıları

Xəbər lenti

Nəriman Qasımoğlu: “Atam sovet dövrünə görə tövbə elədi” - Müsahibə
21:00 28 İyul 2021
Sənət müsabiqəsi elan olundu - Mükafat fondu 50 min avro
19:00 28 İyul 2021
Qobustanda Hindistan qalereyası açıldı
18:20 28 İyul 2021
“Ev dustağıyam” kitabının təqdimatı olub
17:25 28 İyul 2021
Bu mənəm - şairlərin yuxusuna gizli kamera yerləşdirən – Güneydən şeirlər
16:40 28 İyul 2021
Bakıda yeni fotosərgi açılacaq
16:00 28 İyul 2021
“Nimdaş” müxbirin dönər sifarişi - Ulucay Akif yazır...
15:29 28 İyul 2021
Müslüm Maqomayevin heykəlinin yeri müəyyənləşdi
15:01 28 İyul 2021
Səndən ayrılanda, dağlar, cavandım - Günün şeiri
14:15 28 İyul 2021
Boşanmadan ikinci qadınla evləndi, ölümündən sonra oğlu meydana çıxdı, müəmmalı qəzada öldü – Səxavət Məmmədovdan 10 maraqlı fakt
13:30 28 İyul 2021
Səməd Səmədovun dəfninə gəlmədilər - Giley
12:40 28 İyul 2021
İşıqları keçirib yazanlar
12:00 28 İyul 2021
Dərnəgülün qansoranları – Vüsal yazır…
11:20 28 İyul 2021
“Fəryad 2” filminə kişi axtarırlar – 15 manata
10:40 28 İyul 2021
Müğənni 56 yaşında öldü
10:05 28 İyul 2021
Votsapda beş roman yazan xanım: “Mənim davam internetdəki əxlaqsız kişilərlədir” - Müsahibə
09:00 28 İyul 2021
Homoseksual kralın aşiq olduğu bəstəkar
21:00 27 İyul 2021
Özbək şairi 44 günlük müharibədən kitab yazdı
18:51 27 İyul 2021
Adam öldürmək istəyirəm - Yeni hekayə
18:01 27 İyul 2021
Bakıda caz müsabiqəsi elan olunub
17:09 27 İyul 2021