writer1

Şərif Ağayar

Məqalə sayı

541
clock13:16 calendar-gray 28 Noyabr 2013 view-gray2527 dəfə oxunub
view-gray2527 dəfə oxunub

Yaradanın söyüşləri

Srağagün yolum rayonumuzun polis şöbəsindən düşdü. Narahat olmayın, sənəd-sünəd məsələsi idi...

Bilməyənlər üçün deyim ki, rayonumuz (Laçın) dağılandan sonra adamların xeyli hissəsi Ağcabədinin Taxtakörpü deyilən ərazisində məskunlaşıblar və rayonumuzun inzibati idarələrinin, demək olar ki, hamısı Taxtakörpü qəsəbəsindədir.

Tanış polislərin biri ilə təzəcə söhbətləşirdim ki, qəflətən Post Patrul Xidmətinə məxsus sirenalı maşın şöbənin həyətinə daxil oldu. Arxa oturacaqdakı iki polis aralarında güclə saxladığı bir adamı itələyərək yerə düşürdü. Adam ağzı köpüklənə-köpüklənə hamını söyür, yeri-göyü, dağı-daşı, mələkləri-cinləri biri-birinə qarışdırırdı.

Bir də baxam kim? Mənim ən yaxın uşaqlıq dostum Yaradan!

Onun qaçqınlıqdan sonra dəli olduğunu eşitmişdim, amma belə yaxından görməmişdim.

İçim burxuldu!

Polislər Yaradanı güclə tutmuşdular.

O, kiməsə, nəyəsə çox bərk qəzəblənmişdi.

Məni görəndə susdu bir anlıq. Sifəti əsməyə başladı. Dili ilə dodaqlarını yalayıb diqqətlə mənə baxdı. Gözləri yerində oynayırdı.

O, qəlbi və ruhu ilə tanıdı məni, ancaq ağlı hələ də aldıra bilmirdi. Əgər polislər qollarını buraxsaydılar və o, əlləri ilə sifətimə toxunsaydı yüz faiz tanıyacaqdı. Tanıyacaqdı və məni bərk-bərk qucaqlayacaqdı. Hirsi də yatacaqdı yəqin! Hətta bəlkə ağlayacaqdı da!

Amma qoymadılar.

Yaradanın gözləri başqa gözlər idi. Gözlərinə baxanda elə bildim onun içində tamam başqa bir adam, bəlkə də cin-şeytan oturub. Amma tam sahib ola bilməyib Yaradana. Beyninin dərinliklərində keçmişin solğun izləri qalmaqdadır.

Yaradanı ən çox toylarla xatırlayıram.

Bir yay kəndimizdə nə az-nə çox düz 40 toy oldu.

Yaradana atası əla bir kostyum almışdı.

Mənə də dayımın bahalı cins şalvarından və köhnə gödəkcəsindən o vaxt üçün yaraşıqlı sayılacaq geyim hazırlamışdı anam.

Toylarda doyunca oynayırdıq imkan düşdükcə... “Yalvara-yalvara” mahnısına. Bəzən kəndin cayılları bizə imkan vermirdilər. Qaçıb mağarın arxasında oynayırdıq. Amma qızlara qənşər oynamağın başqa ləzzəti vardı. Çox yaraşıqlı idi yaradan. Kostyum da əla yaraşırdı ona. Biz qol-boyun olub meydana girəndə hamı əl çalırdı.

Yaradan qocalmışdı xeyli.

Onun tanış sifətinə və xəstəlikdən yadlaşımış gözlərinə çox baxa bilmədim. O da bu şairanə baxışmağa təhəmmül etmədi. Gözlərini yayındırıb qışqırdı və yenə də kimisə söyməyə başladı. Ağzı köpüklədi, sifəti titrədi.

Polislər onu şöbənin arxa girişinə tərəf apardılar. Arxalarınca yalnız bunları deyə bildim: “Xahiş edirəm, onu xəstəxanaya aparın, sakitləşdirici vursunlar!”

Yaradanın qolundan bərk-bərk yapışan polis qışqırdı:

“Aparmışdıq, həkimi tapmadıq!”

Bəs Yaradanı nə üstə tutublar...

Yanımdakı polis danışdıqca kənddəki Yaradanı xatırlayıb daha da qüssələndim.

“Hər gün belədir!

Çıxıb qonşuları söyür, zəng vururlar ki, gəlin aparın. Biz də gətiririk, həkimlər iynə-zad vurur, sonra aparıb evlərində qoyuruq. Tutması tutanda o qədər qışqırıb danışır ki, tamam əldən düşür, günlərlə yatağından qalxa bilmir.”

Özümü saxlaya bilmədim:

“O kimi söyür?”

Polis gülümsündü:

“Hamını! Səni də söydü bayaq...”

Belə...

Dünyanın bu boyda həqarətlərinə dözən həmyerlilərim Yaradanın söyüşlərinə dözə bilmirlər demək...

Bəlkə də haqlı söyür, ona görə...

REKLAM

Yazarın digər yazıları

Xəbər lenti

“Azərbaycanın klassik 12 instrumental muğamı” kitabı təqdim olundu
18:59 27 Yanvar 2021
Mədəniyyət naziri Fransanın dövlət katibi ilə görüşdü
18:11 27 Yanvar 2021
Qarabağda mina təmizləyənlərdən film çəkildi - Video
17:28 27 Yanvar 2021
Bizim keçmişimiz əl-ələ gəzir - Elvin Bakiroğlunun yeni şeirləri
16:46 27 Yanvar 2021
Di Kaprio ABŞ prezidentinə açıq məktub yazdı
16:01 27 Yanvar 2021
Fərhad Bədəlbəyli: “Bülbülün həyətinə girəndə qorxdum” – Şuşa söhbəti
15:18 27 Yanvar 2021
Çində "Nizami irsi" layihəsinə strat verildi
14:46 27 Yanvar 2021
Klassikanı niyə oxumalıyıq?
14:01 27 Yanvar 2021
Psixoloq: “Media intihar xəbərlərində ehtiyatlı olmalıdır” – Müsahibə
13:20 27 Yanvar 2021
Balaca ifaçımız beynəlxalq mükafat aldı
12:41 27 Yanvar 2021
Valları rekord qırdı, ailəsini atıb "müqəddəs ata" oldu, rahibəylə eşq yaşadı - Azərbaycanlı şairin qeyri-adi həyatı
11:58 27 Yanvar 2021
İki gündən bir ağlaşma quran sənətçilər
11:29 27 Yanvar 2021
“Uşağın duası” işıq üzü gördü
11:09 27 Yanvar 2021
90 yaşlı aktyor ata oldu
10:43 27 Yanvar 2021
Tofiq Bakıxanov “Şərəf” ordeni ilə təltif edilib
10:16 27 Yanvar 2021
Samirə Əşrəfə ağır itki üz verib
10:06 27 Yanvar 2021
Təbrizli yazar: “Nizamini məqbərədən çıxarıb xalqın həyatına qaytarmalıyıq” – Müsahibə
09:01 27 Yanvar 2021
“Ulduz” jurnalının yeni nömrəsi işıq üzü görüb
19:20 26 Yanvar 2021
Nizami ilə bağlı müsabiqə elan olundu - Şərtlər
18:42 26 Yanvar 2021
Dəlisov yellərə məndən salam de - Natiq Əlisoyun şeirləri
17:29 26 Yanvar 2021