writer1

Cəlil Cavanşir

Məqalə sayı

294
clock14:34 calendar-gray 25 Noyabr 2013 view-gray1424 dəfə oxunub
view-gray1424 dəfə oxunub

Danlaq

Üzüm danlağa öyrəşib. Əlinə fürsət düşəndə valideynlərim, dostlarım, redaktorlarım, iş yoldaşlarım, tanışlarım, evdə həyat yoldaşım, hətta bağçaya gedən beş yaşlı oğlum da məni danlayır.

Bütün günü danlaq eşidirəm.

“Evə niyə gec gəlirsən?”, “Üzünü niyə qırxmırsan?”, “Niyə çox içirsən?”, “Bu nə tənbəllikdir?”, “Bu qədər məsuliyyətsiz olma!”, ”“Niyə kökəlirsən?”, “Bu nə saçdı!”, “Sənin şort geyinən yaşındır?” və s. və ilaxir.

Beş yaşlı oğlum belə məndən narazıdır: - “Niyə mənimlə oynamırsan?”

Bu danlaqlardan nəticə çıxarıb həyatımı nizama salmağa çalışıram. Bütün günü özümə əl gəzdirirəm. Yuxudan tez qalxmağa, tez yatmağa çalışıram. Yavaş-yavaş üzümü təraş etməyi gündəlik işlərimə daxil edirəm. Şort geyinmirəm. Məsuliyyətli və intizamlı olmağa çalışıram.

Evə vaxtında çatmaq üçün sinəmi qabağa verib tıxacları yarmağa, az içmək üçün tövbə etməyə, arıqlamaq üçün dietaya başlamağa qərar vermişəm.

Bütün bunlar azmış kimi, son vaxtlar oxucuların danlağını eşitməyə başlamışam. Az qala hər gün, oxucu danlağı ilə üz-üzəyəm.

“Bu yazınızda dərinlik yoxdur...”, “Hörmətli yazar, əvvəlcə Azərbaycan dilini öyrənin!”, “Bütün qövmləri araşdırdım, bu qövmlərin içində yeganə bədbəxt adam sənsən! Allah səni hidayət eləsin!”, “Romanınızı bəyənmədim, mənim zövqümcə deyil.”, “Özünüzü dahi hesab edirsiniz, amma siqaret çəkən fotonuzu paylaşırsınız”, “Dinə qarşı çıxmayın, Allah sizi cəzalandıracaq!”, “Əvvəlcə güzgüdə özünə bax, sonra Allahın peyğəmbəri haqqında yaz!”.

Gün ərzində bu qədər danlaq eşitmək əsl işgəncədir. Sanki yaxınlar, qohumlar, doğmalar və hətta oxucular pozitiv enerji ötürməyəcəklərinə dair and içiblər.

Hamı giley, hamı narazılıq püskürür.

***

Gözəl bir sabahdır.

Yuxudan oyanmışam, gümraham.

Amma sanki hamı bir-biri ilə bəhsə girib.

Bütün kommunikasiya vasitələri neqativ enerji püskürür.

Telefonuma gələn SMS-i sevincək açıram. Atam yazır: “Yekə kişisən, efirə çıxanda saç-saqqalını kəsdir!”.

Anamın zəng etdiyini görüb telefonu öpüb, gözümün üstünə qoyuram, sonra “YES” düyməsini basıram: “Oğul, bu nə vid-fasondur? Hanı sənin kostyumun, qalstukun? Yəni özünə bir kostyum ala bilmirsən?”

Həyat yoldaşım SMS yazır: “Biz ümid edirik ki, sən bu gün evə vaxtında gələcəksən.”

Evə zəng edirəm, oğlum dəstəyi götürür : “Ata, piyvə (pivə) içsən, səni öpməyəcəm!”

Dostumla “Google Talk”-da danışırıq: “Niyə itib-batmısan? Haralardasan? Belə laqeyd olmaq yaraşmaz axı!”

Yazıma gəlmiş oxucu şərhinə baxıram : “Bıııy, ay yazar, sizi Anarı hələ indi oxumusunuz? Bir az kitab oxuyun da...”

***

Özümə söz verirəm ki, daha heç bir mesaja, zəngə əsəbiləşməyəcəm, ruhdan düşməyəcəm.

Amma olmur.

Hamı umur, hamı tələb edir, hamı küsür, hamı narazıdır, hamı məndən ağıllıdır, hamı müdrikdir, hamı danlayır...

Hər yazı ilə bağlı onlarla narazı oxucunun suallarına cavab verməyə məcbur oluram.

Sanki hamı sözləşib, birdən hücuma keçir.

Sadə bir həqiqəti izah edə bilmirəm ki, mənim işim hamını razı salacaq yazı yazmaq deyil.

Hər kəs özünü haqlı, məni haqsız bilir.

Heç kəs mənim insan olaraq, yazar olaraq şəxsi düşüncəmi, şəxsi seçimimi, şəxsi istəklərimi nəzərə almaq istəmir.

Bu tək mənimlə belə deyil, yazarlarımızın çoxu bu cür danlaqları eşidir, oxuyur.

Bəzən səni yazdığın mövzuya görə yox, yazmadığın mövzuya görə danlayırlar.

Zaman isə amansızdır.

Günümüz başqalarının danlaqlarına, gileylərinə, gözləntilərinə həsr olunur.

Adamlar səndən hər şey istəyir, hər şey gözləyir.

Özün olmaq istəyini sənə bağışlamırlar.

Sənin şəxsi düşüncən, şəxsi seçimin isə onlara “vız gəlir”...

Səni qəlibdə, çərçivədə görmək istəyirlər.

Sənin bezdiyini, tükəndiyini, yorulduğunu isə heç kəs nəzərə almaq istəmir...

REKLAM

Yazarın digər yazıları

Xəbər lenti

Yeni filmin nümayişi təşkil olunub
18:01 08 May 2021
Ədəbiyyat tariximizə qızıl hərflərlə yazılan misralar: 5 seçmə şeir
17:20 08 May 2021
Azərbaycanlı musiqiçi vəfat etdi
16:20 08 May 2021
Gənc yazardan yeni hekayə: Şlaqbaum
15:39 08 May 2021
Aktyor kitabxananın qonağı oldu
15:01 08 May 2021
Musa Yaquba sevgi və iztirabla - Kamal Abdulla yazır...
14:20 08 May 2021
Çingiz Hüseynovun ən çox sevdiyi 10 roman - Siyahı
13:36 08 May 2021
Xalq şairi Musa Yaqub dəfn olunub - Fotolar
12:37 08 May 2021
Şeir yazmağa Stalinə görə başladı, evli ola-ola bir qadına vuruldu, arvadı sevgilisinə yazdığı şeirləri gizli oxudu – Musa Yaqubun nağıl kimi həyatı
12:30 08 May 2021
Xalq artisti koronavirusdan dünyasını dəyişdi
11:38 08 May 2021
Şuşanın Mədəniyyət paytaxtı elan olunmasının 10 tarixi dərsi
11:10 08 May 2021
Ölən adamdan şair olar? - Gənc şair Fikrət Qocaya şeir həsr etdi
10:35 08 May 2021
Qətlə yetirilmək istərdim: Gecənin qaranlığında... Bıçaqla...
10:05 08 May 2021
2021-ci ilin “Oskar” saxtakarlığı – Sevda Sultanovadan sərt tənqid
09:00 08 May 2021
Jurnalist Fulya haqqında film çəkiləcək
18:56 07 May 2021
Sabir Rüstəmxanlıdan təsirli sözlər: “Əlvida, əziz qardaş!”
18:08 07 May 2021
Nizami Gəncəvi və Yunus Əmrəyə həsr edilən səhnə əsəri nümayiş olunub
17:46 07 May 2021
“Buynuzdan yazanda kəndi işğal olunan şairlərdən utanırdım” - Musa Yaqubun son müsahibəsi
17:15 07 May 2021
Musa Yaqubun dəfn olunacağı yer bəlli oldu
16:39 07 May 2021
Azərbaycanlı şairin ingiliscə kitabı çıxdı
16:12 07 May 2021