news-inner
clock16:01 calendar-gray 14 Oktyabr 2013 view-gray1857 dəfə oxunub
view-gray1857 dəfə oxunub

Sırğalarının səsi adamı ibadətə çağıran bir qız...

Kulis.Az Qismətin yeni şeirlərini təqdim edir.

Sərçələr

Eyvanda oturmuşam. Əlimdəki fotoda 96-cı ildi.

Gözləri qıyıq, balaca oğlan mənəm.

Onda, o günlərdə, pəncərəsinin qolları, qapısının ürəyi

küçələrə açılan evdə, başdaşları adam idi.

Qəribə bir axşam idi – Yeni il axşamı.

İndi baxıram ki, elə bil hamı

Şuşanın işğalından bir gün sonra kimidi.

Niyə? Xatırlamıram.

Eyvanda oturmuşam. Dil çıxardır uzunsov qəbzlər:

İşıq pulu, qaz pulu, su pulu.

Nə yaxşı borcumuz var,

yoxsa hardan bilərdik,

işığımız olub – yandırmışıq,

qazımız yanıb – qızınmışıq,

suyumuz gəlib – paklanmışıq.

Yaşamışıq.

Eyvanda oturmuşam. Adamlar tələsir. Tıxacdı.

Maşınların səs-küyünəqulağını şəkləmiş pişik acdı

amma o tanımaz-bilməz,

ağ xalatlı həkimləri, bərbərləri.

Dil çıxartmaz üzünə hər ay

dövlətin uzunsov qəbzləri.

Nə fotoya çevrilir, nə də başdaşına

yaxınları, əzizləri.

Eyvanda oturmuşam.

Laubalıdıqəbzlər,

məsuddu pişiklər,

köhnə fotolar qüssəlidi.

Qəribədi, iş vaxtı bitəndə, elə bil

maşınlar sahibindən yekədi, cüssəlidi.

Eyvanda oturmuşdum.

Axşamüstü zivəyə sərçələr qondu qəfil,

oynaşıb, civildəşib fikrimi dağıtdılar.

Futuristika

Qorxmayıb topuğu qanadan daşlardan,

sağ çıxıb gündəlik savaşlardan,

ilişib qalmadan axmaq təsadüflərə,

təəssüflərə əbədi baxmayanlar,

adam içinə çıxanda, adamlıqdan çıxmayanlar

quracaqlar gələcəyi.

Öz dərdimizi

dərdlərin ən böyüyü saymamağı öyrənəndə,

sevəcəyik məmləkətin ahılını da, uşağını da.

Göyqurşağına da göz vura biləcəyik.

Gəlsin, yaxına gəlsin,

ölkənin ən ürəkdən güləni, ən gözü sulusu,

ən sısqası, ən bazburutlusu,

görək kim bilir, kimin qazanında nə bişir -

Ətmi, dərdmi ?

Bilirəm, göydələnlər daxmalara,

ciplər sedanlara yuxarıdan aşağı baxır;

bilirəm, bəzən hara qaçırsan qaç,

bütün küçələr eyni yerə çıxır,

amma səbrin kölgəsinə sığınıb

öz işini görənlər olmasa,

İnanın, inanmazdım...

Füzuli meydanı

Hava küləklidir. Pişiklər skamyanın altında büzüşüblər.

Əlləri ciblərində bir kişi gəzişir, gün batacaq bir azdan.

Tələsən sürücülərin əsəbləri siqnal səsiylə yayılır küçəyə.

Bahar gediş biletini alıb, kafelərin köçü başlayıb çöldən içə.

Keçidlə üzbəüz köşkdən siqaret istəyirəm, satıcı çərənləyir:

“penal yox idi, “sudya”nı alıb, oyunu satıblar...”

Siqaretim gecikir.

“Beş qazan”ın qabağında bir qız büdrəyib yıxılır, tarappp!

Bir oğlan əyilib qolundan tutur,

qız ağlamsınan kimi olur,

siqaretim gəlib çıxır. Bir tüstü... başım hərlənir.

Qız üst-başını çırpır, başını yelləyir,

oğlan hələ oralardadı.

Yaxşı olar.

Pişiklərin sığındığı skamyada otururam.

Sellofan bir torba uçuşur göydə, qaş qaralır.

Yaddaşımın təsbehini çevirirəm : boşluq oğlu boşluq.

Gözlərinin yağmura qohumluğu çatan bir qız əyləşir yanımda,

sırğalarının səsi adamı ibadətə çağıran bir qız.

Yağış başlaya kaş, çətir olardım. Belə-belə işlər...

Adqoydu

Hər adamın bir ümidi olmalı

əl-ayaq çəkilən kimi içinə düşən,

gözlərini parıldadan bir ümidi.

Üzümüzü güzgülərə borc verəndə

utanmadığımız günlər naminə...

Hər günün bir adı olmalı

rəhmətlik Dünəndən də,

can üstəki İndidən də başqa bir ad.

Dünəni özünüz bilərsiniz,

Sabahın adı Yaşamaq olsunmu ?

Kayfarikin şeiri

Adamlar ölürlər, vallah ölürlər.

Sən də başlamısan bağ belə, bostan belə...

Maşınlar küləkləri ötə bilmirsə, Axilles tısbağanı,

sən ha denən ki, milli-mənəvi dəyərlərimiz uğrunda

gecə-gündüz çalışmalıyıq, nə bilim

bitməlidi dünyanın bizə qarşı qurduğu oyun.

Başımı ütüləmə, işığı söndür, soyun !

FM

Səhər avtobus sürücülərinin,

axşam dinləyicilərin xahişiylə

səslənən mahnıların

sədası altında dən düşür saçımıza.

Gözlərimiz həvəskar çəkilişlərdə

bir-iki babat kadr tutursa, ömürdü də...

Dəqiqəbaşı ətəyini dartıb aşağı çəkməsə,

kimsənin eyninə olmayacaq bir qadın

hər dayanacaqda bir-iki “of” eləyir.

Heç kim incimir,

amma elə bil öz mövcudluğu özünün xətrinə dəyir.

Narahatdı. Narahatıq. Narahatdılar.

İstidir, hamı tərlidi.

Ən çox baxışları bir-birinə sataşanlar tərləyiblər.

Gözlərimiz yolları əzbərləyiblər...

Bir qız minir avtobusa, dalınca bir oğlan.

Yox, oğlan minmir, dürtülür.

Par-par yanan ayaqqabısı qapıya sürtülür,

əyilir dəsmal çıxarır, başlayır, nə başlayır...

Qız göy köynək geyinib, açıq mavi cins.

Çantası qəhvəyidi, çəkmələri də.

Balaca məmələrini böyük göstərmək üçün

yekə büstqalter taxıb.

Saçları qabaqdan səliqəlidi,

arxadan dağınıq, yəqin tələsib, darıxıb...

Oğlan ayaqqabısını təmizləyib qurtarır,

telefonunu çıxarır.

Üzü tüklüdü, görünür

göy köynək qızın məmələri kimi böyümək arzusu var.

Fikrimin kulisində almandilli filmlər çəkirəm.

Dinləyicilərin xahişi ilə bir mahnı başlayır:

“Sən yoluna, mən yoluma...”

Düşməliyəm, işə gecikirəm.

news-inner-user
Qismət

182 məqalə

Oxşar xəbərlər

Xəbər lenti

Azərbaycanlı alimin kitabı Avropa dillərində nəşr olunacaq
18:37 09 İyul 2020
Uşaqlar üçün tamaşa
17:56 09 İyul 2020
Təranə Vahidin Türkiyədə çap olunan hekayəsi: "Durna adam"
17:15 09 İyul 2020
Qızını ərə verən atanın ölümü
16:26 09 İyul 2020
İspaniyada Haqverdiyevə həsr olunmuş poçt markaları buraxıldı
15:47 09 İyul 2020
Mikayıl Müşfiq qadına görə öldürülüb - İddia
15:08 09 İyul 2020
Məşhur sənətçi prezidentliyə namizəd olacaq
14:19 09 İyul 2020
Yaltaqlıq ən perspektivli valyutadır - Qorxmaz Quliyev yazır...
13:30 09 İyul 2020
Uşaq təbəssümü
12:53 09 İyul 2020
Qorxu və təşviş insanı necə formalaşdırır? – Nazlı Əmirova ekzistensializmdən yazır...
12:30 09 İyul 2020
Bəhram Bağırzadənin həyat yoldaşı: "Hələ danışa bilmir"
11:48 09 İyul 2020
Cinsi yanğısını Facebookda söyüşlə soyudanlar
11:19 09 İyul 2020
Son 200 ilin ən yaxşı qəzəli – Mətn
10:46 09 İyul 2020
Elton Conun şərəfinə sikkə hazırlandı
10:09 09 İyul 2020
Sovet ordusunda üsyan edib almanlar tərəfə keçən azərbaycanlı - Amerikadan yazırlar...
09:01 09 İyul 2020
Moskvada teatrlar avqustun 1-dən açılır
18:54 08 İyul 2020
Uşaq tabutunda basdırılan kişi - Günel Natiqdən yeni hekayə
18:22 08 İyul 2020
Son 10 ilin ən yaxşı qorxu filmləri - Siyahı
17:49 08 İyul 2020
Venesiya Film Festivalı əvvəlki qaydada keçiriləcək
17:10 08 İyul 2020
Qarabağda “iki” alıb, sinifdə qaldığım Vətən - Ramiz Qusarçaylıdan şeirlər...
16:23 08 İyul 2020