writer1

Sevda Sultanova

Məqalə sayı

860
clock08:15 calendar-gray 14 Oktyabr 2013 view-gray1886 dəfə oxunub
view-gray1886 dəfə oxunub

Azərbaycanlının tamaşaçı mədəniyyəti

Vudi Allenin “Jasmin” filmindən qeydlər

Eleqant, cazibədar Jasminin günlərin birində bəxt qapısı bağlanır. Varlı əri iflasa uğrayır, həbsxanada özünü asır. Jasmin qlamur, parıltılı həyatdan qəfil boşluğun və heçliyin içinə düşür. Kolleci yarımçıq buraxıb tələsik ərə getdiyinə peşmanlıq keçirir. O, hər şeyi sıfırdan başlamaq niyyətindədir. Amma həmişə həyatın zahiri parıltısını sevən Jasmin yenə də görməli olduğu həqiqətdən yan ötür.

Allenin bu tragikomik personajı bir az da azərbaycanlı tamaşaçıya oxşayr...

***

Azərbaycanda dünya standartlarına uyğun alış-veriş mərkəzləri bundan sonra da tikiləcək.

Azərbaycanlı 4-5 mərtəbəli ticarət mərkəzlərindən alış-veriş edəcək.

Məsələn, “Chanel”-dən jaket, “Fendi”-dən çanta, “Prada”-dan ayaqqabı, “Christian Dior”dan ətir alacaq.

Böyük binanı ayaqdan salandan sonra xudmani kafelərdən birində yumşaq oturacaqda yerini rahatlayıb ayağını ayağının üstünə aşıracaq.

Snob görkəm alıb, amerikan qəhvəsi sifariş verəcək.

Sonra yuxarı mərtəbədə yerləşən kitab dükanında gəzişəcək, belletristikadan tutmuş ən ağır fəlsəfi əsərlərə kimi müxtəlif kitabları vərəqləyəcək.

Məsələn, Sartrın “Sözlər”ini alacaq.

Bəlkə də ingiliscə “Möhtəşəm Qetsbi”ni.

Bir sözlə, çox şeyi mənimsəyəcək.

Amma onun tamaşaçı mədəniyyəti hələ uzun illər olmayacaq.

Azərbaycanlı fərqinə varmır ki, kinoteatrda seansa nəinki on, heç beş, bir dəqiqə belə gecikmək olmaz.

Hələ üstəlik, bu, məsələn, hansısa kütləvi yox, intellektual kinonun ustalarından biri Vudi Allenin filmidirsə.

Və ustadların filmlərindən ilk dəqiqələri qaçırmaq ona yarımçıq baxmısan deməkdir.

O, düşünmür ki, vaxtsız gəlişi ilə başqa tamaşaçıları qıcıqlandırır, narahat edir.

Azərbaycanlı dərk eləmir ki, filmə baxmaq susmaq zamanıdır.

Onun vecinə də deyil ki, ucadan danışmaqla, hırıldamaqla digər tamaşaçıların diqqətini yayındıra bilər.

Azərbaycanlı tamaşaçı hələ də dərk eləməyib ki, kiçik yaşlı uşaqları, dəxilsiz, onların yaşına-başına uyğun olmayan filmlərə aparmaq olmaz.

Üstəlik də axşam saatlarında...

Azərbaycanlı tamaşaçı seans zamanı hələ də mobil telefonunu söndürmür.

Və ümumiyyətlə, o, kinoteatra necə bir filmə gəldiyinin fərqində deyil. O, hələ bilmir, ona nə lazımdır: psixoloji dram, komediya, fantastika, dəhşət yoxsa melodram.

***

Aha, bu da filmin finalı. Skamyada tək-tənha oturan, reallığa yox, məchulluğa baxan Jasmin davranışları ilə artıq hamını təngə gətirib. O, öz-özünə nəsə çərənləyir. Gerçəklik isə ondan çox uzaqdadır.

REKLAM

Yazarın digər yazıları

Xəbər lenti

Tanınmış aktrisa vəfat etdi
17:44 13 May 2021
Amerikalı rəssamın əsəri 93 milyon dollara satıldı - Foto
15:46 13 May 2021
İnsanın təkbaşına xoşbəxt olması utanılası bir işdir - Kamyudan unudulmaz aforizmlər
14:28 13 May 2021
Nizamiyə həsr olunan beynəlxalq konfransa tezis qəbulu davam edir
13:46 13 May 2021
Yəhudi yazıçının kitabını yandırmaq üçün alanlar - Ayxan Ayvaz yazır...
12:30 13 May 2021
Rafiq Tağının üçcildliyi nəşr olundu - Foto
11:25 13 May 2021
"Xarıbülbül" festivalının qala konserti olacaq
10:31 13 May 2021
Bu da bu cür həyatdır – Elçinin hekayəsi
09:29 13 May 2021
“Azərbaycan–ispan danışıq kitabçası” çap olunub
18:18 12 May 2021
Azərbaycan bəstəkarlarının əsərlərinin toplusu Şuşada təqdim olundu - Foto
17:41 12 May 2021
Şuşada "Xarıbülbül" festivalı
15:00 12 May 2021
Mənim Tanrım gözəllikdir, sevgidir - Hüseyn Cavidin şeirləri
14:24 12 May 2021
Ağadadaş Ağayev əməliyyat öncəsi fotosunu yaydı
13:09 12 May 2021
30 ilin ən gözəl müjdəsi
12:04 12 May 2021
Tanınmış aktyor vəfat etdi
12:00 12 May 2021
Bu gün Şuşada «Xarıbülbül» müsiqi festivalı başlayır
10:12 12 May 2021
İrəvandan yük maşınında qaçan, özündən 24 yaş böyük direktorla evlənən, İran şahının sevimlisi olan Xalq artisti
09:03 12 May 2021
Sonsuz - Şərif Ağayarın hekayəsi
17:00 11 May 2021
Filmimiz Braziliyada beynəlxalq festivalda sertifikata layiq görülüb
15:50 11 May 2021
Soljenitsının Nobel almasının gizlinləri
14:45 11 May 2021