writer1

Şərif Ağayar

Məqalə sayı

521
clock12:26 calendar-gray 07 Oktyabr 2013 view-gray5977 dəfə oxunub
view-gray5977 dəfə oxunub

Günelin nəyi var ki, satsın?!

Keçmiş xalq yazıçısı, indiki “vətən xaini” Əkrəm Əylislidən sonra daha bir istedadlı yazar sosial şəbəkələrdə, müxtəlif sayt və bloqlarda fəallıq göstərən millətçilərin hədəfindədir. Bu olay bir daha sübut etdi ki, ədəbiyyat böyük silahdır. Yazıçı böyük gücdür. Onun adi bir cümləsi, adi bir jesti bütün ölkəni, bütün ictimaiyyəti ayağa qaldırmaq iqtidarındadır.

Xüsusən o yazıçı azaddırsa, kiməsə yaltaqlanmrsa... Əqidəlidirsə, dürüstdürsə... Bunu birdəfəlik anlamaq lazım! Günel Mövludu xeyli müddətdir tanıyıram. Səhv etmirəmsə o, mətbuata yenicə gələn vaxtı bir yerdə işləmişik. İlk yazılarının, müsahibə və reportajlarının, şeir və hekayələrinin ilk oxucularından biri də mən olmuşam.

İndi Güneli öz aləmində asıb-kəsən “vətənpərvərlərin” də ədəbi gücünə, yazı qabiliyyətinə bələdəm. Heyrətamiz mənzərədir! Niyə bu məmləkətdə həmişə istedadlı adamlar hərzəvü-hədyanlara tuş gəlir həmişə? Niyə bu camaat ona nömrə gələn, başına yüz oyun açan adamlara daha çox inanır? Günel Mövlud hara müsahibə verib, nə deyib, bu onun öz işidir. Mən kifayət qədər ağıllı və istedadlı bir qələm adamının beyninin içinə girib onun düşüncəsini dəyişmək kimi əbləh bir cəhddə bulunmaq istəmirəm, təbii ki...

Eyni zamanda bu yazım onun fikirlərinə haqq qazandırmaq üçün də deyil. Məni rəncidə edən, özündən dəfələrlə qabiliyyətli olan bir adama ətrafdakıların faşist münasibətidir. Biz hansı əsrdə yaşayırıq? Yazıçını fərqli düşündüyünə görə linç edərlərmi? Doğrudanmı düşünürsünüz ki, bu məmləkətin cəmi bəlalarının baiskarı Əkrəm Əylisli və Günel Mövluddur?!

Həqiqətənmi, bu ağılda olan adamlar var? Heyrət edirəm, inanın! Adi bir serjantdan qorxan, millət vəkillərinin qarşısında quyruq bulayan, haqqı tapdananda susan adamlar yazıçının üstünə elə xoruzlanırlar ki, əlin üzündə qalır. Bütün məğlubiyyətlərin və məhrumiyyətlərin heyfini ondan almağa çalışırlar. Bu nə düşüncədir, yahuu?!

A qardaş, mən millətçi deyiləm! Zordu?! Mən müharibə istəmirəm! Ölmək, öldürmək istəmirəm! Mənim əqidəmə görə xalqlar və millətlər biri-biri ilə düşmən olmur heç zaman. Bunu Hüqo da, Dostoyevski də, Tolstoy da, Maksim Qorki də, Orhan Pamuk da, Mirzə Cəlil də, Cəfər Cabbarlı da, Üzeyir Hacıbəyov da, Anar da deyib dönə-dönə! Ədəbiyyat ayrı, müharibə ayrı!

...Tiflisdən hansısa bir yazıçının dilindən erməni xalqını söymək istəyirsinizsə, bu gülməlidir. Dünyanın başbilənləri baxıb düşünməzmi ki, yazıçısı belə danışan məmləkətin, hərbçisi körpələri bələkdə doğrayar! Bu bizim ziyanımıza işləməzmi, ey aqressiv həmvətənlər? Erməni şovinistləri bunu arzulamırmı?

Demirmi ki, vəhşi tatarlarla bir ölkədə yaşamaq mümkünsüzdür?! Adam bir az ağıllı olmazmı? Günel Mövludun əlində nə var ki, onu satsın? Adamın bir kəndi vardı, onu da satanlar satdı. Məntiqiniz olsun. Axı, siz qələm adamlarısınız.

REKLAM

Yazarın digər yazıları

Xəbər lenti

Erotik rola çəkilmiş 5 Azərbaycan aktrisası - Fotolar
12:08 08 İyul 2020
Türkiyəli aktrisa vəfat etdi
12:01 08 İyul 2020
Bu, Allaha qarşı küfrdür – Gənc şair həmkarını tənqid etdi
11:20 08 İyul 2020
“Üzüklərin hökmdarı” geri qayıdır
10:47 08 İyul 2020
Elzanın yeni şəkli müzakirəyə səbəb oldu - Foto
10:12 08 İyul 2020
Kitabxana maraqlı layihəyə başlayır
09:30 08 İyul 2020
Qafqazın ətəklərində karantin axşamları - Bircə atasının ölümündən yazır...
09:00 08 İyul 2020
“Çəkməli pişik” onlayn göstəriləcək
18:44 07 İyul 2020
Əfsanəvi musiqiçi vəfat etdi
18:09 07 İyul 2020
Bizim üçün qızılgül – Cavanşir Yusifli yazır...
17:30 07 İyul 2020
Bred Pitt yeni filmə çəkilir
16:48 07 İyul 2020
Filmdəki "Kəndimiz" mahnısının ifaçısı dünyasını dəyişdi
16:06 07 İyul 2020
Seymur Baycanın yazısı məşhur türk saytında yayımlandı
15:24 07 İyul 2020
"İmkanlı adamların milli qeyrəti olmalıdır" - Yazıçılar ermənilərin festivala gedən filmindən danışdı
14:45 07 İyul 2020
Tbilisidə Azərbaycan muzeyləri açıldı
14:02 07 İyul 2020
“Qəhrəmanım sənsən” - Natiq Məmmədlinin yeni kitabı çap olundu
13:19 07 İyul 2020
Bakıya yayılan üfunət nəyin mesajıdır?
12:28 07 İyul 2020
Atasını vuranı bağışladı, ölümünə dostu bais oldu, öləcəyini internetdən öyrəndi - Ələkbər əminin kədərli həyatı
11:42 07 İyul 2020
Kür çayını kim xilas edəcək?
11:06 07 İyul 2020
Dindarlar bu şeirə görə gənc şairi hədələyirlər
10:30 07 İyul 2020