writer1

Mirmehdi Ağaoğlu

Məqalə sayı

574
clock11:34 calendar-gray 07 Oktyabr 2013 view-gray3800 dəfə oxunub
view-gray3800 dəfə oxunub

Bu ac uşağı hamınız tanıyırsız

Məncə dünyanın ən maraqlı peşəsi orakulluqdu, öncəgörənlərin peşəsi.

Körpə uşağa baxıb onun taleyini əvvəlcədən görmək.

Necə də maraqlı və dəhşətlidi.

Təsəvvür edin, bir uşağın o gülərüz, xoşbəxt çöhrəsinə baxıb onu gələcəkdə gözləyəcək, ağrıları, acıları, dəhşətləri, həyatından keçəcək faciələri, eyni zamanda uğurlarını, xoşbəxt anlarını, ulduzunun parlayan dəqiqələrini görə bilmək.

Kimin ömrünün yarıda qırılacağını, kiminsə 90 yaşında nəvə-nəticələrinin əhatəsində ölməyini görmək.

Kimininsə taleyinə qanlı müharibələrin, dəhşətli fəlakətlərin düşəcəyini, kiminin ordan çıxıb-çıxmayacağını bilmək.

Bunları bilmək əlbəttə dəhşətdir.

Qarşındakı beş yaşlı körpənin fəlakətini öncədən görürsən.

İnsan olan buna dayanarmı? Ürəyi parçalanmazmı?

Yəqin elə buna görə də öncəgörənlər tarix boyu təqib olunublar. İnsan bu qaranlıq gələcəyi görmək istəməyib. İnsanın hansı acılardan keçəcəyini bilmək ona o acıları yaşamaqdan daha betər olardı. Mənim bildiyim qədəri ilə heç bir orakul da insan taleyini əvvəldən hər bir xırda detalına qədər bilməz.

Elə buna görə də o insanlığın ən maraqlı peşəsi ola bilmir.

İnsana qeybi görmək bacarığı verilməyib. Və ya insan hələ bu qabiliyyəti tam mənimsəməyib.

Elə buna görə də bizim sadəcə insan ömrünə sondan əvvəlinə baxmaq şansım olur. Onda biz orakul yox, bioqraf oluruq.

Amma gəlin, bu dəfə öncəgörən olaq.

Və bələkdə mışıl-mışıl yatan bu körpənin taleyinə baxaq.

***

Doqquz yaşına qədər çox xoşbəxt bir taleyi olacaq.

Doqquz yaşında atasını həbs edəcəklər. Bununla da uşaqlığı bitəcək.

O hələ neçə il atasının aparılarkən sonuncu dəfə burulub gözdən itdiyi tinə baxacaq pəncərədən və atasının o tində görünməsini arzulayacaq.

Bundan sonra onu yarıac-yarıtox bir tale gözləyəcək.

Talelərinə sürgün olunmaq qorxusu yazılacaq.

Anası ondan başqa dörd bacı-qardaşını dolandırmaq üçün gecəsini gündüzünə qatıb çalışacaq.

Qapılarını heç bir qohumu açmayacaq.

Anasının işlədiyi təşkilatın bufetçisi hallarına acıyıb onlara işə gəlməyənlərin pirojkilərini yollayacaq.

Hələ bir müddət o pirojkilərin hesabına böyüyəcək.

13 yaşında ölkəsini bürüyən müharibə onun da taleyindən yan keçməyəcək.

Günlərlə yarıac-yarıtox qalacaq.

Məcbur qalıb məktəbi buraxacaq. Bir il məktəbə getməyəcək. İşləyib ailəsinə yardım edəcək.

Onlar evlərində ac yatanda yaxınlıqdakı çörəkbişirmə zavodundan gələn bişmiş çörək ətri hələ neçə gecə onun və qardaş-bacılarının ac yuxularına haram qatacaq.

İnstituta sənəd verəndə atasına görə qəbul etməyəcəklər.

Amma şans üzünə güləcək. Başqa bir institutun rektoru rəhmdil çıxacaq. Xalq düşmənin oğlunu instituta qəbul edəcək.

Bundan sonra şans onun üzünə hələ çox güləcək.

Təhsilini uğurla başa vuracaq.

İstedadı və zəhməti hesabına şöhrəti hər yerə yayılacaq.

Böyük-böyük təşkilatlara rəhbərlik edəcək.

Saysız mükafatlar alacaq.

Şöhrəti dünyanı bürüyəcək.

Çox uzun və şöhrətli bir ömür yaşayacaq.

Ömrünə məşəqqətləri və xoşbəxtlikləri sığdıracaq.

Bütün bu ağrılı-acılı və ulduzlu, xoşbəxt ömür onun olacaq.

Sözlərimdən əmin olun!

P.S. Bu uşaq Tahir Salahov idi.

P.P.S. Bu yazı Xalq Rəssamı Tahir Salahovun 2003-cü ildə “El” jurnalında çap edilmiş müsahibəsindən təsirlənərək yazılmışdır. Müsahibəni oxuyanda adam inan bilmir ki, bir insanın taleyində bu qədər ağrı-acı ola-ola böyüyə, şöhrət qazana bilər. Bu Tahir Salahovun iradəsi deyildi, bu insan iradəsidi, bizi hər odun-alovun içində mətanətlə çıxaran insan iradəsi.

REKLAM

Yazarın digər yazıları

Xəbər lenti

Eldar Quliyev "İstiqlal" ordeni ilə təltif olunub
15:16 24 Yanvar 2021
İlbzlərin sevişməsindən həzz alan kişi
11:32 24 Yanvar 2021
Kamal Abdullanın romanı Almaniyada çap olunub
17:38 23 Yanvar 2021
Xudu Məmmədov Zəlimxan Yaquba onunla bağlı hansı sirri açdı? – Xatirə
16:30 23 Yanvar 2021
Aydın Kazımzadənin yeni kitabı işıq üzü gördü
15:30 23 Yanvar 2021
"Qaltan dərəsi" adlanan ərazidən tunc dövrünə aid tarixi abidələr tapılıb - Fotolar
14:20 23 Yanvar 2021
Yağışın xatırlatdığı qız – Eyvaz Əlləzoğlunun hekayəsi
13:31 23 Yanvar 2021
Cangüdəni və köməkçisi əfsanəvi modelyer haqqında kitab yazdı
12:23 23 Yanvar 2021
Pərakəndəlik Nizami ilinə heç nə verməyəcək - Filoloq yazır
11:01 23 Yanvar 2021
Xalq artisti TƏBİB-ə müraciət etdi: "Bu vəziyyət peşəkarların itkisinə aparır"
10:36 23 Yanvar 2021
Nazirlik qələbəmizlə bağlı film müsabiqəsi elan etdi
10:17 23 Yanvar 2021
Fuad Poladov: “Başımı qırxıb məni Sumqayıta göndərdilər” – Müsahibə
09:00 23 Yanvar 2021
“Qətibə İnanc” tamaşası nümayiş olunacaq
18:55 22 Yanvar 2021
Məşhur aparıcılar AzTV-də "ər-arvad" oldu - Foto
18:16 22 Yanvar 2021
Nizami Gəncəviyə həsr olunmuş sərgi açılıb
17:35 22 Yanvar 2021
Hayl Hitler! - Qısa hekayə
16:55 22 Yanvar 2021
Zəfər Muzeyi harda olacaq? - Rəsmi açıqlama
16:23 22 Yanvar 2021
Bakıda Fransa filmləri festivalı başladı
15:55 22 Yanvar 2021
Birinci yerə layiq görülən yazar: “Bizdə müsabiqələr hamının könlünü almağa hesablanır” – Müsahibə
15:18 22 Yanvar 2021
Məşhur aktrisa vəfat etdi
14:37 22 Yanvar 2021