writer1

Şərif Ağayar

Məqalə sayı

541
clock13:59 calendar-gray 16 Sentyabr 2013 view-gray2489 dəfə oxunub
view-gray2489 dəfə oxunub

Nigar Köçərli özünü ifşa etdi

Şərif Ağayar yazır...

“Əli və Nino” mağazalar şəbəkəsinin rəhbəri Nigar Köçərli ilə məlum mübahisəmizdən sonra kitab əməlli-başlı gündəmə gəldi. Əlbəttə, buna sevinməmək olmur və gəlin açığını deyək, Nigar xanımın adı hardan keçirsə orda kitab mövzusu da var. Dəxli yoxdur, hansı kitabdan və kimdən söhbət gedir. Dünyada elə bir kitab tapmaq mümkün deyil ki, ordan nəsə öyrənməyəsən. Bu mənada məlum debatımızı kifayət qədər əhəmiyyətli hesab edirəm. Eyni zamanda bir sıra məqamlara aydınlıq gətirmək məcburiyyətindəyəm...

Məlumat üçün bildirim ki, söhbət vaxtı “Azərbaycan yazıçıları yaxşı yaza bilmədikləri üçün kitabları satılmır” ittihamı ilə çıxış edən Nigar Köçərli telefonda, mən isə studiyada idim və onu çox pis eşidirdim. Xanımın bir çox iddialarını sonradan saytda gördüm. Bundan əlavə, mətbuatda və sosial şəbəkələrdə məni qınayanlar oldu ki, bəs haqlı olduğun halda Nigar Köçərliyə layiqli cavab verə bilmədin.

Belə deyil!

Kitaba yalnız bazar prinsipləri ilə dəyər verən və Azərbaycan ədəbiyyatına yaxşı bələd olmayan xanıma aşağıdakı iki cümlə yetərli idi ki, mən də onları söylədim:

  1. Kitab yalnız əmtəə deyil.

  1. Siz Azərbaycan ədəbiyyatını yaxşı bilmirsiniz.

Başqa nə etməli idim. Hər halda kifayət qədər mədəni bir xanıma, eyni zamanda xətrini çox istədiyim bir insana başqa nə deməli idim? Doğrudur o, mənə istehza etdi. Xüsusilə də, Xalid Hüseyni və “Qanun” nəşriyyatı ilə monopoliya məsələsində... Etdi, etdi də, nə demək olar? Mən efirdə Saday Budaqlının və Səfər Alışarlının kim olduğunu Nigar Köçərliyə başa salası deyildim ki!

Bir də unutmayın, dəyərli dostlar!

Onun qarşısında ədəbi mühitdə kifayət qədər tanınmasına baxmayaraq kitabları min tirajdan artıq çap olunmayan bir yazıçı – yəni bəndəniz oturmuşdu və bu məsələdə dilim gödək idi. Yaxşı yazırsan, niyə oxumurlar səni? Bu sual təkcə mənə deyil, bütün ədəbi mühitə verilmişdi və yaxşı olar ki, məni qınamaq əvəzinə özünüz bu suala cavab verəsiniz.

Bəli, Azərbaycanda ciddi müəlliflər oxunmur. Nigar xanım bu məsələdə haqlıdır. Ancaq problemin səbəblərinə gələndə o, kökündən səhv edir. Hətta özünü ifşa edir. Axı o, kifayət qədər ağıllı xanımdır. Yaxşı bilmədiyi bir ədəbi dünyanı Çingiz Abdullayev - Elxan Elatlı – Qaraqan məntiqi ilə yarğılamaq nə dərəcədə doğrudur? Şəhərin ən böyük kitab mağazası şəbəkəsinin rəhbəri bəlkə ciddi müəlliflərlə daha yumşaq rəftar etməlidir. Onsuz da 500-1000 tirajla kitab çap edən yazar oxunmadığını, geniş kütlə içində maraq doğurmadığını bilir. Yaxşı, olsun ki, yaza bilmir, amma Nigar Köçərlinin “yaza bilənlər” kimi misal gətirdiyi müəlliflər onun iddialarının gülünc olduğunu göstərir.

Hər halda mən o qədər məntiqsiz deyiləm ki, hansısa bir rejimin əleyhinə getməyi ədəbiyyatın başlıca şərti hesab edəm. Azərbaycanda kifayət qədər radikal mövqe göstərən, hətta mühacir həyatı yaşayan yazıçılar var. Ancaq bu, sənətkar olmaq üçün yetərli deyil. Yazmağa ilk növbədə istedad lazımdır. Necə ki, Xalid Hüseynidə var. Sadəcə mənim deməyim odur ki, yazıçının düşdüyü mühitdən çox şey asılıdır. Xalid Hüseyni Amerikada yaşamasaydı, Əfqanıstanda qalsaydı təbii ki, indiki qədər populyar olmayacaqdı. Bəlkə də heç yazmağa cəsarəti çatmayacaqdı. Və ya onu rahatlıqla məhv edəcəkdilər.

Avropa və Amerikanın ədəbiyyat məkanına çıxmaq imkanı olan qələm adamları ilə yaşamağa evi belə olmayan azərbaycanlı yazıçını müqayisə etmək yalnız problemlərdən xəbərsiz biznesmenlərin ağlına gələ bilər. Ədəbiyyat cəmiyyətdən qopmuş, əlahiddə bir sahə deyil. Ədəbiyyat cəmiyyətin aynasıdır. Yaşadığın cəmiyyət hansı səviyyədədirsə, yaratdığın ədəbiyyat da o səviyyədə olacaq.

Paolo Koelyonun milyonlarına həsəd apararaq ədəbiyyat yaratmaq olmaz. Ədəbiyyatda Borxesin kor gözləri o milyonlardan daha qiymətlidir.

Ədəbiyyat birinci könül işidir, ikinci ağıl və zəka!

Yaxşı olar ki, bu ilahi nemətlərin gücündən ərsəyə gələn əsəri elə yazasan ki, geniş oxucu kütləsinin marağına səbəb olsun.

Ancaq, kitabı pul qazanmaq üçün yazırsansa, artıq bu, mən başa düşdüyüm ədəbiyyat deyildir.

Olsun ki, səhv edirəm.

O ki, qaldı, kitabın hansı rəfdə yerləşdirilməsi məsələsinə... Bu, “Əli və Nino” ilə “Qanun” nəşriyyatının yaratdığı monopoliyaya bir işarə idi. Guya mən bilmirəm ki, maraqsız kitabı satıcının yaxasından assan da satılmayacaq...

Məzəniz olsun!

REKLAM

Yazarın digər yazıları

Xəbər lenti

Dayısı oğlu onu zorladı, bacısı ilə sevgili oldu, özünü göldə boğdu...
21:00 25 Yanvar 2021
Venesiya karnavalı ilk dəfə onlayn formatda keçiriləcək
19:03 25 Yanvar 2021
Şuşa Teatrı haqqında film çəkildi
18:38 25 Yanvar 2021
Brilliant, Faiq, Aygün, Röya... - Onları belə görmədiniz
17:47 25 Yanvar 2021
Gecə qəfil evimə gələn qaradərili oğlan – Azər Əhmədovun qısa hekayələri
17:11 25 Yanvar 2021
Afaq Məsud Meksika səfiri ilə görüşdü
16:47 25 Yanvar 2021
Azərbaycanlı bəstəkar haqqında kitab çap edildi
16:33 25 Yanvar 2021
Dövlət varidatı elan olunmuş əsərlərdən istifadəyə görə qonorardan istifadə qaydası
15:55 25 Yanvar 2021
Atamın Qarabağda qalan əlləri – Hekayə
15:17 25 Yanvar 2021
Aygün Kazımovanı arxada qoydu, vərəmə tutuldu, 31 yaşında Amerikada güllələndi – Azərbaycanlı müğənninin faciəvi həyatı
14:37 25 Yanvar 2021
Beynəlxalq ədəbiyyat mükafatının qalibi bəlli oldu
13:58 25 Yanvar 2021
Türk aktyor evində ölü tapıldı
13:15 25 Yanvar 2021
2020-ci ildə Azərbaycanda ən çox satılan 10 kitab - Siyahı
12:34 25 Yanvar 2021
“Netflix”də çəkilən ilk aktrisamız: “Çox yaxşı qonorar verdilər” – Müsahibə
12:05 25 Yanvar 2021
Peyvənd qorxusu, toy dərdi və öldürülən yeganə azərbaycanlı
11:14 25 Yanvar 2021
Tanınmış ssenarist vəfat etdi
10:44 25 Yanvar 2021
Ağalar Qut Sabiri tənqid erəkən... - Təbrizdən yazırlar
10:15 25 Yanvar 2021
Muzeylər açıldı
09:35 25 Yanvar 2021
Günel Mövludun ən böyük nöqsanı – Cavid Ramazanov “Düşərgə”dən yazır...
09:03 25 Yanvar 2021
Eldar Quliyev "İstiqlal" ordeni ilə təltif olunub
15:16 24 Yanvar 2021