writer1

Cəlil Cavanşir

Məqalə sayı

294
clock12:43 calendar-gray 11 Sentyabr 2013 view-gray886 dəfə oxunub
view-gray886 dəfə oxunub

Sözlü adam

Bu günlərdə şair Saday Şəkərlinin “Lənətlənmiş cənnət” kitabını oxudum.

Etiraf edim ki, çoxları kimi mənim də şeir oxumağa, xüsusən də şeir kitabı oxumağa hövsələm çatmır.

Amma bu dəfə elə olmadı.

“Lənətlənmiş cənnət”in cazibəsindən çıxa bilmədim.

Kitabı birinci şeirdən sonuncu şeirə qədər səbirlə, dadını çıxara-çıxara oxudum.

Çox dəbdə olan bir fikir var: “Şeir ölüb”.

Bəlkə də bu fikri müdafiə edənlər haqlıdır.

Çünki şeir kitabları satılmır, oxunmur, səs-küy yaratmır.

Sıravi oxucu ən yaxşı halda iki-üç şairdən misal çəkə bilir.

“Şeir kitabları oxunmur” deyənlər haqlıdır.

Axı şeir “ən azlar” üçündür.

Şeirin kütləvi olması normal deyil, məncə.

Şeiri bir az da kərpic-kərpic kitablar çap etdirən, “ilham atını sağa-sola çapan” boynu qalstuklu, saçı dağınıq, ağzından sarımsaq, araq qoxusu gələn şairlər gözdən saldı.

Bu məqamda “Lənətlənmiş cənnət”dən bir neçə misra yerinə düşür:

“Ay səni, qoca şair,

Sən də saxta hacılar, şeyxlər kimi lotusan ha,

Kölgələrdə yatırsan ha,

Başını başlara qatırsan ha,

Sənin yaşında, başını yerə əyib,

Möhürə alın qoyur ağıllı adamlar...

(...)

...Yaxşı yadıma düşdü, sənə şeir yazmışdım,

Şeirim burnundan gəlsin.”

Maşallah şairdən, şeir kitablarından boluq.

Bütün ömrünü nadanlığa, axmaqlığa sərf edənlər qocalan kimi qələmə sarılır.

Evdə qalanlar, ərindən küsənlər, boşanmışlar şeir qaralayır.

Qalaq-qalaq şeir kitabları həyatımıza soxulur.

Beləliklə “şairlər” şeiri urvatdan salır.

Şeirə qarşı münasibət dəyişsə də, mənim dünyamda şeir ölməyib.

Axı şeir ölsə, sözün ruhani qatı da ölər.

Saday Şəkərlinin şeirlərini oxuyanda sevindim.

Sevindim, toxtadım ki, şeir ölməyib!

Əmin oldum ki, şeirin, sözün qeyrətini çəkənlərin nəsli hələ də tükənməyib.

Saday Şəkərli çox sadə, hamımızın danışdığı dildə amma fərqli, özünəməxsus üslubda yazır. Bəzən ənənəvi şeir üslublarında elə fikir burulğanı yaradır ki, şeirin cazibəsindən çıxmaq olmur. O hamıya tanış olan problemləri, dərdləri, gündəlik qayğıları yazır.

Oxuduqca adama elə gəlir ki, bu misraları nə vaxtsa pıçıldamısan. Hamıya doğma, məhrəm bir dildə yazır Saday Şəkərli. Fərdiliyi, özünəməxsusluğu isə şeirlərinin ötürdüyü enerjidə, işıqda, “işartıda”dır...

“Qaçar bu ölümsüz adamlar bizdən

Böcəklər yığışar işartımıza.”

“Lənətlənmiş cənnət” kitabının mövzu, üslub və forma rəngarəngliyi xüsusi qeyd olunmalıdır.

Şair həm ənənəvi şeirdə, həm də modern şeirdə kifayət qədər rahat gəzişmələr edir.

Həm ənənəvi şeirin, həm də modern şeirin imkanlarından ustalıqla yararlanır.

Saday Şəkərlinin poeziyası bitkin, kamil poeziyadır.

Lirikası kimi tənqidi, ictimai məzmunlu şeirləri də oxucunu “tərpədir”.

Müasirlərindən, “qələmdaşlarından”, ədəbiyyatdakı hərc-mərclikdən narazılığını da gizlətmir.

“Birində istedad qablar daşan təkin daşır,

Biri yaza-yaza qrafomanlaşır

Birinin adamı durub dalında, yazır,

Birinin şeirində qan azlığı var, qan azlığı,

Biri birincilik iddiasında,

Biri ədəbiyyat və əbədiyyət...”

Dilimizdə “sözlü adama oxşayırsan” ifadəsi var.

Tanıyanlar bilir ki, Saday Şəkərli də “sözlü adam”dır.

Ümumiyyətlə kitabı oxuduqca mənə elə gəldi ki, kifayət qədər sərt tənqidi fikirləri, kəskin ictimai məzmunlu şeirləri olsa da, Saday Şəkərli sözündən, şeirindən, nəfəsindən “sözlü adama oxşayır”.

Nədənsə mənə elə gəlir ki, Saday Şəkərlinin deməyə imkan, yazmağa fürsət tapmadığı “sözü” var.

Şeirlərində bir çox suallara cavab tapsam da, qələm yoldaşı kimi müəllifdən məhz o “sözü” gözləyirəm.

REKLAM

Yazarın digər yazıları

Xəbər lenti

Məşhur türk aktyoru vəfat etdi
11:20 05 Avqust 2020
Azərbaycanlı şairin şeirləri türk saytında
10:42 05 Avqust 2020
"Kobra"nın silahdaşı vəfat etdi
10:09 05 Avqust 2020
Mahnıları dillərdə dastan olan 5 Azərbaycan filmi - Video
09:01 05 Avqust 2020
Feysbuk məşhur yumor ustasının hesabını bağladı - Yəhudi düşmənçiliyinə görə
18:57 04 Avqust 2020
Məşhur romana çəkilən serialın ilk görüntüləri yayıldı - Foto
18:02 04 Avqust 2020
III Beynəlxalq Animasiya Festivalına daxil olan filmlərin siyahısı açıqlandı
16:21 04 Avqust 2020
Gözyaşardıcı qazlar elektron ağlamaqdır vətən üçün - Güneyli şairin şeirləri
15:18 04 Avqust 2020
Rənglərə aldanan uşaqlar – Cavanşir Yusifli müharibə hekayələrindən yazır...
15:14 04 Avqust 2020
Pelevinin yeni kitabı bu tarixdə nəşr olunacaq
14:28 04 Avqust 2020
Bəy qızını qaçıran, üç övladını itirən, on dörd il sürgündə qalan Xalq artisti - Səməd Vurğun onun həyatını necə xilas etdi?
13:22 04 Avqust 2020
Anar Nağılbazı kim öldürdü?
12:33 04 Avqust 2020
"YARAT" uşaqlar üçün sərgi açdı
11:50 04 Avqust 2020
Selfi çəkərkən tarixi abidəni qırdı
10:58 04 Avqust 2020
Məşhur yazıçının hekayəsinə film çəkilir
10:10 04 Avqust 2020
Ataqamdan yeni hekayə: Dişlək alma
09:00 04 Avqust 2020
Azərbaycan rəssamlarından Kazanda "Məxməri etiraflar"
17:03 03 Avqust 2020
Kim unudub məni yol ayrıcında? - Zərdüşt Şəfinin anım günü
15:58 03 Avqust 2020
Heyvanlar nə vaxtdan qurbana çevrildi? - Qurbanetmə aktının yaranması
14:53 03 Avqust 2020
Şəhid generalımız haqqında kitab nəşr edildi - Pulsuz paylanacaq
13:48 03 Avqust 2020