writer1

Səhər Əhməd

Məqalə sayı

196
clock08:30 calendar-gray 05 Avqust 2013 view-gray1617 dəfə oxunub
view-gray1617 dəfə oxunub

İt-pişiyi sevmək

Səhər Əhməd yazır

Hamı filosof ola bilməz, amma hər kəsin öz fəlsəfəsi olmalıdır. Mən dəb, ya da qeyri-ənənəvilik xatirinə, ya da elə-belə darıxdığından fikirlərini tez-tez dəyişən adamları anlamıram. Xoşladıqlarımı həmişə xoşlayır, xoşlamadıqlarımı heç vaxt xoşlamıram.

Gözəl bir ağacla yaraşıqlı bir binanın elə də fərqi yoxdur mənimçün. Bəlkə bir az mübaliğə oldu, amma dəqiq deyə bilərəm ki, ömrümdə bir ağac da əkməmişəm, dibçək güllərinə qulluq etməyi belə bacarmıram, bilmirəm onları mənim tənbəlliyim, yəni susuzluq məhv eləyir, yoxsa saymazlığım, yəni sevgisizlik.

Çiçəklərin, otların, heyvanların dilindən anlamıram. Düzünə qalarsa, bütün bunlar haqqında düşünməyə vaxt sərf edə bilmirəm, mənimçün doğma bir sifətin cizgiləri altında get-gedə qocalan uşaq ruhunu sezmək, onun yaşıl xatirəsini qoruyub-saxlamaq daha önəmlidi.

Evdə məndən başqa hamı heyvanları sevir, uşaqlar həyətdə saxlamaq üçün müxtəlif heyvan növləri tələb edirlər. İt, pisik, dovşan, göyərçin, hətta tısbağa. Uzun tərəddüddən sonra beş-altı il öncə bir siam pişiyinə razılıq verdim. Qızım pişiyi ilk dəfə qucağına alanda minnətdarlıqla mənə baxdı:

-Deməli, sən də pişikləri sevirsən.

-Yox, dedim, - sadəcə olaraq, siçanlara daha çox nifrət edirəm.

Bilirəm, bu yerdə heyvan sevgisindən moizə etmək üçün sizə yaxşi pas vermiş oldum. Amma nə deyirsiniz, deyin, mənə çatmır, dünyada sevgiyə, mərhəmətə möhtac bu qədər insan varkən it-pişiyi necə sevmək olar.

Belə bir şeirim var:

Nə baharı sevdim,

nə çiçəyi,

nə göy üzünü,

Mən adamları sevdim,

birini baharın yerinə,

birini çiçəyin,

birini göy üzünün…

“Lənət olsun içimdəki insan sevgisinə”- deməyəcəyəm. İçimdəki insan sevgisini çox sevirəm. Adamlar mənimçün oxuyub bitirmədiyim kitab kimidir, oxumağa vaxtım və həvəsim olmayanda isə mən onları uydururam.

Yaxşı bər tale uydururam onlarçün, gözəl bir xasiyyət . Və xoşbəxt bir həyat diləyirəm onlara. Vaqif Bayatlı demiş: “ Gül düzəldirəm adamlardan”.

Mənə qalarsa, bu dünyada təkcə Allahı deyil, elə adamları da bir az uydurmaq lazımdır. Axı bu lənətə gəlmiş dünyada uydurmalar həqiqət də ola bilərdi...

REKLAM

Yazarın digər yazıları

Xəbər lenti

Tanınmış müğənni şəhid baş leytenanta mahnı həsr etdi - Video
15:40 21 Yanvar 2021
Sən istə, sənin üçün batım hər günaha mən – Orxan Bahadırsoydan yeni şeirlər
15:01 21 Yanvar 2021
"Min bir gecə" Mariinski Teatrında anşlaqla nümayiş olundu - Foto
14:20 21 Yanvar 2021
Ədəbiyyat müsabiqəsinin qalibləri bəlli oldu
13:41 21 Yanvar 2021
Əsgər payına göz dikənlər
13:17 21 Yanvar 2021
Moskvada teatr və kinoteatrlar açılır
12:43 21 Yanvar 2021
O doğulmamış atası Sibirə sürgün edildi, ömrünü mənfi rollara həsr etdi, “baş yaramaz” adını qazandı – Kinomuzun “Göygöz kosa”sı
12:07 21 Yanvar 2021
Qar yağır - Günün şeiri
11:34 21 Yanvar 2021
21-ci əsrin 21-ci ilinin 21-ci günü – Bu gün nə baş verəcək?
11:03 21 Yanvar 2021
Tünzalə Ağayeva Şuşa haqqında klip çəkdirdi - Foto
10:34 21 Yanvar 2021
Azərbaycanlı rəssamın ABŞ-dakı sərgisi beynəlxalq mətbuatda
10:14 21 Yanvar 2021
Vətəni söyməyə nə var? - Aqşin Yenisey qürbətdə aşağılanmaqdan yazır...
08:58 21 Yanvar 2021
Filarmoniyada 20 Yanvar faciəsi qurbanlarının xatirəsi yad olunub
17:10 20 Yanvar 2021
Eynşteyn əsrin ixtirasına görə bu romanlara borcludur - Ən sevdiyi 5 kitab
16:20 20 Yanvar 2021
146 nəfərin bir hekayəti...
15:10 20 Yanvar 2021
Larisa adını niyə dəyişmək istəyirdi, anasının yuxusuna girib nə dedi? - 13 yaşlı şəhidimiz
14:00 20 Yanvar 2021
“Harri Potter” filminin ulduzu kinodan getdi
12:45 20 Yanvar 2021
Tanıdığım ilk şəhid
11:30 20 Yanvar 2021
Məşhur serialın aktyoru vəfat etdi
10:20 20 Yanvar 2021
Müstəqillik tarixinin ən möhtəşəm 20 Yanvarı - Şərif Ağayar yazır...
09:01 20 Yanvar 2021