writer1

Səhər Əhməd

Məqalə sayı

181
clock11:52 calendar-gray 22 İyul 2013 view-gray1107 dəfə oxunub
view-gray1107 dəfə oxunub

Ürəyimdən vur, ağrıdır axı…

Türkiyə türkcəsinə uyğunlaşdırılmış şeirlərim içərisində ən xoşuma gələn bu misralardı:

Sən də ıskalama,

On ikidən vur.

Iskalamaq hədəfi vura bilməmək, on ikidən vurmaq isə hədəfi tam mərkəzdən vurmaqdı.

Bu yerdə dilçi qanım qaynayır, az qalıram sözün leksik-semantik mənası haqda bir nitq irad edəm.

Amma “Rusdillilər və cahillər” adlı yazımdan sonra buna tövbəliyəm. Bu yazıdan sonra bir oxucu mənə eynən belə yazmışdı: “Bir əşyanın uçduğunu görüb, ona uçaq adı vermək mənasızdı, uçaq çox bəsit sözdü, təyyarə və ya samolyot daha yaxşıdı”.

Necə deyərlər, nətəhər məsləhətdi. Olsun samalyot və ya təyyarə. Uçmayaq, deyirsiz, uçmayaq.

Gerçəkdən, “uçaq” çox bəsit sözdü, heyif deyil, təyyarə?! Nə olsun ki, ahəng qanunu pozulur, ay nə bilim qoşasamitlidi, əsas odur ki, bizim bəzi çimərliyə də dikdabanla gedən qadınlarımız kimi bərli-bəzəkli görünür. O sözdə ki uzanan səs olmadı, iki sait yanaşı gəlmədi, eynicinsli qoşa samit işlənmədi, o sözü ki tələffüz edəndə dil ağız boşluğunda rəqs eləmədi, at getsin.

O vaxtdan mən öz dilçi diplomumu ortaq türkcə arzuma büküb tullamışam. “Iskalamaq” sözündən isə ədəbiyyatçı olaraq xoşum gəlir. ( Xoşbəxtlikdən bizim ixtisas iki hissəlidi, birini tullayanda o biri qalır). Çox lakonik, yığcam söz olduğuna görə.

Iskalamaq-yaşamaq deməkdi, hədəfi vurmağa cəhd eləmək, vura bilmədikcə inada dolmaq, yaxın düşüb sevinmək, uzaq düşüb məyus olmaq.

İndi Azərbaycan kinolarından sitat gətirmək geridəqalmışlıq əlaməti sayılır, lakin imicimi zərbə altında qoyub “Yeddi oğul istərəm” filmindən Cəlalın son sözlərini yada salmaq istəyirəm: “Ürəyimdən vur, Kələntər əmi, ağrıdır axı”. Yəni, ıskalama, Kələntər əmi, ağrıdır axı.

Amma nə qədər yalvarır, yalvarsın, kimsəni ürəyini nişan almağa tələsməyin, bu heç kimə sərf eləmir, nə vurana, nə vurulana.

Ağrıdan qorxmayın, ağrı həyat əlamətidir.

REKLAM

Yazarın digər yazıları

Xəbər lenti

Əməliyyatdan çıxan aktyor danışdı: “Özümü yaxşı hiss edirəm”
12:10 23 Fevral 2020
İvanın uşaqlığı - Yeni hekayə
17:02 22 Fevral 2020
Ölümündən 1 il ötdü - Kamranın şeirləri
16:11 22 Fevral 2020
Əməkdar artist ölümlə üz-üzə - Təcili pul lazımdır
15:01 22 Fevral 2020
Bakıda “Şanson gecəsi”
13:58 22 Fevral 2020
Meyxananı bayağılıqdan xilas edən 5 parça - Video
13:04 22 Fevral 2020
Azərbaycanlı rəssamın əsərləri Moskvada təqdim edildi
12:03 22 Fevral 2020
Ukrayna və Azərbaycan ulduzları eyni səhnədə
11:04 22 Fevral 2020
Reanimasiyaya yerləşdirilən əməkdar artistdən xəbər var
10:08 22 Fevral 2020
Əsərlərini qanıyla paltarlarına yazan, dili kəsilən məşhur yazıçı
09:00 22 Fevral 2020
Göydən yenən şeirlər – Şərif Ağayar yazır...
21:01 21 Fevral 2020
Bakıda yeni Ədəbiyyatşünaslıq Mərkəzi açılıb
19:30 21 Fevral 2020
Manaf Ağayev polisə çağırıldı
18:53 21 Fevral 2020
“Beş manatlıq gəlin”in premyerası olacaq
18:21 21 Fevral 2020
Kimdir güclü qadın? – Sevinc Elsevər yazır...
17:41 21 Fevral 2020
“Müfəttiş” nümayiş olunacaq
17:00 21 Fevral 2020
Tramp "Oskar" alan filmi tənqid etdi
16:21 21 Fevral 2020
Los-Ancelesdə Nəsiminin yaradıcılığına həsr olunmuş tədbir keçirilib
15:39 21 Fevral 2020
Ölümünə səbəb olduğu qızın qardaşına ərə getdi – Xalq artistindən maraqlı faktlar
14:58 21 Fevral 2020
Yaşar Bünyaddan yeni hekayələr kitabı
14:17 21 Fevral 2020