writer1

Şərif Ağayar

Məqalə sayı

550
clock11:12 calendar-gray 18 İyun 2013 view-gray1784 dəfə oxunub
view-gray1784 dəfə oxunub

Və sonra da deyirik ki, xalq bizi oxumur...

Şərqdə uşaqların da əzbər bildiyi maraqlı bir pritça var: İbrahim peyğəmbər oda atılırkən görürlər ki, bir qaranquş dimdiyində su aparıb odun üstünə atır. Gülürlər qaranquşa, bu boyda odun qarşısında sənin dimdiyindəki bir damcı su nəyə yarar?

Qaranquş deyir, bilirəm, ancaq bu hərəkətimlə yerimi bəlirləyir, şərin yanında olmadığımı ifadə edirəm.

Son illər Azərbaycanda baş verən hadisələr təkrar-təkrar bu pritçanı xəyalımda canlandırır.

Yaxşı, baş verən ölkə əhəmiyyətli hadisələrə münasibətdə “siyasətə qarışmıram” deyib yaxanı kənara çəkdin, bəs üzvü olduğun birliklərdə baş verənlərə necə?

Təsəvvür edin, Rafiq Tağı Azərbaycan Yazıçılar Birliyinin katibləri tərəfindən əməlli-başlı repressiya olunur, oradan uzaqlaşdırılır, amma Rafiq Tağıya dostam deyən, onunla qucaqlaşıb öpüşən, hətta həkim kimi xidmətlərindən yararlanan onlarla yazar (YAZAR a!) ağzına su alıb susur. İndi sizə sual verirəm, biz əslində Rafiq Tağı kimi dəyərli bir insanı məhz həmin an itirmədikmi? Doğrudur, onu müdafiə edənlər vardı, ancaq əgər lazımı səviyyədə olsaydı bəlkə də bu gün yaşayardı. İrtica və cəhalət onun arxasında dayanan gücdən ehtiyat edərdi.

Yaxud Əkrəm Əylisli... Onun mübahisəli əsərinə rəğmən AYB-nin ustad yazıçı barədə yazdığı bəyanatını oxuyanda tüklərim biz-biz durdu. İnanın “Daş yuxular”dan yüz dəfə təhlükəli idi o bəyanat. İnsana nə qədər nifrət edərlərmiş, İlahi?! Biz hansı əsrdə yaşayırıq?

Nə yazmasından asılı olmayaraq böyük bir ictimai təşkilatın yazıçıya bu cür münasibətinin adını qoymağa istedadım çatmır. Bir-iki gəncdən başqa kimin səsi çıxdı? Halbuki bu bəyanat həmin o 1600 nəfərin adından verimişdi. Nə mətbuat xidmətinin, nə katibliyin, məhz bütün üzvlərin!

Bu necə ola bilər ki, 1600 YAZARın içərisində sözü gedən bəyanata etiraz edən, onun heç olmasa bir cümləsi ilə razılaşmayan bir nəfər də olsun Allah bəndəsi yox idi! Belə laqeydlik olar? Belə qorxaqlıq olar?

Yaxşı, deyək ki, Rafiq Tağının və Əkrəm Əylislinin ortada ajiotaj yaradan, birmənalı qarşılanmayan kəskin yazıları vardı. Bəs Akif Əli necə? Bu istedadlı və ziyalı insana qarşı münasibət nə üçün kimsədə etiraz doğurmadı? O ki, təhqir hesab edilən bir cümlə də yazmamışdı?

Bütün bunlardan sonra gedirik əsər yazmağa...

Və sonra da deyirik ki, xalq bizi oxumur.

Niyə də oxusun?!

P.S. Uşaq vaxtı eşitmişdik ki, kərtənkələ İbrahim peyğəmbərin yandığı alova çör-çöp daşıyırmış. Ona görə harada kərtənkələ görürdük, o saat öldürürdük.

REKLAM

Yazarın digər yazıları

Xəbər lenti

Rüşvət alan kişilərin arvadları haqda 10 cümlə
14:45 16 İyun 2021
Nizamiyə həsr olunan müsabiqənin qalibləri bilindi
14:02 16 İyun 2021
Dayısı Rəşid Behbudov onu səhnəyə həsrət qoydu, küsüb Azərbaycandan getdi, anası ölənəcən yolunu gözlədi – Qürbətdə can verən müğənnimiz
13:11 16 İyun 2021
Tarix bizi Şuşada gözləyirdi – Aqşin Yenisey yazır...
12:39 16 İyun 2021
Vaqif İbrahimoğlunun 32 il sonra reallaşan xahişi
12:30 16 İyun 2021
Fərid Hüseyn Nizamidən mühazirə oxuyub
11:59 16 İyun 2021
Aləmi bürüyən ədəbiyyat ətri - İlham Əziz yazır...
11:30 16 İyun 2021
Seda Sayan Mehmet Ali Erbili təcavüzdə ittiham etdi
10:56 16 İyun 2021
Anar, Çingiz Abdullayev, Vaqif Səmədoğlu Monteneqro dilində…
10:05 16 İyun 2021
İlhamiyyə Rza: “Həmid efirdə lap ağ eləmişdi” – Müsahibə
09:01 16 İyun 2021
SSRİ-də yay istirahəti - Nostalji fotolar
21:00 15 İyun 2021
Nobelli yazıçı daha bir mükafata layiq görüldü
18:39 15 İyun 2021
Avropa Film Festivalında iştirak edən filmləri onlayn izləmək mümkündür
17:45 15 İyun 2021
Öz arvadını söydü, Səməd Vurğunu pislədi, yad qadınla yaxalandı – Hüseyn Arifin heç yerdə yayımlanmayan lətifələri
17:01 15 İyun 2021
Əməkdar artist vəfat etdi
16:18 15 İyun 2021
Bakının yaşı keçmiş ofisiant qadınları: Onları necə alçaldırlar?
15:30 15 İyun 2021
Müğənninin cızma-qarası 281 min dollara satıldı - Foto
14:41 15 İyun 2021
Məşhur bəstəkar vəfat etdi
14:01 15 İyun 2021
Mənə zorla köynək satan qız - Nihat Pir yazır
13:07 15 İyun 2021
Gənc rejissora görə Kürdəxanı həbsxanasına getdi, ən açıq səhnələrə çəkilən aktrisa kimi tarixə düşdü - Onu Təhminə roluna niyə layiq görmədilər?
12:15 15 İyun 2021