news-inner
clock08:45 calendar-gray 18 May 2013 view-gray1977 dəfə oxunub
view-gray1977 dəfə oxunub

Leonardo di Kaprio necə Qetsbi oldu?

Bu həftənin ən böyük hadisələrindən biri yəqin ki Kann film festivalının başlaması oldu. 66-cı festival mayın 15-i öz pərdələrini avstraliyalı rejissor Baz Lurmanın çəkdiyi və Leanoardo di Kaprionun baş rolda oynadığı “Möhtəşəm Qetsbi” filminin müsabiqədən kənar nümayişi ilə açdı.

Bir neçə gün əvvəl Azərbaycanda da qapalı premyerası keçirilən “Möhtəşəm Qetsbi” filmi haqda baş rol ifaçısı Leonardo di Kaprio da öz təəssüratlarını bölüşüb. Di Kaprio “sevgi əhvalatı” kimi xatırladığı “Möhtəşəm Qetsbi”ini yenidən oxuduğunu və şəxsiyyət axtarışında olan birini kəşf etdiyini deyir:

“Romanı məktəb vaxtı oxumuşdum və yadımda ümidsiz, romantik, xoş, gülərüz və sirli birinin Deyzi adlı qadına vurulmağı qalmışdı. O vaxt bu əsərə tragediya və ənənəvi sevgi romanı kimi baxmışdım. Amma “Möhtəşəm Qetsbi” hər nəslə nüfuz edən romanlardan biridir. İnsanlar mənə yaxınlaşıb deyirlər ki, bu əsər ən sevimli kitabımızdır, dəfələrlə oxumuşuq. Hər səhnəni, hər obrazı, hər cümləni fərqli bucaqlardan baxıb dəyərləndirmək olur. Fitscerald adamı məhrəm hisslərin ağuşuna ata bilib. O dövrü və o dövrün insanlarının həyatını divardakı bir həşərat kimi izləmək olur. Möhtəşəm əsərdir həqiqətən.

Baz (rejissor Baz Lurman-red.) əsərin bir nüsxəsini mənə göndərib, ona film çəkmək istədiyini deyəndə əsəri təzədən oxudum. İlk fikrim belə oldu: çox çətin və qorxulu işdir. Sonra Qetsbidən təsirləndim, yeniyetmə vaxtı oxuduğumdan daha fərqli gördüm onu. Əsər gözümdə adi bir sevgi hekayəsi deyildi artıq.

Rokfellerin izi ilə getməyə çalışan, milyarder olmaq istəyən adamdır Qetsbi. Amerikalı milyonçulardan olmaq istəyirdi, amma Deyzi ona mane olurdu.

Nikin gözündə Qetsbi ümidsiz, romantik, xəyalpərəst biridir, amma Qetsbi eyni zamanda tənha, həyatın mənasını, şəxsiyyətini axtaran bir adamdır. Aktyor kimi beynimdə Qetsbinin portretini belə təsvir etmişəm, ümid edirəm aktyorluq qabiliyyətimi ən yaxşı formada filmdə əks etdirmişəm”.

Hamımız Fitscerald olmağa cəhd etdik

Filmin rejissoru Baz Lurman işi haqda bunları deyib: “Hamının “Hörmətsizlik etmisən”, “Bərbad alınıb” deməyə haqqı var. Niyyətimiz ədəbsizlik etmək deyildi. Hamımız Fitscerald olmağa çalışdıq. Onun haqda əminliklə bircə onu demək olar ki, o modernist idi, nostalgiya ilə yaşayan deyildi, dövrünü yazıçısı idi”.

Amerikan məktəblilərinin oxumalı olduğu kitablar siyahısında yer alan əsər yayımlanmasından 90 il keçməyinə baxmayaraq, hələ də gündəmdədir. Bunun səbəbi yəqin ki Fitsceraldın obrazlarının Amerikaya xas deyil, universal olmağından qaynaqlanır. Ehtiras, xəyanət, qürur, sevgi, kin – hamısı var bu obrazlarda.

Baz Lurman bəzi ixtisarlar etməyinə belə haqq qazandırıb: “Kitabı olduğu kimi çəksəydik, 7 saatlıq film olardı. Ən çoxu 2 saata sığdırmaq məcburiyyətində idik. Təxminən 300-400 səhifəlik ssenari hazırladıq, daş kimi ağır bir şey idi. Sonra hansı səhnələri sevib-sevmədiyimizi deyil, “hansılar olmasa filmin mənası itər” mübahisəsi başladı. Əsəri Fitsceraldın dili ilə göstərməyə çalışdıq”.

“Filmin musiqisini hip-hop janrında seçmək kimin fikri idi?” sualına isə Lurman: “Vallah Fitsceraldın. Fits mənə zəng vurub dedi ki, “Xahiş edirəm, filmə hip-hop mahnılar seç” – deyə zarafatla cavab verərək, bunları əlavə edib: “Fitscerald əsərdə afro-amerikan küçə musiqisi seçmişdi: Cazı. Hamı ona “Caz sabah silinib gedəcək, popa üstünlük ver” demişdi. “Caz dövrü” terminini də Fitscerald tapıb elə. Məncə, bizim dövrün də musiqisi hip-hopdur. Ona görə, o biri Ceyə (amerikan reper Jay-Z –red.) müraciət etdik. Ondan hip-hopla ənənəvi caz musiqisini birləşdirməyi xahiş etdik”.

Əsərin qısa məzmunu isə belədir: Maddi cəhətdən o qədər ürəkaçan həyat keçirməyən Cey Qetsbi Deyzi adlı bir qızla tanış olur və ona vurulur. Varlı ailənin qızı olan Deyzi hər fürsətdə Ceyə onunla evlənmək üçün maddi vəziyyətini yaxşılaşdırmağın vacibliyinə işarə vurur. Qetsbinin müharibəyə getməsi ilə də Tom Bükenen adlı varlı bir adama ərə gedir. İllər keçir, Qetsbi varlanır və Deyzini yenidən qazanmaq üçün geri qayıdır. Buna nail ola bilirmi, qayıtmaq üçün əsas səbəb sevgidir, yoxsa qisas, bax bunlar oxucuya da, izləyiciyə də sirli qalır. Onların hekayəsini isə Deyzinin qohumu, eyni zamanda Qetsbinin qonşusu Nik Karrauey danışır.

news-inner-user
Rəna Nevzat

298 məqalə

Oxşar xəbərlər

Xəbər lenti

Məşhur şairin qızı: “Atamın ölümünü məndən gizlədilər, amma...” - Müsahibə
21:00 16 İyun 2021
Pakistanda prospektlərdən birinə Nizami Gəncəvinin adı verilib
19:00 16 İyun 2021
Azərbaycan və Gürcüstan arasında ədəbi memorandum imzalandı
18:30 16 İyun 2021
Kamal Abdullanın romanı Almaniyada çap olunub
17:40 16 İyun 2021
Hansı kitabları oxumamalıyıq? - Vacib məsləhət
17:01 16 İyun 2021
Ərdoğan Milli Məclisdə Bəxtiyar Vahabzadənin şeirini dedi - Video
16:24 16 İyun 2021
Stalinin əlindən qaçdı, Məkkədə yaşadı, üç arvad aldı - Leninin müsəlman qardaşı
15:33 16 İyun 2021
Rüşvət alan kişilərin arvadları haqda 10 cümlə
14:45 16 İyun 2021
Nizamiyə həsr olunan müsabiqənin qalibləri bilindi
14:02 16 İyun 2021
Dayısı Rəşid Behbudov onu səhnəyə həsrət qoydu, küsüb Azərbaycandan getdi, anası ölənəcən yolunu gözlədi – Qürbətdə can verən müğənnimiz
13:11 16 İyun 2021
Tarix bizi Şuşada gözləyirdi – Aqşin Yenisey yazır...
12:39 16 İyun 2021
Vaqif İbrahimoğlunun 32 il sonra reallaşan xahişi
12:30 16 İyun 2021
Fərid Hüseyn Nizamidən mühazirə oxuyub
11:59 16 İyun 2021
Aləmi bürüyən ədəbiyyat ətri
11:30 16 İyun 2021
Seda Sayan Mehmet Ali Erbili təcavüzdə ittiham etdi
10:56 16 İyun 2021
Anar, Çingiz Abdullayev, Vaqif Səmədoğlu Monteneqro dilində…
10:05 16 İyun 2021
İlhamiyyə Rza: “Həmid efirdə lap ağ eləmişdi” – Müsahibə
09:01 16 İyun 2021
SSRİ-də yay istirahəti - Nostalji fotolar
21:00 15 İyun 2021
Nobelli yazıçı daha bir mükafata layiq görüldü
18:39 15 İyun 2021
Avropa Film Festivalında iştirak edən filmləri onlayn izləmək mümkündür
17:45 15 İyun 2021