writer1

Murad Köhnəqala

Məqalə sayı

106
clock11:26 calendar-gray 15 May 2013 view-gray1689 dəfə oxunub
view-gray1689 dəfə oxunub

Ağ süd, qara qan

Görün, dünən başıma nə oyun gəlib!

“Elmlər” tərəfdə bir kafedə dostumla oturub pivə içir, ordan-burdan goplayıb danışırdım. Arada telefonuma mesaj gəldi. Eynəyimi qabından çıxarıb mesajı oxudum, qanım qaraldı və cavab yazdım. Aradan bir az keçdi, yenə də mesaj gəldi. Eynəyi gözümə taxıb yenə oxudum və qanım bayaqkından da qara oldu, yəni tünd qara. Mən də ondan geri qalmadım, götürüb mesajın layiqli cavabını verdim.

Nə isə, mən eynəyimi qabına yerləşdirib çantama qoydum və kafeni tərk elədik. Dostum məndən ayrılası oldu. Kafedə kiminləsə pul söhbəti eləyirdi, başa düşmürdüm, alacağı var, ya verəcəyi.

Mən də bayaq mesajlaşdığım adamı gözləməli idim. Vaxt öldürmək üçün metronun çıxacağı ilə üzbəüzdə yerləşən internet zirzəmiyə düşdüm.

Əşi, sizə maraqlı bir şey danışmayacam, burdan beləsi heç oxunaqlı olmayacaq. Hə, yenə eynəyimi çıxarıb gözümə taxdım və internetdə gəzinməyə başladım. Facebook-a girib dostlarla dalaşdım, bir-iki sayta baxıb dilxor oldum, xəbərlərdən oxuyub ümidsizliyə qapıldım.

Nəhayət, gözlədiyim adam zəng elədi ki, gəlib çıxmışam. Eynəyimi gözümdən çıxarıb əlimə götürdüm, çantamı çiynimə aşırıb “şot”u verməyə yaxınlaşdım. Borcumu soruşdum, gənc oğlan ucadan “bir manat!” deyə səsləndi. “Nə, bir manat?” deyə mən təəccübləndim. “Bəli, bir manat, bizdə internetin saatı bir manatadır!” deyə gənc fəxrlə ucadan dilləndi.

Bir manatımı verib bayıra çıxdım. Bıy, baxdım ki, eynək əlimdə qalıb, qabına qoymamışam.

Yazının burdan beləsi heç maraqlı deyil, oxumaya bilərsiniz. Nə isə, çantamı açıb içini ələk-vələk elədim, futlyar yox idi. Geri, zirzəmiyə düşdüm, 6-cı stolun altına-üstünə baxdım, eynəyin qabı göyə çəkilmişdi. Gəldim bayaqkı gəncin yanına, soruşdum ki, bəlkə xoşbəxtlikdən mənim eynəyimin qabı stolun üstündə qalıb, xoşbəxtlikdən kimsə götürüb sizə təhvil verib və siz də xoşbəxtlikdən özünüzdə saxlayıb mənim qayıtmağımı gözləmisiniz?

Dedilər, bədbəxtlikdən belə şey olmayıb. Yenidən qayıdıb stolun hər tərəfini yoxladıq, yox ki, yox! Eynək qabı yoxa çıxmışdı.

Demək, eynək qabını bir dəqiqəliyinə unudub orda qoymuşam, kimsə dərhal oğurlayıb ee! Yəqin elə biliblər qabın içi “teyxa” qızıldandı.

Bilirsinizmi yadıma nə düşdü? Mənim bir əmim vardı, əmim deyəndə ki, atamın əmisi idi. Alman-sovet müharibəsi veteranı idi. Almaniyada olmuşdu.

Danışırdı ki, kiçik bir qəsəbədə olmuşdum, orada səhər tezdən gətirib evlərə süd satırdılar. Adamlar boş süd qablarını bayırda çöl qapısının ağzındakı səkilərə düzər, süd pulunu da balonlara qoyardılar. Süd satanlar da gəlib balondakı pula uyğun süd süzərdi. Balonda görünən o pullara gözünün ucu ilə də baxan olmazdı.

Bağışlayın, sizin də qanınızı bərk qaraltdım. Ağ süd hara, qara qan hara?..

REKLAM

Yazarın digər yazıları

Xəbər lenti

Rüstəm Behrudi intihar edən qardaşı oğluna şeir ithaf etdi
11:30 01 Avqust 2021
Biz tərəflər – Şərif Ağayardan hekayə
16:30 31 İyul 2021
"Memati" yeni serialda rol alacaq
15:00 31 İyul 2021
Aydın Xırdalanlı ölüm anında hansı videoya baxıb – Maraqlı Faktlar
13:30 31 İyul 2021
ADU-da Pakistan Mədəniyyət Mərkəzinin açılışı olub
12:52 31 İyul 2021
Flora Kərimova "Şərəf" ordeni ilə təltif olundu
11:48 31 İyul 2021
Ayaz Salayev: "O Ittifaqın başında bizə yaraşmayan insan dayanıb" - Müsahibə
11:33 31 İyul 2021
Tünzalə Ağayeva Türkiyəyə yardım göndərdi
10:26 31 İyul 2021
Ən başıbəlalı mahnımız: Onu Fatimeyi-Zəhraya, Şah İsmayıla və Cəfər Cabbarlıya nə bağlayır?
09:02 31 İyul 2021
Facebookda tənha insanları necə tanımaq olar?
21:00 30 İyul 2021
Ssenaristlər üçün Yay Məktəbi təşkil olunur
19:00 30 İyul 2021
Şəhidlərə həsr olunmuş kitab işıq üzü görüb
18:05 30 İyul 2021
Ürək dil acır ki, sönməmiş odum - Səməd Vurğundan şeir çələngi
17:30 30 İyul 2021
Qısa hekayə: Yanğın
16:23 30 İyul 2021
Hüquqşünas teatra rəhbər gəldi
15:30 30 İyul 2021
Xalqı efirdən partizan hərəkatına çağıran Xalq artisti - O, İlhamə Quliyeva ilə eşq yaşamışdımı?
14:26 30 İyul 2021
Türkiyə evimizdir - evimiz yanır
13:51 30 İyul 2021
Rejissorumuz beynəlxalq festivalda jüri sədri oldu
13:06 30 İyul 2021
İçimizi yanır! – Türk sənətçilərin yanğın harayı
12:20 30 İyul 2021
Yazıçımız Beynəlxalq ədəbiyyat festivalında qalib gəldi
11:41 30 İyul 2021