writer1

Vüsalə Məmmədova

Məqalə sayı

51
clock16:01 calendar-gray 03 Aprel 2013 view-gray5445 dəfə oxunub
view-gray5445 dəfə oxunub

Fahişələrdən başqa bir də ANA ilə rastlaşdım...

II yazı: Kimsəsiz şəhər

Yaz günəşi bir dəfə doğdusa, şəfəqləri dəyən hər yer daha da gözəlləşir, öz varlığını biruzə verir. Təəssüf ki, hətta üzümüzdəki çillər də, çoxdan toplanmayan zibilliklər də...

Həyat bir xəstələnəndə, bir də baharda daha qiymətli olur... İnsan həyatı birnəfəsə içinə çəkmək istəyir.

Şəhər ağac kimi çiçək açır, bar verib-verməyəcəyi gələcəyə bağlı. Zatən Bakının tək işi gözəlləşməkdir. Xüsusilə də gecələr insansızlaşıb işıqlarını yandıranda. Daha demirəm o küçədə yanan işıqlar evlərin içinə nə qədər düşür, kimləri qızdıra bilir... Bu başqa yazının mövzusudur.

Qadının həqiqi gözəl olduğunu bilmək istəyirsənsə, ona yuxudan oyananda baxacaqsan. Məlum, hər qadınla da səhər oyanmaq qismət olmur. Necə deyərlər, qadınla şam yeməyi hər kişinin işidir, səhər yeməyi ər kişinin...

Şəhəri də səhər görməli... Bəzəksiz... İşıqsız... Olduğu kimi. Necə var elə. Bakını olduğu kimi görmək üçün dan yeri söküləndə oyanmalı... Günə azan səsi ilə başlayıb, küçədə işdən qayıdan yorğun, bitkin, rəngləri ağarmış, taqətdən düşmüş fahişələrlə rastlaşmalı...

Küçələrdə dolaşan naümid itlərə tamaşa etməli...

Səhər gəzintisi adı ilə yazımın qəhrəmanını axtarmağa küçəyə çıxıram.

Küçələr boş... Kimsəsiz... Tıxacsız... Sahibsiz itlərlə ... Və qadınlarla dolu...

İtlər itliyinin, qadınlar qadınlığının əvəzin ödəyir. Bu dünyada bircə kişi olmaq əvəzsizdir...

Fahişələrdən başqa bir də ANA ilə rastlaşdım... Səhərin şaxtasında o qədər üst-üstə geyinmişdi ki, elə bil bu yaz onun üçün gəlməyib. Yaşını müəyyən edə bilmədim, açıqda olan əlləri və üzü idi. Üzünə baxmaq doğru deyil, əllər isə qaçılmazdır... Tünd qəhvəyi əlləri qara xətlər mühasirəyə alıb... əllər o qədər bərkimiş görünür ki, bu əllərin nə vaxtsa kiməsə sığal çəkdiyini təsəvvür edə bilmirəm... Bəlkə nəvazişsizlikdən belə bərkiyib? Bəlkə o əllər öz sığal ömrün yaşayıb bitirib?...

Küçədə adamlar az olanda daha mehriban olurlar, tez dostlaşırıq. Öyrənirəm ki, onun hər günü belə başlayır. Sübh tezdən vağzalda rayondan gələn qatarlardan göyərti alıb metro çıxışlarında satmağa gedən bu qadın səkkiz oğul anasıdır. “Böyütmüşəm, oxutmuşam” deyir... “Ailələri, uşaqları var” deyir... Qürurla “Balalarım hərəsi bir evdir” deyir...

“Ana, Bakının hər tərəfi evdir, hər tərəfində də evsizlərdir” deyirəm...

Beləcə söhbət edirik və səhər yolda rastlaşdığı qızı yaşda birinə dərdini danışmağa başlayır: “Balalarım hər ay hərəsi gəlirlərindən iyirmicə manat övladlarının başına çevirib mənə versəydilər vağzallarda sürünməzdim” deyir...

Arzu deyib keçməyin, bu dünyaya səkkiz oğul gətirən ANAnın arzusudur...

Gəzintimi, axtarışımı davam edə bilməyib evə qayıdıram. Qapını bağlayıb, pərdələri çəkirəm...

Yatmaq lazımdır... Yaxşıca yuxuya getmək... Bu şəhəri oyanandan sonra görməli...

REKLAM

Yazarın digər yazıları

Xəbər lenti

Pandemiya mövzusunda keçirilən hekayə müsabiqəsinin qaliblləri mükafatlandırıldı
19:58 29 Sentyabr 2020
Mədəniyyət Nazirliyi bəyanat yaydı
19:27 29 Sentyabr 2020
Erməni filmi Moskva kino festivalından çıxarıldı
18:19 29 Sentyabr 2020
Deyir, oğlum darıxmasın, görüşərik bu bahar - Ədəbiyyatımızın ən təsirli müharibə şeirləri...
17:42 29 Sentyabr 2020
“Avatar 2”nin çəkilişləri başa çatdı
16:22 29 Sentyabr 2020
İlk dəfə bu ifadəni işlədirəm... - Məşhurlar Qarabağ döyüşündən danışdı
15:06 29 Sentyabr 2020
Arif Babayev insult keçirtdi
14:16 29 Sentyabr 2020
Azərbaycanlı şair dünya yazıçılarına müraciət etdi – Mətn
13:30 29 Sentyabr 2020
Ermənilər Şuşadakı məscidimizə dəyişiklik edərək tarixi saxtalaşdırmaq istədilər
12:51 29 Sentyabr 2020
Aktyor olmaq istəyən Milli Qəhrəman: Şəhid olanda çantasından “Hophopnamə” çıxıb
12:10 29 Sentyabr 2020
Sami Yusif: "Qarabağ Azərbaycandır" - Foto
11:35 29 Sentyabr 2020
Əməkdar artist cəbhəyə yola düşdü
11:11 29 Sentyabr 2020
“Kurtlar vadisi”nin Zazası xəstəxanaya yerləşdirildi
10:55 29 Sentyabr 2020
“Ana, əsgərlərimiz Murovu qaytardı!” - Fəridə yazır...
10:38 29 Sentyabr 2020
Polkovniki partlatmaq istəyən Səlim – İlqar Əlfioğlunun herkayəsi
08:55 29 Sentyabr 2020
Bu yazıçılar müharibədə iştirak ediblər - Siyahı
21:01 28 Sentyabr 2020
Yazıçılar Birliyi bəyanat yaydı
18:16 28 Sentyabr 2020
Gənc şair hərbi xidmətə yola düşür
17:40 28 Sentyabr 2020
Özfəaliyyətimiz elə bu qədərmiş - Akif Əli yazır...
17:00 28 Sentyabr 2020
Svetlana Aleksiyeviç ölkəsini tərk etdi
16:30 28 Sentyabr 2020