writer1

Səhər Əhməd

Məqalə sayı

196
clock11:09 calendar-gray 18 Mart 2013 view-gray1627 dəfə oxunub
view-gray1627 dəfə oxunub

Ömür bitmiş fikir deyil

Necə xoşbəxt görünür hər kəs öz tələsində.

***

Öldürmək də ölmək qədər asanmış, yaşatmaq da yaşamaq kimi çətin.

***

Gerçəkliklə romantika arasından sərhədlər götürülsə aydın olar ki, əsl gerçək – ən dərində hiss etdiyindi, ən asan yaşadığın yox.

***

… Heç bir ömür bitmiş fikir deyil, onsuz da, çünki heç bir fikir bitmir, əslində.

***

Bu dünyada ölümlər belə təkrardı, ölümlərin belə surəti çıxarılmış.

***

Bizə zamanı tanıtmadılar, əbədiyyət barədə nağıllar yanlış.

***

Piyadalar ən yaxşı halda vəzirə çevrilər, şaha yox.

***

Gecikmiş məğlubiyyət qocalıqdakı ölüm kimidir, adamı elə də incitmir.

***

Bir ovuc Vətən torpağı satılır, bir udum qürbət havasına...

***

Bu gün biz öz tələbələrimizə “Fətəli, sən də riyakarmı olmaq istəyirsən?”-deyə bilmirik.

***

Bədbəxt bir millətin heç bir fərdi tam şəkildə xoşbəxt ola bilməz.

***

Bir dəfə gerçəkdən sevmiş adam xəstəliyə peyvənd olunmuş kimidi, o ya sevgiyə bir daha yoluxmaz, ya da çox asan keçirər.

***

“Olmaz” bizim keçdiyimiz ilk dərsdir.

***

Hər şeyə şübhə ilə yanaşmaqdansa, inanmaq yaxşı olmazdımı, ən azından inam şübhədən daha xeyirlidir.

***

O kəslər həmişə hamıdan hər şey umurlar ki, özləri heç vaxt heç kim üçün heç nə etməyiblər.

***

Kim nə qədər xoşbəxt edə bilirsə, bir o qədər xoşbəxtdir.

***

Hamı filosof ola bilməz, amma hər kəsin öz fəlsəfəsi olmalıdır.

***

O adam bədbəxtdir ki, ətrafı yalnız axmaqlardan və yaltaqlardan ibarətdir.

***

Oxuduğun kitablar bitəndə əsl həyat başlayır.

***

Tanış olmağa kimsə yox, adamların hamısı tanış.

***

Xınalı quzular və mömin qəssablar...

***

Gücünü özünə saxla, dost, həşəratlarla döyüşdə gücün nə önəmi...

***

Hər şeyi bilmək də heç nə bilməmək kimi yorucudur.

***

Əzilən tərəf olmaq xoş deyil, əzən tərəf olmaq heç xoş deyil.

***

Hər şey çox primitiv şəkildə qarışıq, çox yüksək səviyyədə sadə və aydın.

***

Dəlilərə gülüb keçən ağılsızlar...

***

Yaxşı tərbiyə almış, ağlı başında, əsəbləri qaydasında, dərsini əzbər bilən adamlar...

***

Yaşlı ağaclara da bahar gələr, amma onların ümidləri bir daha göyərməz.

***

Nə mənası, oturdun, ya ayaqda qaldın, yerin rahat oldu, ya narahat, onsuz da gec-tez düşəcək və hər şeyi unudacaqsan.

***

Yenə harasa gedir, hardansa qayıdır adamlar.

***

...Tarixin bizə verdiyi ən böyük dərs ibrət dərsidir. Kim deyər, bizim keçən dərsimiz nə olmuşdu?!

***

Qəfəsinə xoş gəldin, dost, ruhunu əynindən çıxar, qandallarını geyin.

***

Son damla göz yaşı da kirpiklərin ucundan özünü atar mənfi sonsuzluğa...

***

Yaxşı ki, hər yerdə zaman var, onunla ölməz görünür adamlar.

***

Küçə, yol qaydaları, durğu işarələri, sözlərin üstündə də vurğu işarələri.

***

Ən təhlükəli uçurum-ən yaxında olandı.

***

Yalnız ağılla yaşamaq ağılsızlıqdır.

***

Daim güclülərin yanında olmaq qəddarlıq, daim zəiflərin yanında olmaq qorxaqlıqdı.

***

Ağıl da silah kimidir, ancaq döyüşməyə yarayır.

REKLAM

Yazarın digər yazıları

Xəbər lenti

Filarmoniyada 20 Yanvar faciəsi qurbanlarının xatirəsi yad olunub
17:10 20 Yanvar 2021
Eynşteyn əsrin ixtirasına görə bu romanlara borcludur - Ən sevdiyi 5 kitab
16:20 20 Yanvar 2021
146 nəfərin bir hekayəti...
15:10 20 Yanvar 2021
Larisa adını niyə dəyişmək istəyirdi, anasının yuxusuna girib nə dedi? - 13 yaşlı şəhidimiz
14:00 20 Yanvar 2021
“Harri Potter” filminin ulduzu kinodan getdi
12:45 20 Yanvar 2021
Tanıdığım ilk şəhid
11:30 20 Yanvar 2021
Məşhur serialın aktyoru vəfat etdi
10:20 20 Yanvar 2021
Müstəqillik tarixinin ən möhtəşəm 20 Yanvarı - Şərif Ağayar yazır...
09:01 20 Yanvar 2021
"Sənin bu “qadın travmandan” xeyli həzz aldım" - Seymurla Aygün Aslanlının söhbəti
18:40 19 Yanvar 2021
"Simpsonlar"ın ssenaristi öldü
17:56 19 Yanvar 2021
Orxanı yenə polis apardı – Əsgərlikdəki şairlə söhbət
17:12 19 Yanvar 2021
Balacalar üçün onlayn tamaşa
16:31 19 Yanvar 2021
“Qarabağ hekayələri” qırğız dilinə tərcümə olundu
15:53 19 Yanvar 2021
“Mən xəbərləri oxuyanda qarşımda avtomatlı əsgər dayanmışdı” - Məşhur diktor 19 yanvar gecəsi AzTV-də baş verənlərdən danışır – Müsahibə
15:11 19 Yanvar 2021
“Arşın mal alan” Düşənbədə təqdim olundu
14:38 19 Yanvar 2021
Xalq artisti dünyasını dəyişdi
14:00 19 Yanvar 2021
Məşhur tarzən müğənnini qınadı: "Şəhid verdiyimiz dövrdə toy oxumusan"
13:17 19 Yanvar 2021
Leonardo da Vinçinin itmiş əsəri tapıldı
12:39 19 Yanvar 2021
Şair-əsgər anası: “Gizlində oğlumun çəkmələrini öpürdüm” – Müsahibə
12:01 19 Yanvar 2021
Məşhur prodüser həbsxanda vəfat etdi
11:25 19 Yanvar 2021