Tarix İnstitutunun Elmi Şurası “Daş yuxular”ı müzakirə edib

Tarix İnstitutunun Elmi Şurası “Daş yuxular”ı müzakirə edib
6 fevral 2013
# 11:18

AMEA Tarix İnstitutunun Elmi Şurasının Əkrəm Əylislinin “Daş yuxular” romanında bəhs olunan tarixi faktlara həsr olunmuş iclası keçirilib. APA-nın məlumatına görə, iclasda çıxış edən institutun direktoru Yaqub Mahmudov bildirib ki, tarixçilər bu əsərdə göstərilmiş faktlarla çox narazıdır. Onun sözlərinə görə, müvəqqəti atəşkəs elan olunmasına baxmayaraq, Azərbaycan müharibə vəziyyətindədir: “Lakin buna baxmayaraq ölkəmiz dünyanın inkişaf etmiş ölkələri bir sırasında olmaq üçün sürətlə irəliləyir. Bütün bunlar Azərbaycana qarşı kəskin qısqanclıq doğurur. Hazırda Azərbaycana qarşı aparılan başlıca siyasət budur ki, ölkəmizin işğal olunmuş torpaqları erməni işğalında qalmasın. Əsərin prezident seçkiləri, Xocalı faciəsinin, Sumqayıt hadisələrinin ildönümü ərəfəsində yazıldığı nəzərə alınmalıdır”.

Tarixçi bildirib ki, yazıçı əsərdə Azərbaycan xalqına düşməni dost, dostu düşmən kimi təqdim edib: “O yuxuları Naxçıvanın Əylis kəndində görür. Birinci yuxuda görür ki, Guya bu ərazidə türklər soyqırımı törədiblər. Bu, yazıçının 2015-ci ildə qondarma soyqırımının 100 illiyinə töhfəsidir. İkinci yuxuda Naxçıvanı erməni torpağı kimi görür. Azərbaycanlılar isə sonradan gəlmiş vəhşilər, barbarlardır. Ermənilər isə kökə malikdirlər, humanistdirlər. Əsərdə yazıçı erməniyə çağırış edir ki, sən öz Məkkə, Mədinənə -Naxçıvana sahib çıxmalısan. O gözləyir ki, ermənilər qayıdıb Naxçıvana gəlsin və Əylis yenidən cənnət çevrilsin. Bu, Azərbaycanın xalq yazıçısının onun xalqına olan münasibətidir”.

Yaqub Mahmudovun sözlərinə görə, Əkrəm Əylisli əsərdə Qərbi Azərbaycandan olan soydaşlarımızı sürü, yağışdan sonra çıxan göbələk adlandırır, islam dinini aşağılayır.

“O, sünnət olunanları vəhşi kimi qələmə verir. Əkrəm Əylislinin görmədiyi yuxular da var. O bu yuxuları qəsdən görmür. O yuxularında 31 mart soyqırımını, Bakıda törədilən 20 yanvar hadisələrini, Şəhidlər xiyabanını, Qafqaz İslam Ordusunu, Türk şəhidliyini görmür, Azərbaycanın işğal olunmuş torpaqlarını, Xocalını, Şuşanı, Qarakəndi görmür. Nəticə etibarı ilə bu yuxular yazıçının suyunu içdiyi, torpağında yaşadığı fəxri adlar aldığı vətəninə O bu əsərlə ermənilərə, qriqoriyanlara xidmət edir. Onun ən böyük cəzası Azərbaycan xalqının nifrətidir”.

Daha sonra Elmi Şuranın üzvləri, tarixçilər əsərə münasibət bildiriblər.

# 2438 dəfə oxunub

Oxşar xəbərlər

"Bu, mənəvi korluğun, özündən uzağı görə bilməməyin etirafıdır" - Plagiat qalmaqalı böyüyür!..

"Bu, mənəvi korluğun, özündən uzağı görə bilməməyin etirafıdır" - Plagiat qalmaqalı böyüyür!..

15:00 15 iyul 2025
"Məmləkətdə ən böyük soyğunçu elə qibleyi-aləmin özüdür" - SSRİ-yə meydan oxuyan yazıçı

"Məmləkətdə ən böyük soyğunçu elə qibleyi-aləmin özüdür" - SSRİ-yə meydan oxuyan yazıçı

09:00 15 iyul 2025
“Allah yoxdur, amma Hz. Abbas başqa aləmdir” - Sekulyarizmi tənqid edənlərin məqsədi nədir?

“Allah yoxdur, amma Hz. Abbas başqa aləmdir” - Sekulyarizmi tənqid edənlərin məqsədi nədir?

15:00 14 iyul 2025
"Şpaqat" vəziyyəti - Mübariz Örənin hekayəsi

"Şpaqat" vəziyyəti - Mübariz Örənin hekayəsi

12:00 13 iyul 2025
"Bir erməni dəftərinə onları necə məğlub etdiyimizi yazdım…" - 28 yaşında vəfat edən Həsən Kürün film kimi həyatı

"Bir erməni dəftərinə onları necə məğlub etdiyimizi yazdım…" - 28 yaşında vəfat edən Həsən Kürün film kimi həyatı

11:50 8 iyul 2025
Məni dostlarım öldürdü - Akif Səmədin şeirləri

Məni dostlarım öldürdü - Akif Səmədin şeirləri

12:00 6 iyul 2025
#
#
# # #