writer1

Sərdar Amin

Məqalə sayı

132
clock11:54 calendar-gray 24 May 2021 view-gray3730 dəfə oxunub
view-gray3730 dəfə oxunub

Samirə Əfəndi özünə ər tapdı, bəs biz nə qazandıq?

Avroviziya nə üçündür? Nəyə lazımdır? Təməli Avropa ölkələrinin musiqi festivalı kimi qoyulan bu tədbir bir çox layihələr kimi qol-budaq atandan sonra məramını dəyişdi.

Yəqin ki, bir çoxunuz, ümumiyyətlə, oradakı səsvermənin, sürprizlərin həqiqi olduğuna inanmırsınız.

Buna inanmayan ölkələr də az deyil.

Məsələn, Avroviziyadan son illərdə imtina edən Türkiyə kimi... İngiltərə isə bu yarışmadan, demək olar, uzun illər əvvəl “imtina” edib. Yarışmaya qatıldıqları mahnı və performans o qədər sönük olur, baxan kimi hiss olunur ki, layihəni başlarından eləyiblər. Elə builki kimi, 26 ölkə arasında İngiltərə ilkə imza atdı, təmsil olunduğu mahnı dünya tamaşaçısı tərəfindən 1 xal olsun qazanmadı.

Azərbaycan isə 2008-ci ildən etibarən bu musiqi yarışmasının iştirakçılarındandır, hətta bir dəfə festivalın qalibi də olub.

Qalibiyyət və “Avroviziya”nın ölkəmizdə keçirilməsi istisna, digər illərdə biz bu yarışmadan nə əldə edirik?

Təbii ki, “Avroviziya” təbliğat olmaqla yanaşı, həm də böyük bir biznes layihəsidir. Azərbaycan isə bu biznes layihəsində adətən xərcləyən tərəf olur.

İlk çıxışımız istisna, digər bütün mahnılarımızı xaricilər yazır, bəstələyir, quruluş verir və s.

Yerdə qalır təbliğat, o da ki, belə...

“Avroviziya – 2021” mahnımızın qalibiyyətə hesablanmadığı bəlli idi. Belə olduğu halda biz sıradan, ənənəvi bir “Avroviziya mahnısı” ilə deyil, xüsusi bir layihə ilə çıxış edə bilərdik. Məsələn, ən azından öz müəlliflərimizi – şair, bəstəkar, xoreoqraf, rəssamlarımızdan istifadə edə – öz adət, mədəniyyət, dilimizi dünya müstəvisində nümayiş edə bilərdik.

Bu il orijinal dildə ifa edən – Rusiya, Ukrayna, Fransa, Serbiya və b. ölkələr var idi. Məsələn Rusiya təmsilçisi Manizanın “qılaf”ında bir dünyanın rəmzi, ornamenti var idi. Eləcə də Ukrayna təmsilçisinin boğazlarını dinləyən kimi bu xalqın musiqisi, mədəniyyəti bir anda göz önündə canlanır...

İsveçrə və Fransa təmsilçiləri də öz dillərində ifa edərək birincilərdən oldu və bir daha fransız dilinin nə qədər mədəniyyət, musiqi dili olduğunu sübut etdilər.

Filmdə, ədəbiyyatda – incəsənətin bütün müstəvilərində yarışmalara qatılarkən elə bilirik ki, biz dünya tamaşaçısına, təşkilatçılara hər gün eşitdikləri mövzulardan onların dilində bəhs etməliyik.

Tamam, edək, amma bunu biz onlardan daha yaxşı bacaracağıqmı?

Bu, mümkündürmü?

Bu halda biz milli-mədəni özəlliklər üzərindən, mental, coğrafi mozaikalarla diqqət çəkə bilərik. Azından özümüzü sevdiyimiz simada təqdim edərik, birincilik o yana qalsın!

Bəzi soydaşlarımızın Samirə Əfəndidən narazı qalmasının isə heç bir əsası yoxdur, adama nə tapşırmışdılar, onu da etdi, zərrə həyəcansız oxudu, üstəlik özünə norveçli ər də tapdı!

Şükür, bu boyda musiqi yarışması heç olmasa, bir azərbaycanlının işinə yaradı.

REKLAM

Yazarın digər yazıları

Xəbər lenti

Sözümüzün Cahangiri - Müşfiq Şükürlü yazır
11:30 22 İyun 2021
Van Dammla qohumluq şousunun gizlinləri – Sərdar Amin yazır...
11:01 22 İyun 2021
Bir şairi öldürdülər – Günün Şeiri
11:00 22 İyun 2021
Anarın hekayəsi Monteneqronun populyar saytlarında
10:30 22 İyun 2021
Tanınmış şair vəfat etdi
09:56 22 İyun 2021
Azərbaycanlı yazıçıdan lezbiyan haqda hekayə: Mən səni həmişə sevəcəm
09:01 22 İyun 2021
Jan Pol Sartrın dahiyanə hekayəsi – Mətn
21:00 21 İyun 2021
Nizami Gəncəviyə həsr olunmuş beynəlxalq konqres keçiriləcək
18:56 21 İyun 2021
Mədəniyyə nazirliyi yeni müsabiqə elan etdi
18:22 21 İyun 2021
Məşhur aktyor dünyasını dəyişdi
17:43 21 İyun 2021
Kitab yandıran qonşu qadın – 13 yaşlı Selcanın hekayəsi
17:11 21 İyun 2021
Nizami Gəncəvi yaradıcılığı Ukrayna radiosunda
15:39 21 İyun 2021
Şair, yazıçı, müğənni, bəstəkar…
14:49 21 İyun 2021
Fulya Öztürk: “Film təklifinə çox təəccübləndim” – Video
14:01 21 İyun 2021
Qarbaçovu üzünə söydü, özündən xeyli cavan xanımla evləndi, qızı ona görə intihar etmək istədi – Dövlət katibimizin faciəvi sonu
14:01 21 İyun 2021
“Dünyanın sülh kitabı”nda azərbaycanlı yazıçı da yer aldı
13:35 21 İyun 2021
Dədə Süleyman: "Ayıb olmasın deyə, atam adımı dəyişdi" - Müsahibə
12:52 21 İyun 2021
El Romanın imza günü keçiriləcək
12:49 21 İyun 2021
Fulyadan film çəkən rejissor: “Mənim belə bir öhdəliyim yoxdur” – Müsahibə
12:11 21 İyun 2021
Vahidin bu şeirinin bir misrasını başqa şair yazdı – İlginc fakt
11:30 21 İyun 2021