Sizə həsəd aparıram - Fransada yaşayan azərbaycanlı yazıçı yazır

Sizə həsəd aparıram - Fransada yaşayan azərbaycanlı yazıçı yazır
10 aprel 2021
# 11:22

Kulis.az gündəmi nəzərə alaraq, Fransada yaşayan azərbaycanlı yazıçı Nicat Kazımovun pandemiya ilə bağlı yazısını təqdim edir.

Fransadan baxanda sizə elə paxıllıq edirik ki, sizin restoranlarda dostlarla oturub yeyib-içdiyinizi görəndə. Uzun müddətdir burada hər yer bağlıdır, nə bir kafe, nə bir restoran açıqdır. Üstəgəl burada da açıq havada maska taxmamaq qadağandır, cəriməsi var. Velosiped sürənlərə icazə var idi maskasız, onu da ləğv elədilər. Yaşadığın şəhərdən 20 km kənara da gedə bilməzsən.

Bu ay Fransa tamamən qapanmaya getdi. Prioritet olaraq bu bir aylıq qapanma müddətində millionlarla insanları vaksin etmələridir.

Hamı kimi mən də bezmişəm bu maska söhbətindən. Amma nə edə bilərik? Mənim şəxsi zövqlərim başqalarının həyatından üstün deyil ki? Gedən zamanımızdandır, həyatımızdandır və gəncliyimizdəndir. Amma hamı kimi mən də maskaya yox desəm yaşlı insanların, immuniteti zəyif olan insanların həyatını riskə atmış olmarammı?

Bu bəladan qurtulmaq üçün tək vasitə qadağaların gücləndirilməsi və ölkə əhalisini total vaksin etməkdir. Ona görə Fransanın bu qərarına müsbət yanaşıram.

Çox absurd söhbətlər eşidirəm. Vaksindən hələ də naharat olan azərbaycanlılar həkimə rüşvət verib yalandan adlarını vaksin olunmuşlar siyahısına saldırırlar. Təbii ki, bu şəkildə davam edən insanların sayı çox olduqca hələ uzun müddət maskadan şikayət edəcəksiniz.

Bu bəladan çıxış yolu individual deyil, kollektivdir. Bu kollektiv məsuliyyət təkcə Azərbaycana da aid deyil, bütün dünyaya aiddir. Buna görə rəsmi deyilənlərə əməl etmək lazımdır, əfsus ki, lazımdır. Yoxsa ili ilə satacağıq və hələ də maska ilə oturub duracağıq.

Fransızlar da Makrona qəzəblənirlər, onu tələsdirirlər, iflas edən şirkət rəhbərləri intihara qədər gedir çıxır, yataqxanada qalan tələbələr kütləvi intihar edir. Amma nə edə bilərik, hamımız əziyyət çəkirik və bunun qarşısını da hamımız bərabər almalıyıq. Yenə deyirəm, rəsmi göstərişlərə əməl edib, hamı bir nəfər kimi vaksin olunarsa məsələ bağlanacaq.

Mən həkimə güvənirəm. Ayağımda problem olanda həkimə gedirəm dərman yazır, müalicə edir. Əgər mənim həkimim deyirsə ki, vaksin zərərsizdir mənim ona güvənməkdən başqa yolum yoxdur. Yəqin ki, siz də haranızsa ağrıyanda həkimə gedirsiniz və müalicə olunursunuz, bax bu vaksin məsələsi də aşağı-yuxarı eynidir. Belə məsələdə həkiminizə güvənin.

Maskaya deyil, COVİD-ə yox deyək.

# 3482 dəfə oxunub

Oxşar xəbərlər

Cadugərliyin faciələrlə dolu  tarixi... - 300 il ərzində əlli min qadın niyə yandırılmışdı?

Cadugərliyin faciələrlə dolu tarixi... - 300 il ərzində əlli min qadın niyə yandırılmışdı?

14:00 22 noyabr 2026
Atatürkün dəfnində Azərbaycan Xalq Cümhuriyyətinin iki naziri vardı – Onlar kim idi?

Atatürkün dəfnində Azərbaycan Xalq Cümhuriyyətinin iki naziri vardı – Onlar kim idi?

10:00 22 noyabr 2026
Vyetnam Prezidenti: "Azərbaycan həm Avropanın, həm də Asiyanın mədəni irsini daşıyan inci hesab olunur"

Vyetnam Prezidenti: "Azərbaycan həm Avropanın, həm də Asiyanın mədəni irsini daşıyan inci hesab olunur"

15:26 21 noyabr 2026
Azərbaycan dünyanın ən böyük nağıl festivalında

Azərbaycan dünyanın ən böyük nağıl festivalında

15:10 21 noyabr 2026
"Ulduz"un  Xaqani Şirvaninin 900 illiyinə həsr olunmuş xüsusi buraxılışının təqdimatı keçirildi

"Ulduz"un Xaqani Şirvaninin 900 illiyinə həsr olunmuş xüsusi buraxılışının təqdimatı keçirildi

12:41 21 noyabr 2026
"Həqiqət zərrəsi tapılmayanda yalanı böyük tikələrlə udurlar..." - İsaak Başevis-Zinger

"Həqiqət zərrəsi tapılmayanda yalanı böyük tikələrlə udurlar..." - İsaak Başevis-Zinger

12:30 21 noyabr 2026
#
#
Ana səhifə Reels Yazarlar Xəbərlər