writer1

Sərdar Amin

Məqalə sayı

117
clock11:35 calendar-gray 10 Mart 2021 view-gray1250 dəfə oxunub
view-gray1250 dəfə oxunub

Bəs sizin inboksunuz tər-təmizdir?

Son aylar qorxulu, iyrənc hadisələr gündəmimizin ana mövzusudur. İntihar, ölüm, cinayət...

İndi də kiminsə inboksu...

Gündəmi toplumun marağı yaradır. Ölkənin gündəminə baxıb cəmiyyətin diaqnozunu qoymaq olar. Bir neçə gün əvvəl dalına pampers bağlanmış bir quzu gündəm oldu. İndi də, “Tarqovı”da gəzən o pampersli quzunu aşmayan daha bir mövzu: bir xanımın inboks yazışmaları ictimailəşdi.

Qədimdə Azərbaycan evləri iki hissədən ibarət olub: birun, əndərun. Birunun bütün tin-bucağı qonağa fədadır, qonaq özünü birunda tam rahat saya bilər. Amma əndərun qonağın gözünün ucu ilə baxa biləcəyi yer deyil. Əndərunda ev sahibinin ən məhrəm tərəfləri saxlanır.

Sosial şəbəkələrin də “home”u var. Sosial şəbəkə hesabımızın hər kəsə aid hissəsində post paylaşırıq, rəy yazırıq və s. Amma messencer bizim sosial şəbəkə hesabımızın əndərunudur. Bura yalnız xüsusi adamlar gəlir, orda danışılanlar yalnız iki şəxsə aid olur.

Tamam, sizin inboksunuz intim mətnlərdən, şəkillərdən arınmış ola bilər, lakin əmin olun ki, orada kiminləsə danışdığınız ən xırda detalın belə ictimailəşməsini istəməzsiniz. Orda kiminsə haqqında başqa birinə dediyiniz bir fikir olar, hansı ki, o fikir yazdığınız kimi ictimailəşsə, sizin yanaqlarınız allanar. Çünki ora əndərundur, orda məhrəm hər şeyinizi yerbəyer eləsəniz də, astar olmuş bir paltarınız gözünüzdən qaçacaq və üzə çıxanda o belə sizi utandıracaq.

Düzdü, çağdaş texnoloji tendensiyalar sosiallaşma şərtlərini elə müstəviyə qaldırıb ki, bu proseslərə qurban getmiş bir fərd özü belə başqa adla intim videosunu, yazışmasını yaya bilər.

Biz nələr görmədik!

Amma bütün hallarda, bu versiyanı ən sonuncu kimi saxlayıb, kiminsə inboksuna girən, onu ictimailəşdirən və bu “ifşa”nı iştaha ilə izləyən, paylaşan, sevinən adamları qarşımıza qoymalıyıq - yurdumun adamları...

Qanunsuz əldə olunmuş dəlillər məhkəmə predmeti ola bilməz. Yəni, siz əmin olsanız ki, bəlli bir cinayəti filankəs törədib və o cinayətin açarı şübhəli şəxsin evindədir, siz qanunsuz şəkildə onun evindən həmin dəlili oğurlasanız, o, işinizə yaramayacaq. Məhkəməyə qanlı bıçaqla gəlsəniz də nəyisə dəyişə bilməyəcəksiz.

Əgər birini ifşa etmək üçün dəlil axtarırsınızsa, o dəlili kiminsə inboksundan əldə edə bilməzsiniz. Fərdi özünün ictimailəşdirdiyi, yaxud ictimai müstəvidə edib gizlətmək istədiyi proseslərə görə qınaya, ifşa edə bilərsiniz.

Ən əsası, iki yetkin şəxsin razılığı ilə baş tutan cinsi söhbət, proses niyə rəzalət kimi qəbul edilir? Sağlam adamlardır, sevişirlər! Bu qədər!

Sevişmək əxlaqsızlıq deyil, əxlaqsızlıq inboksu icazəsiz ictimailəşdirməkdir, əxlaqsızlıq həmin “skrın”ları paylaşmaqdır, əxlaqsızlıq həmin görüntüləri ağzı sulana-sulana izləməkdir...

Sonda üzümü hər kəsə tutub deyirəm, başqasının inboksunu müzakirəyə çıxarmaq üçün öz inboksu ağ-appaq olandan başlayaq: kimin inboksu tər-təmizdirsə, ilk paylaşımı o etsin!

REKLAM

Yazarın digər yazıları

Xəbər lenti

Leyla Əliyevanın kitabı təqdim olundu - Foto
14:19 10 Aprel 2021
Qürbətdə ayağım torpaqda ağlar - Azad Yaşardan yeni şeirlər
13:34 10 Aprel 2021
Göy üzünü Tanrı bilərdik - Fəxri Müslümdən şeirlər
12:21 10 Aprel 2021
Sizə həsəd aparıram - Fransada yaşayan azərbaycanlı yazıçı yazır
11:22 10 Aprel 2021
Məşhur repçi narkotikdən öldü
10:10 10 Aprel 2021
Psixoloq Elnur Rüstəmov: “Müharibə bizi koronavirusa yoluxmağa qoymadı” – Müsahibə
09:01 10 Aprel 2021
“Fəryad”ın çəkilişində ona sui-qəsd təşkil etmişdilər – Ceyhun Mirzəyevdən maraqlı faktlar
21:01 09 Aprel 2021
Azərbaycanlı rəqqas Rusiyada fəxri ada layiq görüldü
18:46 09 Aprel 2021
Xanım İsmayılqızı yeni kitabından danışdı
18:02 09 Aprel 2021
Flora Kərimovanın ürəyi dayanıb? - Açıqlama
17:21 09 Aprel 2021
Hamı şeirlərini əzbər bilir, amma heç kəs tanımır – Sözü özündən məşhur şairimiz
16:37 09 Aprel 2021
13 yaşlı Selcandan yeni hekayə
15:49 09 Aprel 2021
Məşhur aktrisa vəfat etdi
15:04 09 Aprel 2021
Xalq rəssamı: "Atam əsir düşəndə Almaniyada Rəsulzadə ilə görüşüb" – Müsahibə
14:17 09 Aprel 2021
Siyavuş Novruzovun axtardığı söz – Sərdar Amin yazır...
12:38 09 Aprel 2021
Trampın köməkçisi dörd milyonluq kitab yazacaq – Müqavilə bağlanıb
12:01 09 Aprel 2021
Xalq artisti xəstəxanaya yerləşdirilib
11:18 09 Aprel 2021
Pulun çaşdırdığı Əlixan Rəcəbov
11:04 09 Aprel 2021
Günün şeiri: Leş
10:30 09 Aprel 2021
Əfqanıstanla mədəni əlaqələr qurulur: Nazir səfirlə görüşüb
10:17 09 Aprel 2021