news-inner
clock12:10 calendar-gray 24 Fevral 2021 view-gray23643 dəfə oxunub
view-gray23643 dəfə oxunub

Ona Bakının Alen Delonu deyirdilər, son filmini çəkib Azərbaycandan getdi... - “Dədə-Qorqud”un Turalı necə Mark Jozef oldu?

Kulis.az azərbaycanlı aktyor Fərhad Yusifov haqqında maraqlı faktları təqdim edir.


Fərhad Fəttah oğlu Yusifov 27 sentyabr 1954-cü ildə Moskvada anadan olub. Orta məktəbi Bakıdakı Konservatoriya yanında Xüsusi Musiqi Məktəbini pianoçu kimi bitirmiş Fərhad Yusifov sonra aktyorluq fakültəsinə daxil olaraq ikinci təhsil alır. Universitet illərindən səhnəyə çıxır, konsertlər təşkil edir.

***

Aktyorluq fəaliyyəti ilə məşğul olsa da, Fərhadın ürəyindəki ən böyük arzu rejissorluq olur. Arzusunu reallaşdırmaq üçün Moskvada VGİK-in rejissorluq şöbəsinə daxil olur. Məşhur sovet rejissoru Yefim Dziqanın kursuna qəbul olunur. Dziqan onun ilk rejissorluq işinə rəhbərlik edir.

***

VGİK-i biriəndən sonra o, yenidən Bakıya qayıdır. Bir sıra ekran əsərlərində “Siyavuş haqqında dastan”, “Nizami”, “Dədə Qorqud”, “Yarımçıq qalmış mahnı” filmlərində müxtəlif obrazları canlandırır.

“Tacikfilm”in istehsalı olan rejissor Boris Kimyagərovun Firdovsinin “Şahnamə” əsəri əsasında “Siyavuş haqqında dastan” filmində canlandırdığı Siyavuş obrazı Rusiya və Tacikistanın kino həvəskarları arasında məşhurluq qazanıb. Bunu Rusiya mətbuatının tez-tez Fərhad Yusifovun yaradıcılığına müraciət etməsi, habelə kinosevərlərin azərbaycanlı aktyorla maraqlanmaları da sübut edir. Filmdə Fərhad kaskadyorun etməli olduğu bütün təhlükəli tryukları özü yerinə yetirir.

***

1975-ci ildə rejissor Tofiq Tağızadənin ekranlaşdırdığı “Dədə Qorqud” filmində Tural obrazını canlandırandan sonra o, böyük məşhurluq qazanır. Onu “Bakının Alen Delonu” adlandırırlar. Filmdə Günel obrazını canlandıran aktrisa Dinarə Yusifova isə aktyorun bacısıdır.

***

Aktyor 1986-cı ildə Ramiz Fətəliyevlə birgə “Aşkarsızlıq şəraitində” filminin rejissorluğunu edir. Rejissor kimi bu film Fərhad Yusifovun ilk işi olur. “Aşkarsızlıq şəraitində” filmi 1986-cı ilin Bakının təsviri baxımından maraqlıdır.

Bu filmin çəkilməsindən üç il sonra 1989-cu ildə Fərhad Yusifov Bakını tərk edərək Kanadanın Monreal şəhərinə köçərək orada yaşamağa başlayır.

***

Aktyorun dostu və sinif yoldaşı Rasim Rəhimov müsahibələrinin birində deyir:
“Bülbül adına Musiqi Məktəbində birinci sinifdən Fərhadla birlikdə oxumuşuq. Fərhadın cavan vaxtlarından kinoya marağı çox idi. Ona görə də, karyerasını kino istiqamətində davam etdirdi. Fərhad gəncliyində də çox yaraşıqlı idi. Hamı onun simasını bəyənirdi. Hələ o vaxtlar Fərhadı Avropa aktyorları ilə müqayisə edirdilər. Onun Bakıdan getmə səbəblərini bilmirik. Bəlkə maddi çətinlik, bəlkə də diqqətsizlik, işsizlik onu bu addıma vadar edib. Amma hələ o vaxtlar da həyata baxış tərzi fərqli idi. Fərhad heç dəyişməyib. Bircə uzun saçları indi yoxdur, qırxdırıb. Başının arxasında isə bir topa uzun saç saxlayıb. Deyir, qoy, baxanlar bilsinlər ki, nə vaxtsa mənim də uzun saçlarım olub. Fərhad bütün pulunu filmlərə xərcləyir. Maddi problemləri var. Azərbaycana gəlmək üçün müəyyən qədər vəsait lazımdır”.

Fərhad Yusifov müsahibələrinin birində Bakını xatırlayır:
“Bakı üçün çox darıxıram. Eşitmişəm ki, Bakı çox dəyişib, gözəlləşib. Xəzər dənizini, Azərbaycanı görmək istəyirəm. Həmişə gənclik illərimiz, Bakı küçələri gözümün önünə gəlir. İnternetdə tez-tez Bakının şəkillərinə, videolarına baxıram. Azərbaycan çox gözəlləşib. Çəkildiyim kinolar heç yaddaşımdan çıxmır. Azərbaycanın uğurlarını eşidəndə sevinirəm. Sağ olsun bəzi dostlarım da, məni unutmayıblar. Bura gələn ilk günlərdə heç kəs mənə “Fərhad” deyə bilmirdi. Nə qədər öyrətsəm də, bu sözü tələffüz edə bilmirdilər. Ona görə də fikirləşdim ki, Fərhadı “Mark”la əvəz edim. İndi hamı məni Mark Jozef kimi tanıyır. Artıq illərdir ki, Kanadada yaşayıram. Buradakı həyat tərzinə öyrəşmişəm. İşlərimi yekunlaşdırsam, yəqin ki, sizinlə Bakıda görüşəcəyəm.

***

Kanadada tammetrajlı “Aldanış” (Заблуждение) filmi üçün ssenari yazan Fərhad Yusifov qrafik dizayn və videomontaj üzrə təhsil alıb. “RTVC” Telekanalında çalışmış aktyor-rejissor müəllif proqramları, habelə reklam çarxları hazırlayıb.

Son bir neçə ildə sənədli filmlər silsiləsindən "Yuxuların Səbəti" eksperimental layihəsi üzərində çalışmış Mark Jozef planetimizin ayrı-ayrı ölkələrində yaşayan sakinlərin bugünkü həyatını işıqlandırıb. Bu silsilədən olan Peruda çəkilmiş birinci film "Salado" 2015-ci ildə "Avropaya Pəncərə" Rusiya kinosu festivalı müsabiqəsində yüksək mükafata layiq görülüb.

news-inner-user

18420 məqalə

Oxşar xəbərlər

Xəbər lenti

Kafkanın “Seçilmiş əsərləri” nəşr olunub
15:30 12 Aprel 2021
Nizami Gəncəvi haqda monoqrafiya nəşr edilib
14:50 12 Aprel 2021
17 yaşında Bakı meri ilə eşq yaşadı, 8 il həbs yatdı, rus qəbiristanlığında basdırıldı – Şalvar geyinən ilk azərbaycanlı qadın
14:22 12 Aprel 2021
Arzuları güllələnən uşaqlar – Yeni şeirlər
13:30 12 Aprel 2021
Azərbaycanlı şairə ağır itki üz verib
12:45 12 Aprel 2021
Kişilərdən çox qadınlara baxan qadın - Güneldən qısa hekayə
12:14 12 Aprel 2021
Niyaməddin Musayev xəstəxanaya yerləşdirildi
11:38 12 Aprel 2021
“Bəşir gəlir” meyxanasına əsəbləşən saxtakarlar
11:30 12 Aprel 2021
Ölüm şeirləri ilə ömür sürən Xalq şairi - Gənc yazar Ramiz Rövşəni sərt tənqid etdi
10:57 12 Aprel 2021
Xalq rəsamımız Türkiyə televiziyasında
10:23 12 Aprel 2021
Entoni Hopkins BAFTA mükafatına layiq görüldü
09:45 12 Aprel 2021
Üçrəngli bayraq niyə ilk dəfə ingilis generalın qarşısında dalğalandı? – Tariximizin “Qara Kitab”ı - Yeni layihə
09:01 12 Aprel 2021
"Yeddi oğul istərəm" filminə çəkildiyinə görə peşman olub ağlayan Xalq artisti - Maraqlı faktlar
10:30 11 Aprel 2021
Rejissorumuzun filmləri beynəlxalq festivalda nümayiş olunacaq
17:01 10 Aprel 2021
Ax tı maşennik - Haqverdiyevin hekayəsi
16:39 10 Aprel 2021
Tbilisidə Nəriman Nərimanovun kitabı təqdim olundu - Foto
15:28 10 Aprel 2021
Leyla Əliyevanın kitabı təqdim olundu - Foto
14:19 10 Aprel 2021
Qürbətdə ayağım torpaqda ağlar - Azad Yaşardan yeni şeirlər
13:34 10 Aprel 2021
Göy üzünü Tanrı bilərdik - Fəxri Müslümdən şeirlər
12:21 10 Aprel 2021
Sizə həsəd aparıram - Fransada yaşayan azərbaycanlı yazıçı yazır
11:22 10 Aprel 2021